ຂປລ
ສຳນັກງານ ການຄົມມະນາຄົມ ທາງບົກຂອງ ສິງກະໂປ (ແອລທີເອ) ໄດ້ອອກ ຖະແຫລງການ ກ່ຽວກັບ ການທົດລອງ ໃຊ້ລົດໂດຍສານ ແບບບໍ່ມີຄົນຂັບ ເປັນເວລາ 3 ປີ ນັບແຕ່ໄລຍະກາງ ປີ 2026 .
ຂປລ. ສຳນັກຂ່າວ ຕ່າງປະເທດ ລາຍງານ ຈາກປະເທດ ສິງກະໂປ ເມື່ອວັນທີ 27 ມັງກອນ 2025 ວ່າ: ສຳນັກງານ ການຄົມມະນາຄົມ ທາງບົກຂອງ ສິງກະໂປ (ແອລທີເອ) ໄດ້ອອກ ຖະແຫລງການ ກ່ຽວກັບ ການທົດລອງ ໃຊ້ລົດໂດຍສານ ແບບບໍ່ມີຄົນຂັບ ເປັນເວລາ 3 ປີ ນັບແຕ່ໄລຍະກາງ ປີ 2026 .
ສຳນັກງານດັ່ງກ່າວ ຈະໃຊ້ລົດໂດຍບສານ ບໍ່ມີຄົນຂັບ ສາມາດ ຮັບຮອງ ຜູ້ໂດຍສານໄດ້ ຢ່າງໜ້ອຍ 16 ບ່ອນນັ່ງ ແລະ ຂະນະນີ້ ພວມຢູ່ໃນລະຫວ່າງ ການປະມູນ ໃຫ້ບໍລິການ ໃນພື້ນທີທ່ອງທ່ຽວ ແລະ ທຸລະກິດ ເພື່ອປະເມີນຄວາມເປັນໄປໄດ້ ທາງດ້ານເຕັກນິກ ແລະ ຂໍ້ກຳນົດ ສຳລັບ ການດຳເນີນງານ ລົດໂດຍສານ ອັດຕະໂນມັດ ໃນອະນາຄົດ ທັງໃນລະດັບ ການໃຫ້ບໍລິການ ເປັນແຕ່ລະຄັນ ແລະ ລະດັບເປັນກຸ່ມ. ໃນຂະນະທີ່ ສິງກະໂປ ທົດລອງຍານພາຫະນະ ແບບບໍ່ມີຄົນຂັບ ຫລາຍປະເພດ ເປັນເວລາຫລາຍປີ ລວມເຖິງ ລົດບັນທຸກ ແລະ ລົດແທັກຊີອີກດ້ວຍ./
KPL
