ຂປລ
ກະຊວງ ການຄ້າ ຂອງ ສປຈີນ ລາຍງານວ່າ: ການການລົງທຶນ ແລະ ຄວາມຮ່ວມມື ລະຫວ່າງປະເທດ ຂອງສປຈີນ ໄດ້ເຕີບໂຕຢ່າງໝັ້ນຄົງ ໃນປີ 2024. ໂດຍການລົງ ທຶນຂາອອກ ທີ່ບໍ່ແມ່ນພາກການເງິນ ຂອງ ສປຈີນ ໃນປີ 2024 ລວມມີ 1,43 ແສນລ້ານ ໂດລາ ສະຫະລັດ
ຂປລ. ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ກະຊວງ ການຄ້າ ຂອງ ສປຈີນ ລາຍງານວ່າ: ການການລົງທຶນ ແລະ ຄວາມຮ່ວມມື ລະຫວ່າງປະເທດ ຂອງສປຈີນ ໄດ້ເຕີບໂຕຢ່າງໝັ້ນຄົງ ໃນປີ 2024. ໂດຍການລົງ ທຶນຂາອອກ ທີ່ບໍ່ແມ່ນພາກການເງິນ ຂອງ ສປຈີນ ໃນປີ 2024 ລວມມີ 1,43 ແສນລ້ານ ໂດລາ ສະຫະລັດ , ເພີ່ມຂຶ້ນ 10,5% ເມື່ອທຽບປີຕໍ່ປີ , ໂດຍສະເພາະ ການລົງທຶນ ໃນກຸ່ມປະເທດ ອາຊຽນ ເພີ່ມຂຶ້ນ 12,6% ເມື່ອທຽບປີຕໍ່ປີ.
ສ່ວນການລົງທຶນ ດ້ານການບໍລິການ ທາງທຸລະກິດ, ການຜະລິດ ແລະ ການຄ້າຍ່ອຍ-ການຂາຍສົ່ງ ໄດ້ມີການຂັບເຄື່ອນ ຈະເລີນເຕີບໂຕຂຶ້ນ ໂດຍມູນຄ່າ ໂຄງການ ທີ່ເຮັດ ສັນຍາ ຢູ່ຕ່າງປະເທດ ຂອງ ສປຈີນ ເມື່ຶອປີ2024 ບັນລຸເຖິງ 1,65 ແສນລ້ານ ໂດລາ ສະຫະລັດ, ເພີ່ມຂຶ້ນ 3,1% ເມື່ອທຽບປີຕໍ່ປີ. ນອກນັ້ນ ກະຊວງ ແຮງງານ ຂອງ ສປຈີນ ຍັງໄດ້ຈັດສົ່ງ ຈຳນວນ ແຮງງານ ໄປເຮັດວຽກ ຢູ່ຕ່າງປະເທດ ລວມມີ 4,09 ແສນຄົນ, ເພີ່ມຂຶ້ນ 17,9% ເມື່ອທຽບປີຕໍ່ປີ, ໂດຍຈຳນວນແຮງງານ ຊາວສປຈີນ ທີ່ຖືກຈ້າງງານ ໃນຕ່າງປະ ເທດ ລວມມີ 5,94 ແສນຄົນ ໄລ່ເຖິງທ້າຍປີ 2024./
KPL
