KPL
ຂປລ. ຕອນບ່າຍວັນທີ 4 ມິຖຸນາ 2025, ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ທ່ານ ນາງ ເມລານີລຸຍສ໌ບາໂລ (Melanie Louise Barlow) ເອກອັກຄະຣາຊະທູດ ແຫ່ງສະຫະຣາຊະອານາຈັກອັງກິດ ແລະ ອຽກລັງເໜືອ ປະຈໍາ ສປປ ລາວ
ຂປລ. ຕອນບ່າຍວັນທີ 4 ມິຖຸນາ 2025, ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ທ່ານ ນາງ ເມລານີລຸຍສ໌ບາໂລ (Melanie Louise Barlow) ເອກອັກຄະຣາຊະທູດ ແຫ່ງສະຫະຣາຊະອານາຈັກອັງກິດ ແລະ ອຽກລັງເໜືອ ປະຈໍາ ສປປ ລາວ ເຂົ້າຢ້ຽມຂໍ່ານັບ ເຊິ່ງເປັນຄັ້ງທໍາອິດ ພາຍຫລັງທີ່ ທ່ານລັດຖະມົນຕີ ໄດ້ຮັບການແຕ່ງຕັ້ງເປັນ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ.
ປີ 2025 ແມ່ນຄົບຮອບ 70 ປີ ແຫ່ງ ການສ້າງຕັ້ງສາຍພົວພັນການທູດ ລະຫວ່າງ ສປປ ລາວແລະ ສະຫະຣາຊະອານາຈັກອັງກິດ ແລະ ອຽກລັງເໜືອ, ສອງຝ່າຍໄດ້ມີການຈັດກິດຈະກໍາຮ່ວມກັນ, ພ້ອມທັງມີແຜນການຈັດງານ ສະເຫລີມສະຫລອງ ວັນສໍາຄັນດັ່ງກ່າວໃນທ້າຍປີນີ້. ນັບຕັ້ງແຕ່ສອງປະເທດ ໄດ້ສ້າງຕັ້ງສາຍພົວພັນການທູດຮ່ວມກັນ ໃນວັນທີ 5 ກັນຍາ 1955 ການພົວພັນຮ່ວມມືລະຫວ່າງ ສອງປະເທດແມ່ນມີທ່າກ້າວຂະຫຍາຍຕົວດີຂຶ້ນ. ສປປ ລາວ ແລະ ສ ອັງກິດ ໄດ້ມີການຮ່ວມມືທີ່ດີທັງໃນຂອບສອງຝ່າຍ ແລະ ຫລາຍຝ່າຍ ເຊັ່ນ: ວຽກງານສາທາລະນະສຸກ, ວຽກງານການສຶກສາ ແລະ ໂຄງການເກັບກູ້ລະເບີດທີ່ບໍ່ທັນແຕກ. ຄຽງຄູ່ກັນນັ້ນ, ກໍຍັງໃຫ້ການຊ່ວຍເຫລືອ ໃນການຈັດຝຶກອົບຮົມສຳລັບຂະແໜງການຕ່າງໆ ເຊິ່ງເປັນການປະກອບສ່ວນສຳຄັນເຂົ້າໃນ ການສ້າງສາພັດທະນາ ສປປ ລາວ. ນອກນັ້ນ, ທັງສອງຝ່າຍຍັງໄດ້ມີການແລກ ປ່ຽນການຢ້ຽມຢາມຂອງຄະນະຜູ້ແທນ ລະຫວ່າງ ກະຊວງຂະແໜງການຂອງສອງປະເທດ ຢ່າງເປັນປົກກະຕິ.
KPL
