KPL
ການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ໄດ້ກ້າວເຂົ້າສູ່ ໄລຍະໃໝ່ ຂອງການພັດທະນາ ຢ່າງມີຄຸນນະພາບສູງ. ຈາກແຜ່ນດິນໃຫຍ່ ອາຊີ-ເອຣົບ ຮອດອາຟຣິກາ ແລະ ອາເມລິກາ ລາຕິນ
ຂປລ.ວິທະຍຸສາກົນແຫ່ງ ສປ ຈີນ,ວັນທີ 22 ກໍລະກົດນີ້, ກອງປະຊຸມຖະແຫລງຂ່າວ, ທ່ານ ກົ່ວເຈ່ຍຄຸ່ນ ໂຄສົກ ກະຊວງການຕ່າງປະເທດຈີນ ກ່າວວ່າ: ການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ໄດ້ກ້າວເຂົ້າສູ່ ໄລຍະໃໝ່ ຂອງການພັດທະນາ ຢ່າງມີຄຸນນະພາບສູງ. ຈາກແຜ່ນດິນໃຫຍ່ ອາຊີ-ເອຣົບ ຮອດອາຟຣິກາ ແລະ ອາເມລິກາ ລາຕິນ, ຈາກການເຊື່ອມຈອດ ດ້ານພື້ນຖານ ໂຄງລ່າງ ຮອດການ ເຊື່ອມຈອດ ດ້ານລະບຽບການ ແລະ ການເຊື່ອມສານ ຈິດໃຈ ຂອງປະຊາຊົນ, ໝາກຜົນ ຂອງການຮ່ວມມື ໄດ້ນຳເອົາ ຜົນປະໂຫຍດ ມາໃຫ້ແກ່ ປະຊາຊົນ 150 ກວ່າປະເທດ. ທ່ານ ກົ່ວເຈ່ຍຄຸ່ນ ກ່າວຕື່ມວ່າ: ສປ ຈີນ ຍິນດີຮ່ວມກັບ ບັນດາຝ່າຍ ເພື່ອຊຸກຍູ້ ການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ຢ່າງມີຄຸນນະພາບສູງ ໃຫ້ເລິກເຊິ່ງ ກວ່າເກົ່າ ແລະ ເປັນຮູບປະທຳ ກວ່າເກົ່າ, ຮ່ວມກັນ ພັດທະນາ ແລະ ຮ່ວມກັນສ້າງ ອະນາຄົດ ທີ່ສວຍງາມ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
