ຂປລ
ໃນໄລຍະ 6 ອາທິດຜ່ານມາ ມີຜູ້ເສຍຊີວິດ ຢ່າງໜ້ອຍ 124 ຄົນ ໃນນະຄອນຫລວງ ອັງກາລາ ແລະ ເມືອງອີສຕັນບູລ ຈາກການດື່ມເຄື່ອງດື່ມແອລກໍຮໍ ທີ່ປົນເປື້ອນລວມທັງ ມີຜູ້ເຈັບອາການໜັກ ຫລາຍສິບຄົນເຂົ້າປິ່ນປົວ ຢູ່ໂຮງໝໍ.
ຂປລ.ສຳນັກຂ່າວ ອານາໂດລູ ຂອງລັດຖະບານ ຕວັກກີ ເມື່ອວັນທີ 18 ກຸມພາວ່າ: ໃນໄລຍະ 6 ອາທິດຜ່ານມາ ມີຜູ້ເສຍຊີວິດ ຢ່າງໜ້ອຍ 124 ຄົນ ໃນນະຄອນຫລວງ ອັງກາລາ ແລະ ເມືອງອີສຕັນບູລ ຈາກການດື່ມເຄື່ອງດື່ມແອລກໍຮໍ ທີ່ປົນເປື້ອນລວມທັງ ມີຜູ້ເຈັບອາການໜັກ ຫລາຍສິບຄົນເຂົ້າປິ່ນປົວ ຢູ່ໂຮງໝໍ. ເພາະພາວະເປັນພິດ ຈາກການດື່ມເຫລົ້າ ທີ່ຜະສົມສານອື່ນໆ ທີ່ເກີດຂຶ້ນຫລາຍຄັ້ງໃນຕວັກກີ ເນື່ອງຈາກປະເທດທີ່ ມີການລັກລອບ ຜະລິດເຫລົ້າເຖື່ອນ ຢ່າງແພ່ຫລາຍ ແລະ ເຄື່ອງດື່ມດັ່ງກ່າວນີ້ ມັກປົນເປື້ອນ ເມທານໍລ ຊຶ່ງເປັນສານພິດທີ່ເຮັດໃຫ້ ຜູ້ບໍລິໂພກຕາບອດ ເປັນພະຍາດຕັບ ແລະ ເສຍຊີວິດໄດ້. ໃນຂະນະທີ່ ເຈົ້າໜ້າທີ່ໄອຍາການ ສູງສຸດໃນນະຄອນຫລວງ ອັງເກລາ ຈັບກຸມຜູ້ຕ້ອງສົງໄສ 25 ຄົນທີ່ກ່ຽວຂ້ອງກັບ ການຜະລິດ ແລະ ຈຳໜ່າຍເຫລົ້າປອມ ດັ່ງກ່າວ./.
KPL
