ຂປລ
ນັກທ່ອງທ່ຽວລາວສາມາດເພີດເພີນກັບການພັກຮ້ອນໃນຫາດຊາຍທີ່ສວຍງາມຂອງຫວຽດນາມ ດ້ວຍສາຍການບິນຂອງຫວຽດເຈັດ (VietJet) ທີ່ມີການຂະຫຍາຍທາງເລືອກສຳລັບຜູ້ທີ່ມັກຫາດຊາຍທີ່ສວາຍງາມ ດ້ວຍການເພີ່ມຖ້ຽວບິນໄປຫາບັນດາແຫລ່ງທ່ອງທ່ຽວແຄມທະເລ ທີ່ມີຊື່ສຽງຂອງຫວຽດນາມ ຄື: Nha Trang ແລະ Phu Quoc,ໃນຂະນະດຽວກັນກໍໄດ້ສືບຕໍ່ຂະຫຍາຍຖ້ຽວບິນສາກົນຢ່າງຕໍ່ເນື່ອງ.
ນັກທ່ອງທ່ຽວລາວສາມາດເພີດເພີນກັບການພັກຮ້ອນໃນຫາດຊາຍທີ່ສວຍງາມຂອງຫວຽດນາມ ດ້ວຍສາຍການບິນຂອງຫວຽດເຈັດ (VietJet) ທີ່ມີການຂະຫຍາຍທາງເລືອກສຳລັບຜູ້ທີ່ມັກຫາດຊາຍທີ່ສວາຍງາມ ດ້ວຍການເພີ່ມຖ້ຽວບິນໄປຫາບັນດາແຫລ່ງທ່ອງທ່ຽວແຄມທະເລ ທີ່ມີຊື່ສຽງຂອງຫວຽດນາມ ຄື: Nha Trangແລະ Phu Quoc,ໃນຂະນະດຽວກັນກໍໄດ້ສືບຕໍ່ຂະຫຍາຍຖ້ຽວບິນສາກົນຢ່າງຕໍ່ເນື່ອງ.
ສາຍການບິນ VietJet ໄດ້ເປີດຖ້ຽວບິນທຳອິດທີ່ເຊື່ອມຕໍ່ຫາເມືອງແຄມທະເລຂອງຫວຽດນາມ ເປັນຕົ້ນ: ເກາະ Phu Quoc ກັບ 2 ຕົວເມືອງຂອງໄຕ້ຫວັນ ຄື: Kaohsiung ແລະ Taichung. ຖ້ຽວບິນPhu Quoc ຫາ Taichung ໄດ້ເລີ່ມດຳເນີນການໃນວັນທີ 13 ມິຖຸນານີ້ ດ້ວຍຖ້ຽວບິນໄປກັບ 3 ຖ້ຽວຕໍ່ອາທິດ. ຖ້ຽວບິນ Phu Quoc ຫາ Kaohsiung ໄດ້ເລີ່ມໃຫ້ບໍລິການໃນມື້ຕໍ່ມາ, ດ້ວຍ4 ຖ້ຽວຕໍ່ອາທິດ. ພ້ອມກັນນັ້ນ, VietJet ໄດ້ເພີ່ມຖ້ຽວບິນກົງທີ່ເຊື່ອມຕໍ່ Phu Quoc ກັບ Seoul (ສະໜາມບິນສາກົນ Incheon) ຈາກ 2 ເປັນ 3 ຖ້ຽວບິນໄປກັບທຸກມື້ແຕ່ວັນທີ 14 ມິຖຸນາ. ເລີ່ມແຕ່ວັນທີ 19 ກໍລະກົດນີ້, ສາຍການບິນຍັງເພີ່ມຖ້ຽວບິນ ລະຫວ່າງ ບັນດາເມືອງທີ່ຕິດກັບທະເລຂອງນະຄອນ Nha Trang ເປັນສອງເທົ່າ ແລະ Busan ຈາກໜຶ່ງເປັນສອງຮອບຕໍ່ມື້. ການຂະຫຍາຍຕົວດັ່ງກ່າວຊີ້ໃຫ້ເຫັນວ່າ VietJet ໄດ້ໃຫ້ບໍລິການຖ້ຽວບິນໄປກັບ 21 ຖ້ຽວຕໍ່ມື້, ເທົ່າກັບ 147 ຖ້ຽວບິນໄປກັບທຸກໆອາທິດ, ລະຫວ່າງ ຫວຽດນາມ ແລະ ສ ເກົາຫລີ. ປັດຈຸບັນສາຍການບິນໄດ້ໃຫ້ບໍລິການຖ້ຽວບິນກົງ 11 ເສັ້ນທາງທີ່ເຊື່ອມຕໍ່ນະຄອນ Ho Chi Minh , Ha Noi, Da Nang, Nha Trang, Phu Quoc, Hai Phong with Seoul ແລະ Busan. ການຂະຫຍາຍຕົວດັ່ງກ່າວຈະສ້າງໂອກາດໃຫ້ແກ່ນັກທ່ອງທ່ຽວຈາກລາວ ທີ່ຢາກສຳຜັດກັບທະເລທີ່ສວຍງາມຢູ່ຫວຽດນາມ ຜ່ານເສັ້ນທາງເຊື່ອມຕໍ່ນະຄອນໂຮ່ຈີມິນ ກັບ Nha Trang, Phu Quoc, Da Nang ແລະອື່ນໆ. ນອກນີ້, ນັກທ່ອງທ່ຽວຍັງສາມາດທ່ອງທ່ຽວເຖິງຈຸດໝາຍປາຍທາງອັນດັບຕົ້ນໆຂອງອາຊີປາຊີຟິກຄື: Tokyo, Osaka, Seoul, Busan, Taipei, Hong Kong, Sydney, Melbourne, Brisbane, New Delhi, Mumbaiແລະ ອື່ນໆ.
ເພື່ອເປັນການສະຫລອງຄວາມສຳເລັດໃນຄັ້ງນີ້, VietJet ໄດ້ມອບໂປຣໂມຊັນໃຫຍ່ໃນທຸກໆວັນສຸກ ຈົນເຖິງທ້າຍປີ ສຳລັບຜູ້ໂດຍສານທີ່ຈອງປີ້ຍົນຕ່າງປະເທດໄດ້ໃນເວັບໄຊ www.vietjetair.com ຫລື ຜ່ານແອັບມືຖື VietJet Air ໂດຍຄ່າໂດຍສານເລີ່ມຕົ້ນພຽງແຕ່0 ໂດລາ (ບໍ່ລວມພາສີ ແລະ ຄ່າທຳນຽມ). ຜູ້ໂດຍສານ VietJet ທຸກຄົນຈະໄດ້ຮັບປະກັນໄພການເດີນທາງແບບ Sky Care ຟຣີ, ລວມເຖິງສິດທິປະໂຫຍດອີກຫລາກຫລາຍ ແລະ ບໍລິການຊ່ວຍເຫລືອດ້ານການແພດ ແລະ ການເດີນທາງທົ່ວໂລກຕະຫລອດ 24 ຊົ່ວໂມງ.
KPL
