KPL
ຂປລ. ສູນກາງສະຫະພັນ ກຳມະບານລາວ ໄດ້ເປີດນຳໃຊ້ ສຳນັກງານຫລັງໃໝ່ ໃນວັນທີ 30 ມັງກອນ 2015 ນີ້ ພາຍຫລັງ ທີ່ໄດ້ເລີ່ມກໍ່ສ້າງ ມາແຕ່ວັນທີ 15 ກໍລະກົດ 2013 ໂດຍການໃຫ້ກຽດ ເຂົ້າຮ່ວມ ຂອງທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ລັດຖະມົນຕີວ່າການ ກະຊວງສຶກສາທິການ ແລະ ກິລາ,
ຂປລ. ສູນກາງສະຫະພັນ ກຳມະບານລາວ ໄດ້ເປີດນຳໃຊ້ ສຳນັກງານຫລັງໃໝ່ ໃນວັນທີ 30 ມັງກອນ 2015 ນີ້ ພາຍຫລັງ ທີ່ໄດ້ເລີ່ມກໍ່ສ້າງ ມາແຕ່ວັນທີ 15 ກໍລະກົດ 2013 ໂດຍການໃຫ້ກຽດ ເຂົ້າຮ່ວມ ຂອງທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ລັດຖະມົນຕີວ່າການ ກະຊວງສຶກສາທິການ ແລະ ກິລາ, ມີທ່ານ ຄຳຫລ້າ ລໍລອນສີ ປະທານສູນກາງ ສະຫະພັນ ກຳມະບານລາວ, ທ່ານ ນາງ ສົມໃຈ ສີບຸນເຮືອງ ປະທານບໍລິສັດ ລາວຣາຢານາບູຕິກ ຈຳກັດ, ມີບັນດາ ລັດຖະມົນຕີຊ່ວຍວ່າການ, ພ້ອມດ້ວຍພະນັກງານ ທີ່ກ່ຽວຂ້ອງເຂົ້າຮ່ວມ.
ທ່ານ ນາງ ອາລີ ວົງໜໍ່ບຸນທຳ ຫົວໜ້າຫ້ອງການ ສູນກາງສະຫະພັນ ກຳມະບານລາວ ໄດ້ແຈ້ງໃຫ້ຮູ້ວ່າ: ສຳນັກງານສູນກາງ ສະຫະພັນກຳມະບານລາວ ຫລັງໃໝ່ ຕັ້ງຢູ່ບ້ານນາແຄ, ເມືອງໄຊທານີ, ນະຄອນຫລວງວຽງຈັນ, ໃນເນື້ອທີ່ 11.230 ຕາແມັດເປັນອາຄານ ຖາວອນ 4 ຊັ້ນ, ກ້ວາງ 29 ແມັດ, ຍາວ 43 ແມັດ, ມີຫ້ອງເຮັດວຽກ, ແລະ ເຟີນີເຈີ ແລະ ອຸປະກອນ ຮັບໃຊ້ຫ້ອງການຈຳນວນໜຶ່ງ, ມີຂັ້ນໄດໄຟຟ້າ ມີສະຖານທີ່ຈອດລົດ, ມີຫ້ອງອາຫານ ແລະ ກຳແພງອ້ອມຮອບ, ມູນຄ່າການກໍ່ສ້າງທັງໝົດ 10 ລ້ານໂດລາສະຫະລັດ, ໂດຍແມ່ນ ບໍລີສັດ ຣາມາຢານາບູຕິກ ຈຳກັດ ເປັນຜູ້ກໍ່ສ້າງ ແລະ ລົງທືນ.
ທ່ານ ນາງ ອາລີ ວົງໜໍ່ບຸນທຳ ຍັງໃຫ້ຮູ້ຕື່ມອີກວ່າ: ສຳນັກງານຫລັງດັ່ງກ່າວແມ່ນ ໄດ້ຈາກການຫັນຊັບສິນເປັນ ທຶນ ໂດຍການແລກປ່ຽນກັບສຳນັກງານ ສູນກາງສະຫະ ພັນກຳມະບານລາວ ຫລັງເກົ່າ ເຊິ່ງ ມີເນື້ອທີ່ 5.074 ,81 ຕາ ແມັດ, ອາຄານ 2 ຊັ້ນໜຶ່ງຫລັງ, ສະໂມສອນ ແລະ ເຮືອນ ເກົ່າຈຳນວນໜຶ່ງ ຕັ້ງຢູ່ບ້ານຫັດສະດີ, ເມືອງຈັນທະບູລີ./.
KPL
