ອິນໂດເນເຊຍ ຜະລິດຖ່ານຫີນຫລາຍ ກວ່າ 830 ລ້ານໂຕນ
Email
Print
83
KPL - Asean 2024
ກະຊວງ ພະລັງງານ ແລະ ຊັບພະຍາກອນ ແຮ່ທາດ ຂອງ ອິນນໂດເນເຊຍ ລະບຸວ່າ: ສະຖິຕິ ການຜະລິດ ຖ່ານຫີນ ລວມມີ 830,96 ລ້ານໂຕນ ເມື່ອປີ 2024 , ເພີ່ມຂື້ນ ເມື່ອທຽບໃສ່ປີຜ່ານມາ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ກະຊວງ ພະລັງງານ ແລະ ຊັບພະຍາກອນ ແຮ່ທາດ ຂອງ ອິນນໂດເນເຊຍ ລະບຸວ່າ: ສະຖິຕິ ການຜະລິດ ຖ່ານຫີນ ລວມມີ 830,96 ລ້ານໂຕນ ເມື່ອປີ 2024 , ເພີ່ມຂື້ນ ເມື່ອທຽບໃສ່ປີຜ່ານມາ. ໃນຈຳນວນນີ້ ລວມມີ ການສົ່ງອອກ ໄປຕ່າງປະເທດ ລວມມີ 433,17 ລ້ານໂຕນ ແລະ ຈຳໜ່າຍ ພາຍໃນ ປະເທດ ຈຳນວນ 377,85 ລ້ານໂຕນ, ຍອດຂາຍ ພາຍໃນ ປະເທດ ທັງໝົດມີການຈັດສັນ ຖ່ານຫີນ 209,93 ລ້ານໂຕນ ເພື່ອຕອບສະໜອງ ໃຫ້ແກ່ ຄູ່ຮ່ວມມື ຂອງຕະຫລາດ ພາຍໃນປະເທດ.
ສ່ວນການຜະລິດ ຖ່ານຫີນ ຂອງ ອິນໂດເນເຊຍ ເມື່ອປີກາຍ ເພີ່ມຂຶ້ນ ເກີນເປົ້າໝາຍ ທີ່ ລັດຖະບານ ກຳນົດໄວ້ 710 ລ້ານໂຕນ . ໃນຂະນະທີ່ ອິນໂດເນເຊຍ ເປັນຜູ້ສົ່ງອອກຖ່ານຫີນ ເຊື້ອໄຟຂະໜາດໃຫຍ່ ທີ່ສຸດ ຂອງ ໂລກ./