ຂປລ
ທ່ານ ໄຈຊານກາ(Jaishankar) ລັດຖະມົນຕີ ການຕ່າງປະເທດ ອິນເດຍ ໄດ້ມີການພົບປະກັບ ທ່ານ ຫວາງອີ (Wang Yi), ລັດຖະມົນຕີ ການຕ່າງປະເທດ ຈີນ ຢູ່ປະເທດ ບຣາຊິນ ໃນນອກຂອບ ກອງປະຊຸມ ສຸດຍອດ ກຸ່ມບັນດາ ພື້ນຖານ ເສດຖະກິດ ຫາກໍ່ ພົ້ນເດັ່ນຂຶ້ນ ແລະ ແຖວໜ້າໂລກ (G20) ໂດຍໄດ້ຕົກລົງ ເຫັນດີ ເລື່ອງຖອນກຳລັງ ທະຫານ ອອກຈາກ ບັນດາ ເຂດຊາຍແດນ ໄດ້ປະກອບ ສ່ວນ ຮັກສາ ສັນຕິພາບ ແລະ ສະຖຽນລະພາບ.
ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມານີ້, ທ່ານ ໄຈຊານກາ(Jaishankar) ລັດຖະມົນຕີ ການຕ່າງປະເທດ ອິນເດຍ ໄດ້ມີການພົບປະກັບ ທ່ານ ຫວາງອີ (Wang Yi), ລັດຖະມົນຕີ ການຕ່າງປະເທດ ຈີນ ຢູ່ປະເທດ ບຣາຊິນ ໃນນອກຂອບ ກອງປະຊຸມ ສຸດຍອດ ກຸ່ມບັນດາ ພື້ນຖານ ເສດຖະກິດ ຫາກໍ່ ພົ້ນເດັ່ນຂຶ້ນ ແລະ ແຖວໜ້າໂລກ (G20) ໂດຍໄດ້ຕົກລົງ ເຫັນດີ ເລື່ອງຖອນກຳລັງ ທະຫານ ອອກຈາກ ບັນດາ ເຂດຊາຍແດນ ໄດ້ປະກອບ ສ່ວນ ຮັກສາ ສັນຕິພາບ ແລະ ສະຖຽນລະພາບ. ບັນດາ ການປຶກສາ ຫາລື ລະຫວ່າງ ສອງຝ່າຍ ແມ່ນສຸມໃສ່ ເຂົ້າໃນ ບັນດາ ບາດກ້າວ ຕໍ່ໄປ ໃນການພົວພັນ ອິນເດຍ-ສປ ຈີນ. ທ່ານ ລັດຖະມົນຕີ ກະຊວງການຕ່າງປະເທດ ອິນເດຍ ແລະ ທ່ານ ລັດຖະມົນຕີ ກະຊວງການຕ່າງປະເທດຈີນ ຕົກລົງ ເຫັນດີ ນຳກັນ ຈະຈັດຕັ້ງກອງປະຊຸມ ບັນດາຜູ້ຕາງໜ້າພິເສດ ແລະ ກົນໄກ ສົນທະນາ ຂັ້ນຮອງລັດຖະມົນຕີ ການຕ່າງປະເທດລະຫວ່າງ ສອງປະເທດ ໂດຍໄວ ແລະ ໄດ້ປຶກສາຫາລື ກ່ຽວກັບ ການເຊື່ອມຕໍ່ ຄືນໃໜ່ ການເຄື່ອນໄຫວ Kailash Mansarovar Yatra, ແບ່ງປັນຂໍ້ມູນກ່ຽວກັບ ບັນດາລຳແມ່ນ້ຳ ຂ້າມຊາຍແດນ, ເຊື່ອມຕໍ່ ບັນດາສາຍການບິນໂດຍກົງ ລະຫວ່າງ ອິນເດຍ ແລະ ສປ ຈີນ ຄືນໃຫມ່ ແລະ ແລກປ່ຽນຂໍ້ມູນຂ່າວສານ ສອງຝ່າຍ. ສຳລັບ ສະພາບການ ທົ່ວໂລກ ແລະ ບັນດາ ບັນຫາ ສາກົນ, ທັງສອງຝ່າຍ ໃຫ້ຄຳໝັ້ນສັນຍາ ຕໍ່ໂລກ ຫລາຍຂົ້ວ ລວມມີ ອາຊີ ຫລາຍຂົ້ວ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
