ສ.ອາເມລິກາ ອອກກົດໝາຍ ຊາວການາດາ ພັກອາໄສເກີນ 30 ວັນ ຕ້ອງລົງທະບຽນ
ຂປລ. ສຳນັກຂ່າວ ຕ່າງປະເທດ ລາຍງານ ຈາກ ນະຄອນຫລວງ ວໍຊິງຕັນ ສ.ອາເມລິກາ ເມື່ອບໍ່ດົນມານີ້ວ່າ: ເວັບໄຊລັດ ກິດຈານຸເບກສາ ຂອງ ສ.ອາເມລິກາ ປະກາດວ່າ: ຊາວການາດາ ທີ່ມີ ເປົ້າໝາຍ ຢ້ຽມຢາມ ສ.ອາເມລິກາ ເປັນເວລາຫລາຍກວ່າ 30 ວັນ ຕ້ອງລົງທະບຽນ ລວມເຖິງ ການໃຫ້ລາຍນີ້ວມື ກັບ ໜ່ວຍງານທີ່ກ່ຽວຂ້ອງ ນັບແຕ່ ວັນທີ 11 ເມສານີ້ ຖ້າບໍ່ດັ່ງນັ້ນ ຈະໄດ້ຮັບໂທດ ຕາມກົດໝາຍ.
ຂະນະທີ່ ສື່ທ້ອງຖິ່ນ ຂອງ ສ.ອາເມລີກາ ລາຍງານວ່າ: ມາດຕະການດັ່ງກ່າວ ຈະສົ່ງຜົນກະທົບ ໂດຍກົງຕໍ່ກຸ່ມຊາວ ການາດາ ທີ່ມັກເດີນທາງ ໄປພັກອາໄສ ຊົ່ວຄາວ ຕາມບັນດາລັດ ທາງພາກໃຕ້ ຂອງ ສ.ອາເມລິກາ ທີ່ມີສະພາບ ອາກາດ ອົບອຸ່ນ ກົງກັນຂ້າມກັບ ລັດທາງພາກເໜືອ ທີ່ມີ ອາກາດໜາວຮຸນແຮງ ໃນລະດູໜາວ. ນອກນັ້ນ ກະຊວງ ຄວາມໝັ້ນຄົງຂອງສ.ອາເມລິກາ ປະເມີນວ່າ ຈະມີຊາວການາດາ ປະມານ 2,2-3,2 ລ້ານຄົນ ຈະໄດ້ຮັບຜົນກະທົບ ຈາກມາດຕະການ ລົງທະບຽນແບບໃໝ່. ກ່ອນໜ້ານີ້ ມີການຍົກເວັ້ນ ເປັນກໍລະນີພິເສດ ມາໂດຍຕະຫລອດ. /