ຂປລ. ວັນທີ 22 ມັງກອນ 2025 ນີ້, ພະແນກຊາວໜຸ່ມ ໂຮງຮຽນວັດທະນະທຳຊົນເຜົ່າກອງທັບ (ຮວຜທ) ໄດ້ຈັດກອງປະຊຸມສະຫລຸບ ການເຄື່ອນໄຫວວຽກງານຮອບດ້ານ ປະຈຳປີ 2024 ແລະ ທິດທາງແຜນການ ປະຈຳປີ 2025 ໂດຍການເປັນປະທານຂອງ ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົາກອງທັບ, ມີບັນດາຄະພັກ-ຄະນະອຳນວຍການ, ຄະນະໜ່ວຍພັກ 4 ຫ້ອງ, 2 ກອງພັນ, ພະນັກງານ-ນັກຮົບ, ຄະນະຊາວໜຸ່ມ, ສະມາຊິກຊາວໜຸ່ມທົ່ວໂຮງຮຽນ ເຂົ້າຮ່ວມ.

ສະຫາຍ ພັນໂທ ພອນວິໄລ ເຮືອງຄຳທີ ຫົວໜ້າພະແນກຊາວໜຸ່ມ ໂຮງຮຽນວັດທະນະທຳຊົນເຜົ່າກອງທັບ ໄດ້ຜ່ານບົດສະຫລຸບຕີລາຄາ ການຈັດຕັ້ງປະຕິບັດ ວຽກງານໃນໄລຍະຜ່ານມາ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກ ກະຊວງປ້ອງກັນປະເທດວາງອອກ ຕິດພັນກັບການຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 4 ບຸກ ທີ່ສູນກາງຊາວໜຸ່ມວາງອອກ ດ້ວຍຄວາມຮັບຜິດຊອບສູງ ແລະ ມີຜົນສໍາເລັດຫລາຍດ້ານ, ທົ່ວໂຮງຮຽນວັດທະນະທຳຊົນເຜົ່າກອງທັບ ມີສະມາຊິກຊາວໜຸ່ມທັງໝົດ 417 ສະຫາຍ ສາມາດຕີລາຄາຈັດແບ່ງປະເພດຊາວໜຸ່ມນຳໜ້າ 4 ບຸກ ໄດ້ 366 ສະຫາຍ, ແຂງໄດ້ 44 ສະຫາຍ, ໄດ້ຖືເອົາວຽກງານສຶກສາອົບຮົມ ການເມືອງ-ນໍາພາແນວຄິດ ເປັນບັນຫາສໍາຄັນ ດ້ວຍການນໍາເອົາບັນດາມະຕິ, ຄຳສັ່ງຂອງພັກ, ກົດໝາຍລັດ, ຂໍ້ກຳນົດ, ກົດລະບຽບຂອງກອງທັບ ແລະ ເອກະສານມູນເຊື້ອທີ່ສໍາຄັນຕ່າງໆ ມາເຜີຍແຜ່ເຊື່ອມຊຶມຢ່າງຕໍ່ເນື່ອງ ເຮັດໃຫ້ສະມາຊິກ ຊາວໜຸ່ມພາຍໃນໜ່ວຍ ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີລະບຽບວິໄນເຂັ້ມງວດ ແລະ ຫ້າວຫັນຕໍ່ໜ້າທີ່ວຽກງານທີ່ໄດ້ຮັບມອບໝາຍ. ພ້ອມນີ້, ໄດ້ນໍາພາ-ຊີ້ນໍາໜ່ວຍຊາວໜຸ່ມ ອອກແຮງງານຕາມຂອບເຂດ ຄວາມຮັບຜິດຊອບ, ໄດ້ເອົາໃຈໃສ່ຊີ້ນໍາບັນດາໜ່ວຍຊາວໝຸ່ມ ອີງຕາມສະພາບແວດລ້ອມ ຂອງແຕ່ລະໜ່ວຍຊອກຫາແຫລ່ງລາຍຮັບ ດ້ວຍການປູກພືດ, ລ້ຽງສັດ, ຂາຍເຄື່ອງ ແລະ ອື່ນໆ.

ກອງປະຊຸມຍັງໄດ້ພ້ອມກັນ ປະກອບຄຳຄິດເຫັນໃສ່ບົດສະຫລຸບ ແລະ ທິດທາງແຜນການໃນຕໍ່ໜ້າ, ພ້ອມທັງມອບຫລຽນກາລະນຶກ 65 ປີ ຂອງຄະນະບໍລິຫານຊາວໜຸ່ມ ປະຊາຊົນປະຕິວັດລາວ ແລະ ມອບຂອງຂວັນ ໃຫ້ສະມາຊິກຊາວໜຸ່ມຜູ້ດີເດັ່ນ ປະເພດ 1 ຈຳນວນ 5 ສະຫາຍ ແລະ ປະເພດ 2 ຈຳນວນ 10 ສະຫາຍ.

ໂອກາດນີ້, ສະຫາຍ ພັນເອກ ສະແຫວງ ແດນນາມົນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນ ງານທີ່ເຮັດສຳເລັດໃນໄລຍະຜານມາ, ພ້ອມທັງເນັ້ນໜັກໃຫ້ ຄະນະພັກ-ຄະນະບັນຊາ ເອົາໃຈໃສ່ສຶກສາອົບຮົມ ການເມືອງ-ແນວຄິດ ໃຫ້ຄະນະໜ່ວຍຊ່າວໜຸ່ມ ແລະ ສະມາຊິກຊາວໜຸ່ມແຕ່ລະສະຫາຍ ມີຄຸນທາດການເມືອງ ມີແນວຄິດຫລັກໝັ້ນ ມີນ້ຳໃຈຮັກຊາດ ເຄົ່າລົບຕໍ່ລະບຽບກົດໝາຍ ຂອງພັກ-ລັດ, ກົດລະບຽບຂອງຊາວໜຸ່ມກອງທັບວາງອອກ, ເອົາໃຈໃສ່ປະຕິບັດ 7 ລະບອບ 18 ວຽກຂອງກອງທັບ ມີສະຕິຕໍ່ການຈັດຕັ້ງ, ເຊື່ອມຊຶມນະໂຍບາຍແນວທາງ ຂອງພັກ-ລັດ ແນວຄິດຂອງປະທານໄກສອນ ພົມ ວິຫານ ແລະ ຊອກຮູ້ຮໍ່າຮຽນ ວິທະຍາສາດ-ເຕັກໂນໂລຊີ້ ທີ່ທັນສະໄໝ, ຊຸກຍູ້ອົງການຈັດຕັ້ງຊາວໜຸ່ມ-ເຍົາວະຊົນ ໃຫ້ກາຍເປັນຊາວໜຸ່ມນຳໜ້າ 4 ບຸກ ເພື່ອເປັນພື້ນຖານໃນການກໍ່ສ້າງກົມກອງເຂັ້ມແຂງ ໜ່ວຍພັກປອດໃສ ພອດໄພ ປອດຄະດີ ແລະ ກົມກອງວັດທະນະທຳ, ພ້ອມກັນນຳເອົາແຜນການ ໃນຕໍ່ໜ້າໄປຈັດຕັ້ງປະຕິບັດ ໃຫ້ປະກົດຜົນເປັນຈິງ.

ໃນວັນດຽວກັນ, ພະແນກສະຫະພັນແມ່ຍິງ ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດກອງປະຊຸມສະຫລຸບວຽກງານຮອບດ້ານປະຈຳປີ 2024 ແລະ ວາງທິດທາງແຜນການປະຈໍາປີ 2025 ເຊັ່ນດຽວກັນ ໂດຍ ສະຫາຍ ພັນຕີ ນາງ ມະໄລສອນ ມຽງເຮືອງທອງ ຫົວໜ້າພະແນກສະຫະພັນແມ່ຍິງ ໂຮງຮຽນວັດທະນະທຳ ຊົນເຜົ່າກອງທັບ ໄດ້ຍົກໃຫ້ເຫັນບັນດາຜົນງານ ທີ່ພົ້ນເດັ່ນໃນຕະຫລອດໄລຍະ 1 ປີຜ່ານມາ, ພະແນກສະຫະພັນແມ່ຍິງ ໄດ້ປະສານສົມທົບກັບ ຄະນະພັກ-ຄະນະບັນຊາ ເອົາໃຈ ໃສ່ສຶກສາອົບຮົມການເມືອງ-ນຳພາແນວຄິດ ໃຫ້ເອື້ອຍນ້ອງສະມາຊິກສະຫະພັນແມ່ຍິງດ້ວຍຫລາຍຮູບ, ຫລາຍວິທີສອດຄ່ອງ ແທດເໝາະ ກັບເງື່ອນໄຂຕົວຈິງ ຂອງແຕ່ລະກົມກອງ, ປຸກລະດົມເອື້ອຍນ້ອງແມ່ ຍິງເຂົ້າຮ່ວມເຊື່ອມຊຶມແນວທາງ, ແຜນນະໂຍບາຍ, ມະຕິຄຳສັ່ງຕ່າງໆຂອງພັກ-ລັດ, ຂອງສູນກາງສະ ຫະພັນແມ່ຍິງລາວ ໂດຍໄດ້ຈັດຕັ້ງເຜີຍແຜ່ເອກະສານສຳຄັນຕ່າງໆ. ຄຽງຄູ່ກັນນັ້ນ, ໃນການຈັດຕັ້ງປະຕິ ບັດເນື້ອໃນຂໍ້ແຂ່ງຂັນ 3 ດີ ໄດ້ປຸກລະດົມສະມາຊິກ ສະຫະພັນແມ່ຍິງ ເຂົ້າຮ່ວມຂະບວນການແຂ່ງຂັ້ນ 3 ດີ ຢ່າງເປັນຂະບວນກວ້າງຂວາງ ຟົດຟື້ນ ແລະ ຕໍ່ເນື່ອງ ຈັດຕັ້ງກອງປະຊຸມສະຫລຸບ ການປະຕິບັດຂໍ້ແຂ່ງຂັນ 3 ດີ ໄລຍະ 4 ປີ (2021-2024) ແລະ ທິດທາງແຜນການ 5 ປີ (2025-2029), ສາມາດຕີລາຄາການ ຈັດຕັ້ງປະຕິບັດຂໍ້ແຂ່ງຂັນ 3 ດີ ຄັດເລືອກປະເພດໄດ້ ພົນລະເມືອງດີ 62 ສະຫາຍ, ພັດທະນາດີ 62 ສະຫາຍ, ຄອບຄົວດີ 62 ຄອບຄົວ, ບຸກຄົນ 3 ດີ ປະເພດ 1 ຈຳນວນ 52 ສະຫາຍ, ປະເພດ 2 ຈຳນວນ 12 ສະຫາຍ, ກົມກອງຊີ້ນຳ-ນຳພາດີເດັ່ນ 1 ກົມກອງ, ນອກຈາກໄດ້ເອົາໃຈໃສ່ໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ຍັງໄດ້ຕິດພັນກັບຂະບວນການ ແຂ່ງຂັນຮັກຊາດ ແລະ ພັດທະນາ ແລະ ອື່ນໆ.

ຂ່າວ: ໂອລິນ ມິ່ງມີໄຊ

KPL