ຂປລ.ສຳນັກ​ຂ່າວ ຊິນ​ຮວາ​ຂອງ ສປຈີນ, ເມື່ອບໍ່ດົນມານີ້,  ທ່ານ ​ໂມ​ສຕາຟາ ມັດ​ບູລີ ນາຍົກລັດຖະມົນຕີ ​ເອຢິບ ເປີດເຜີຍວ່າ ​ເອຢິບ ຕ້ອນຮັບ​ນັກ​ທ່ອງ​ທ່ຽວ ເພີ່ມສູງຂຶ້ນ ເປັນ​ປະຫວັດສາດ​ ລວມມີ 15,7 ລ້ານ​ເທື່ອ​ຄົນ ​ໃນ​ປີ 2024. ຕົວ​ເລກ ​ດັ່ງກ່າວ ຖື​ເປັນ ​ທ່າ​ອ່ຽງ​ທີ່​ດີ ​ແລະ ຖ້າ​ຫາກ ​ບໍ່​ມີ​ເຫດການໃດ ​ເກີດ​ຂຶ້ນ​ ໃນພື້ນທີ່ນີ້ ຄາດວ່າ ປະລິມານ ​ນັກ​ທ່ອງ​ທ່ຽວ ອາດ​ຈະເພີ່ມຂຶ້ນ​ ​ເຖິງ 18 ລ້ານ​ເທື່ອ​ຄົນ. ນອກນັ້ນ ທ່ານ ​ໂມ​ສຕາຟາ ມັດ​ບູລີ ຍັງຫວັງວ່າ ເອຢິບ ​ຈະ​ບັນລຸເປົ້າ​ໝາຍ ຮອງ​ຮັບ​ນັກ​ທ່ອງ​ທ່ຽວ ​ເຖິງ​ລະດັບ 18 ລ້ານ​ເທື່ອ​ຄົນ ​ໃນ​ປີ 2025 ນີ້ ​ໂດຍ​ສະ​ເພາະ ​ເມື່ອ​ມີ​ການ​ເປີດ​ ພິພິຕະພັນ​ແກຣນ ​ເອຢິບ ຢ່າງ​ເປັນ​ທາງ​ການ​ ໃນ​ປີ​ນີ້. /

KPL