ຂປລ
ທາງການ ມຽນມາ ລາຍງານວ່າ: ເຈົ້າໜ້າທີ່ ຕຳຫລວດ ປາບປາມ ຢາເສບຕິດ ມຽນມາ ສາມາດຢຶດ ສານເສບຕິດສັງເຄາະ ແບບນໍ້າ ໂດຍເອີ້ນວ່າ: ແຮບປີ້ວໍເຕີຣ (happy water) ດ້ວຍປະລິມານ 11,635 ກິໂລກຣາມ ແລະ ຢຶດເຄຕາມິນຫລື ຢາເຄ 3,6 ກິໂລກຣາມ
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 27 ມັງກອນ 2025, ທາງການ ມຽນມາ ລາຍງານວ່າ: ເຈົ້າໜ້າທີ່ ຕຳຫລວດ ປາບປາມ ຢາເສບຕິດ ມຽນມາ ສາມາດຢຶດ ສານເສບຕິດສັງເຄາະ ແບບນໍ້າ ໂດຍເອີ້ນວ່າ: ແຮບປີ້ວໍເຕີຣ (happy water) ດ້ວຍປະລິມານ 11,635 ກິໂລກຣາມ ແລະ ຢຶດເຄຕາມິນຫລື ຢາເຄ 3,6 ກິໂລກຣາມ ພ້ອມທັງສານເສບຕິດ ຜິດກົດໝາຍອື່ນໆ ໃນພື້ນທີ່ ພາກກາງຂອງ ມຽນມາ.
ເຈົ້າໜ້າທີ່ ໄດ້ຮັບຂໍ້ມູນ ແລະ ເຂົ້າກວດຄົ້ນ ເຮືອນຜູ້ຕ້ອງສົງໄສ ໃນເມືອງ ມະຮາມະເຍ ພາກພື້ນ ມັນທະເລີຍ ພ້ອມຢຶດສານ ແຮບປີ້ວໍເຕີຣ 3 ກິໂລກຣາມ. ນອກຈາກນີ້ ເຈົ້າາໜ້າທີ່ ຍັງສາມາດ ຢຶດເຄຕາມິນ 3,6 ກິໂລກຣາມ, ແຮບປີ້ວໍເຕີຣ 8,635 ກິໂລກຣາມ, ຢາອີ 40 ເມັດ, ຢາແຮບປີ້ໄຟ 150 ເມັດ, ສານກະຕຸ້ນ 280 ເມັດ ແລະ ຢາໄອ (ເມແອມເຟຕາມິນ) 5 ກຣາມ ຈາກເຮືອນຜູ້ຕ້ອງສົງໄສອີກຄົນໜຶ່ງ ໃນເມືອງດຽວກັນ. ສ່ວນຢາເສບຕິດທີ່ຢຶດໄດ້ ດ້ວຍມູນຄ່າຫລາຍກວ່າ 1,4 ຕື້ຈ໊າດ./
KPL
