ໂຮງຮຽນວັດທະນະທຳກະຊວງ ປກສ ອວຍພອນ ຄະນະອຳນວຍ ການ ຮວຜທ
ຂປລ. ວັນທີ 21 ມັງກອນ 2025 ນີ້, ສະຫາຍ ພັນເອກ ມິ່ງແກ້ວ ວົງຄຳພາ ຫົວໜ້າອຳນວຍການ ໂຮງຮຽນວັດທະນະທຳ ກະຊວງປ້ອງກັນຄວາມສະຫງົບ ພ້ອມຄະນະ ໄດ້ເຂົ້າອວຍພອນຄະນະອຳນວຍການ ໂຮງຮຽນວັດທະນະທຳຊົນເຜົ່າກອງທັບ (ຮວຜທ) ໃນໂອກາດວັນສ້າງຕັ້ງ ກອງທັບປະຊາຊົນລາວ ຄົບຮອບ 76 ປີ (20 ມັງກອນ 1949-20 ມັງກອນ 2025) ໂດຍການຕ້ອນຮັບຈາກ ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງ, ໂຮງຮຽນວັດທະນະທຳຊົນເຜົ່າກອງທັບ ພ້ອມຄະນະ.
ໂອກາດນີ້, ສະຫາຍ ພັນເອກ ສະແຫວງ ແດນນາມົນ ໄດ້ສະແດງຄວາມຂອບໃຈມາຍັງ ຄະນະນຳໂຮງຮຽນວັດທະນະທຳ ກະຊວງປ້ອງກັນຄວາມສະຫງົບ ທີ່ເຫັນໄດ້ຄວາມໝາຍສຳຄັນ ຂອງວັນສ້າງຕັ້ງ ກອງທັບປະຊາຊົນລາວ ຄົບຮອບ 76 ປີ ແລະ ໄດ້ມາອວຍພອນໃນຄັ້ງນີ້, ທັງເປັນການ ຮັດແໜ້ນຄວາມສາມັກຄີ ລະຫວ່າງ ໂຮງຮຽນວັດທະນະທຳຊົນເຜົ່າກອງ ທັບກັບໂຮງຮຽນວັດທະນະທຳ ກະຊວງປ້ອງກັນຄວາມສະຫງົບ ໃຫ້ນັບມື້ແໜ້ນແຟ້ນຍິ່ງໆຂຶ້ນໄປ, ພ້ອມກັນນັ້ນ ຍັງໄດ້ມອບໃບກຽດຕິຄຸນໃຫ້ ໂຮງຮຽນວັດທະນະທຳ ກະຊວງປ້ອງກັນຄວາມສະຫງົບ ຕື່ມອີກ.
ຂ່າວ: ໂອລິນ ມິ່ງມີໄຊ