ມາເລເຊຍ ຈັດກອງປະຊຸມວົງແຄບລັດຖະມົນຕີການຕ່າງປະເທດອາຊຽນ
ຂປລ.ວິທະຍຸ ກະຈາຍສຽງ ຫວຽດນາມ, ກອງປະຊຸມ ວົງແຄບ ລັດຖະມົນຕີ ການຕ່າງປະເທດ ອາຊຽນ ໄດ້ສິ້ນສຸດລົງ ຢາງຈົບງາມ ເມື່ອບໍ່ດົນມານີ້ ຢູ່ ລັງກາວິຂອງ ມາເລເຊຍ ແລະ ສສ ຫວຽດນາມ ມີການປະກອບສ່ວນ ຢ່າງຕັ້ງໜ້າ. ນີ້ແມ່ນການຢັ້ງຢືນຂອງ ທ່ານ ໂດຮຸງວຽດ, ຮອງລັດຖະມົນຕີ ກະຊວງ ການຕ່າງປະເທດ ຫວຽດນາມ. ພ້ອມທັງ ຍົກໃຫ້ເຫັນ ເຖິງບັນດາ ລັດຖະມົນຕີ ການຕ່າງປະເທດ ອາຊຽນ ໄດ້ແລກປ່ຽນ ກ່ຽວກັບ ບັນດາບັນຫາ ຢ່າງເລິກເຊິ່ງ ແລະ ເປັນເອກະພາບ ຫລາຍເນື້ອໃນ ສຳຄັນ. ໃນກອງປະຊຸມ ໄດ້ເລີ່ມຕົ້ນ ຢ່າງເປັນທາງການ ໃນປີຮ່ວມມື ອາຊຽນ ທີ່ຟົດຟື້ນ, ດ້ວຍບັນດາ ຈຸດສຸມບຸລິມະສິດ ກໍ່ຄື ບັນດາຂໍ້ລິເລີ່ມ ໃນບັນດາເສົາຄ້ຳ ຮ່ວມມື ເພື່ອແນໃສ່ ຫັນຫົວຂໍ້ “ກວມລວມ ແລະ ຍືນຍົງ” ໃຫ້ເປັນລະອຽດ. ທີສອງ, ກອງປະຊຸມ ໄດ້ກ້າວເຂົ້າສູ່ ບາດກ້າວ ສ້າງພື້ນຖານຮ່ວມມື ແລະ ພັດທະນາຂອງ ອາຊຽນ ໃນໄລຍະຍາວ. ກອງປະຊຸມ ໄດ້ຢັ້ງຢືນສານ ກ່ຽວກັບ ອາຊຽນ ຢ່າງມີຄວາມສາມັກຄີ, ສວມບົດບາດ ໃຈກາງໃນໂລກ ທີ່ເຕັມໄປດ້ວຍ ການຜັນປ່ຽນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ