KPL
ສາຍການບິນຫວຽດເຈັດ (Vietjet) ໄດ້ມອບສ່ວນຫລຸດເຖິງ 50% ໃນທຸກເສັ້ນທາງໃນລະຫວ່າງວັນທີ 10-16 ກຸມພາ 2025 ສໍາລັບນັກທ່ອງທ່ຽວຈາກລາວທີ່ກຳລັງວາງແຜນຈະມາທ່ຽວຫວຽດນາມ
ຂປລ. ສາຍການບິນຫວຽດເຈັດ (Vietjet) ໄດ້ມອບສ່ວນຫລຸດເຖິງ 50% ໃນທຸກເສັ້ນທາງໃນລະຫວ່າງວັນທີ 10-16 ກຸມພາ 2025 ສໍາລັບນັກທ່ອງທ່ຽວຈາກລາວທີ່ກຳລັງວາງແຜນຈະມາທ່ຽວຫວຽດນາມ ເພື່ອສຳຜັດທຳມະຊາດທີ່ງົດງາມ, ປະຫວັດສາດອັນຍາວນານ ຫລື ເມືອງທີ່ມີຄວາມໜ້າຕື່ນຕາຕື່ນໃຈ ເຊິ່ງເໝາະກັບຊ່ວງເວລານີ້ທີ່ຈະວາງແຜນໄປທ່ອງທ່ຽວ. Vietjet ໃຫ້ບໍລິການຖ້ຽວບິນໂດຍຕົງຈາກນະຄອນຫລວງວຽງຈັນ ຫາ ນະຄອນໂຮ່ຈີ່ມິງ ແລະ ຮ່າໂນ້ຍ ເຊິ່ງເປັນສອງນະຄອນທີ່ງາມສຸດຂອງຫວຽດນາມ.
ຜູ້ໂດຍສານສາມາດຮັບສ່ວນຫລຸດ Eco-class 50% (ບໍ່ລວມພາສີ ແລະ ຄ່າທຳນຽມ) ໂດຍໃສ່ລະຫັດ BIGSALE50 ເມື່ອຈອງຖ້ຽວບິນຜ່ານເວັບໄຊທາງການຂອງ Vietjet www.vietjetair.com ຫລື ແອັບມືຖື Vietjet Air. ຂໍ້ສະເໜີນີ້ສາມາດໃຊ້ໄດ້ທົ່ວທຸກເຄືອຂ່າຍຂອງ Vietjet, ໂດຍມີວັນທີເດີນທາງທີ່ສາມາດປ່ຽນແປງໄດ້ຕັ້ງແຕ່ວັນທີ 1 ມີນາ ຫາ 22 ພຶດສະພາ 2025 (ເປັນໄປຕາມຂໍ້ກຳນົດ ແລະ ເງື່ອນໄຂ). ປະເທດຫວຽດນາມມີຊື່ສຽງໂດ່ງດັງຍ້ອນຄວາມອຸດົມສົມບູນທາງທຳມະຊາດ ມີມໍລະດົກວັດທະນະທຳອັນດີງາມ, ອາຫານທີ່ແຊບ ແລະ ການຕ້ອນຮັບຢ່າງອົບອຸ່ນ, ເຮັດໃຫ້ເປັນຈຸດໝາຍປາຍທາງທີ່ນັກທ່ອງທ່ຽວຕ່າງປະເທດຕ້ອງໄປຢ້ຽມຢາມ. ບໍ່ວ່າຈະເປັນຫາດຊາຍອັນເກົ່າແກ່ຂອງນະຄອນດານັງ, ຍາຈາງ, ຝູກວກ ໄປຈົນເຖິງສິ່ງມະຫັດສະຈັນທີ່ເປັນມໍລະດົກໂລກຂອງອົງການ UNESCO ນັ້ນກໍຄື: ອ່າວຮ່າລອງ, ນິງບິ່ງ, ໂຮ້ຍອານ ແລະ ເຫວ້ ຫລື ສະເໜ່ຂອງຮ່າໂນ້ຍ ຈົນເຖິງເມືອງທີ່ມີຊີວິດຊີວາຂອງນະຄອນໂຮ່ຈີ່ມິງ. ໃນປີ 2025, Vietjet ສືບຕໍ່ຂະຫຍາຍເສັ້ນທາງສາກົນດ້ວຍເສັ້ນທາງໃໝ່ທີ່ເຊື່ອມຕໍ່ຈາກນະຄອນ ໂຮ່ຈີ່ມິງ ແລະ ຮ່າໂນ້ຍ ຫາ ປັກກິ່ງ ແລະ ກວາງໂຈ່ວ (ປະເທດຈີນ), ພ້ອມທັງຈາກນະຄອນ ໂຮ່ຈີ່ມິງ ຫາ Bangalore ແລະ Hyderabad (ອິນເດຍ), ເພື່ອເປີດທາງເລືອກການເດີນທາງເພີ່ມເຕີມໃຫ້ແກ່ນັກທ່ອງທ່ຽວສາກົນຫລາຍຂຶ້ນ.
KPL
