ຍີ່ປຸ່ນ ຈະສົ່ງອອກເຂົ້າເພີ່ມຂຶ້ນເກືອບ 8 ເທົ່າ
ຂປລ. ສຳນັກຂ່າວ ຕ່າງປະເທດ ລາຍງານ ຈາກນະຄອນຫລວງ ໂຕກຽວ ປະເທດ ຍີ່ປຸ່ນ ເມື່ອບໍ່ດົນມານີ້ວ່ທ່ານ ມາຊາ ຄາຊຸ ຄາວາກູຊິ ເຈົ້າໜ້າທີ່ລະດັບສູງ ຂອງ ກະຊວງ ກະສິກຳ ຍີ່ປຸ່ນ ຝ່າຍຮັບຜີດຊອບ ກ່ຽວກັບ ນະໂຍບາຍ ການຄ້າເຂົ້າ ເປີດເຜີຍວ່າ: ລັດຖະບານ ມີແຜນຈະສົ່ງອອກເຂົ້າ 350.000 ໂຕນ ໃນປີ 2030 , ເພີ່ມຂຶ້ນ 7,8 ເທົ່າ ຫລື ປະມານ 45.000 ໂຕນ ຈາກ ຕົວເລກສະຖິຕິປີ 2024 ຊຶ່ງເປັນປີ ທີ່ມີ ການສົ່ງອອກເຂົ້າ ສ້າງລາຍໄດ້ໃຫ້ແກ່ ຍີ່ປຸ່ນ ເຖິງ 12 ຕື້ເຢນ.
ການເຄື່ອນໄຫວດັ່ງກ່າວ ຂອງ ລັດຖະບານ ຍີ່ປຸ່ນ ເກີດຂຶ້ນ ຫລັງຈາກ ກະຊວງກະສິກຳ ຍີ່ປຸ່ນ ປະມູນເຂົ້າ 150.0000 ໂຕນ ຈາກ ສາງສຳຮອງ ໃນອາທິດນີ້ ແລະ ມີແຜນລະບາຍ ເຂົ້າສຳຮອງອອກ ຈາກສາງອີກປະມານ 60 ຕື້ໂຕນ ຫາກມີຄວາມຈຳເປັນ. ໂດຍຄະນະລັດຖະມົນຕີ ຍີ່ປຸ່ນ ມີຄວາມເຫັນດີ ເມື່ອເດືອນກຸມພາ ທີ່ຜ່ານມາ ໃຫ້ກຽມເອົາເຂົ້າ ອອກຈາກ ສາງສຳຮອງ ຈຳນວນ 210.000 ໂຕນ ຈາກ ທັງໝົດ ທີ່ມີຢູ່ປະມານ 1 ລ້ານໂຕນ ເພື່ອບັນເທົາ ຄວາມເດືອດຮ້ອນຂອງປະຊາຊົນ ຈາກ ວິກິດການ ຄ່າຄອງຊີບ ແລະ ສະພາບອາກາດ ຮ້ອນຮຸນແຮງ ໃນຊຸມປີທີ່ຜ່ານມາ./