ຕະຫລາດນັດເຮືອນລາວ ສົ່ງເສີມ ການທ່ອງທ່ຽວ ຈະຈັດຂຶ້ນ 7-10 ມີນາ

28/02/2024 17:01
Email Print 2353
ຂປລ ຂປລ. ເທສະການຕະຫລາດນັດເຮືອນລາວ ຈະຈັດຂຶ້ນໃນລະຫວ່າງ 7-10 ມີນາ 2024 ນີ້, ຢູ່ເຮືອນຊົງລາວ ເຂດກົມມະລຽນພະທາດຫລວງວຽງຈັນ ເພື່ອສົ່ງເສີມຜະລິດຕະພັນຂອງຄົນລາວ ເປັນຕົ້ນ ຜະລິດຕະພັນກະສິກຳ, ຫັດຖະກຳ, ເຄື່ອງອຸປະໂພກ, ບໍລິໂພກ ແລະ ອື່ນໆ, ທັງເປັນການເຕົ້າໂຮມ ເອົາຜະລິດຕະພັນຕ່າງໆ ທີ່ເປັນຂອງຄົນລາວ 100% ຢູ່ຂອບເຂດທົ່ວປະເທດ ມາວາງຈຳໜ່າຍ ໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາທ່ຽວ

ຂປລ. ເທສະການຕະຫລາດນັດເຮືອນລາວ ຈະຈັດຂຶ້ນໃນລະຫວ່າງ 7-10 ມີນາ 2024 ນີ້, ຢູ່ເຮືອນຊົງລາວ ເຂດກົມມະລຽນພະທາດຫລວງວຽງຈັນ ເພື່ອສົ່ງເສີມຜະລິດຕະພັນຂອງຄົນລາວ ເປັນຕົ້ນ ຜະລິດຕະພັນກະສິກຳ, ຫັດຖະກຳ, ເຄື່ອງອຸປະໂພກ, ບໍລິໂພກ ແລະ ອື່ນໆ, ທັງເປັນການເຕົ້າໂຮມ ເອົາຜະລິດຕະພັນຕ່າງໆ ທີ່ເປັນຂອງຄົນລາວ 100% ຢູ່ຂອບເຂດທົ່ວປະເທດ ມາວາງຈຳໜ່າຍ ໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາທ່ຽວ, ມາຊົມ, ມາຊີມອາຫານທີ່ເປັນເອກະລັກຂອງລາວ ແລະ ຈັບຈ່າຍຊື້ສິນຄ້າຜະລິດຕະພັນ ເຄື່ອງທີ່ລະນຶກຕ່າງໆ ຢູ່ພາຍໃນງານໄດ້ ເຊິ່ງຈະຈັດ ທຸກໆວັນເສົາ ແລະ ວັນອາທິດ ໃນຕອນເຊົ້າ ເລີ່ມແຕ່ເວລາ 7:00-10:00 ໂມງ ແລະ ຕອນແລງ ເລີ່ມແຕ່ເວລາ 16:00-23:00 ໂມງ.

ທ່ານ ນາງ ເພັນນະພາ ວົງສະໝໍລະພູມ ຜູ້ຈັດການບໍລິສັດຊີເອັນພີ ການຄ້າ ຂາອອກ-ຂາເຂົ້າ ຈຳກັດ, ທັງເປັນຜູ້ຈັດເທສະການຕະຫລາດນັດເຮືອນລາວ ໃຫ້ສຳພາດຕໍ່ສື່ມວນຊົນ ເມື່ອບໍ່ດົນນີ້ວ່າ: ເທສະການຕະຫລາດນັດບ້ານເຮືອນລາວ ຈັດຂຶ້ນເພື່ອດຶງດູງ ນັກທ່ອງທ່ຽວ ທັງພາຍໃນ ແລະ ຕ່າງປະເທດເຂົ້າມາທ່ອງທ່ຽວ ສປປ ລາວ ກໍຄື ນະຄອນຫລວງວຽງຈັນ ໃຫ້ຫລາຍຂຶ້ນ ເພື່ອປະກອບສ່ວນເຮັດໃຫ້ປີທ່ອງທ່ຽວລາວ 2024 ແລະ ການເປັນປະທານອາຊຽນ ຂອງ ສປປ ລາວ ມີຂະບວນການຟົດຟື້ນ ແນໃສ່ເຮັດໃຫ້ ນັກທ່ອງທ່ຽວຕ່າງປະເທດ ໄດ້ຮັບຮູ້ວິຖີການດຳລົງຊີວິດ ກໍຄື ການນຸ່ງຖື, ການກິນຢູ່ຂອງປະຊາຊົນລາວ ບັນດາເຜົ່າ ເຊິ່ງງານດັ່ງກ່າວ, ຈະເປີດທຸກໆວັນເສົາ ແລະ ອາທິດ ເລີ່ມແຕ່ວັນທີ 7-10 ມີນາ 2024 ຢູ່ເຮືອນຊົງລາວ (ບໍລິເວນກົມມະລຽນພະທາດຫລວງ).

ພ້ອມນີ້, ພາຍໃນງານ ຍັງຈະມີການສະແດງສິລະປະວັດທະນະທຳລາວ ເພື່ອໃຫ້ນັກທ່ອງທ່ຽວທີ່ມາຮ່ວມງານ ໄດ້ເຫັນການສະແດງບົດຟ້ອນ-ລຳ ທີ່ເປັນເອກະລັດຂອງລາວ ກໍຄື ຂອງແຕ່ລະຊົນເຜົ່າ ແລະ ຈະມີການສາຍຮບເງົາກ່ຽວກັບປະຫວັດສາດ ຂອງພະທາດຫລວງວຽງຈັນ ແລະ ອື່ນໆ.

ການຈັດງານດັ່ງກ່າວ, ຍັງເປັນການເປີດໂອກາດໃຫ້ ບັນດາຜູ້ປະກອບການ ພໍ່ຄ້າ-ຊາວຂາຍ ທີ່ມີຜະລິດຕະພັນ ແຕ່ຍັງບໍ່ສາມາດເຂົ້າເຖິງຜູ້ບໍລິໂພກ ກໍສາມາດນຳເອົາຜະລິດຕະພັນຂອງຕົນມາວາງຂາຍໄດ້ ແນໃສ່ສ້າງເສດຖະກິດຄອບຄົວ ໃຫ້ເພີ່ມຂຶ້ນເປັນກ້າວໆ. ສໍາລັບຜູ້ທີ່ສົນໃຈຢາກນຳເອົາສິນຄ້າ ແລະ ຜະລິດຕະພັນ ຂອງຕົນ ມາວາງຈຳໜ່າຍ, ລາຄາ ເລີ່ມຕົ້ນ 3 ແສນກີບ ເຊິ່ງພື້ນທີ່ ພາຍໃນງານ ສາມາດຮອງຮັບໄດ້ທັງໝົດ 50 ກວ່າຮ້ານ. ໃນນັ້ນ, ຮ້ານຫັດຖະກຳມີ 20 ຮ້ານ, ສິນຄ້າກະສິກຳ 20 ຮ້ານ, ຮ້ານອາຫານລາວ 10 ຮ້ານ. ພ້ອມນັ້ນ, ພາຍໃນງານ ຍັງຈະມີການຈໍາລອງການຕໍ່າແຜ່ນແພ, ການປັ້ນດິນເຜົາ ແລະ ອື່ນໆ.

ທ່ານ ນາງ ເພັນນະພາ ວົງສະໝໍລະພູມຍັງໃຫ້ຮູ້ອີກວ່າ: ຖ້າງານຕະຫລາດນັດເຮືອນລາວ ໄດ້ຮັບຄວາມນິຍົມຈາກນັກທ່ອງທ່ຽວຫລາຍຂຶ້ນ ພວກເຮົາກໍຈະສືບຕໍ່ເປີດທຸກໆວັນ, ທັງນີ້ ກໍເພື່ອແນໃສ່ຕອບສະໜອງ ຕາມຄວາມຮຽກຮ້ອງຕ້ອງການ ຂອງນັກທ່ອງທ່ຽວ ທັງພາຍໃນ ແລະ ຕ່າງປະເທດ.

ຂ່າວ-ພາບ: ກິດຕາ

KPL

ຂ່າວອື່ນໆ

    • ຮອງລັດຖະມົນຕີ ຖວທ ຢ້ຽມຢາມ ສະຖານທີ່ທ່ອງທ່ຽວ ແຂວງອຸດົມໄຊທ່ອງທ່ຽວ

      ຮອງລັດຖະມົນຕີ ຖວທ ຢ້ຽມຢາມ ສະຖານທີ່ທ່ອງທ່ຽວ ແຂວງອຸດົມໄຊ

      3/4/2025 9:33:23 AM

      ຂປລ. ໃນໂອກາດເຄື່ອນໄຫວເຮັດວຽກຢູ່ ແຂວງອຸດົມໄຊ ວັນທີ 3 ມີນາ 2025 ນີ້, ທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ(ຖວທ) ພ້ອມດ້ວຍຄະນະ ໄດ້ໄປເຄື່ອນໄຫວຢ້ຽມຢາມ ສະຖານທີ່ທ່ອງທ່ຽວທໍາມະຊາດ ແລະ ວັດທະນະທໍາເຊັ່ນ: ນໍ້າກັດຢໍລາປ່າ, ຫັດຖະກໍາໄຕລື້ ແລະ ວັດພູທາດ.

    • ແຂວງອຸດົມໄຊ ຊຸກຍູ້ການກໍ່ສ້າງສິ່ງອຳນວນຄວາມສະດວກຢູ່ພູຫຍ້າຄາທ່ອງທ່ຽວ

      ແຂວງອຸດົມໄຊ ຊຸກຍູ້ການກໍ່ສ້າງສິ່ງອຳນວນຄວາມສະດວກຢູ່ພູຫຍ້າຄາ

      3/3/2025 10:06:27 AM

      ອາທິດທີ່ຜ່ານມາ ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຮ່ວມກັບວິຊາການພະແນກການ ແລະ ຫ້ອງການກ່ຽວຂ້ອງ ຄື: ພະແນກແຜນການ ແລະ ການລົງທຶນແຂວງ, ຫ້ອງການ ຍທຂ ເມືອງໄຊ ແລະ ຫ້ອງການ ຖວທ ເມືອງໄຊ ໄດ້ລົງຕິດຕາມ, ຊຸກຍູ້ ແລະ ກວດກາການພັດທະນາສິ່ງອຳນວຍຄວາມສະດວກຢູ່ແຫລ່ງທ່ອງທ່ຽວ ພູຫຍ້າຄາ ບ້ານຫລັກ 32.

    • ອ່າງຫລວງ ສະຖານທີ່ທ່ອງທ່ຽວ ຕິດພັນທຳມະຊາດ ປະຊາຊົນມີສ່ວນຮ່ວມທ່ອງທ່ຽວ

      ອ່າງຫລວງ ສະຖານທີ່ທ່ອງທ່ຽວ ຕິດພັນທຳມະຊາດ ປະຊາຊົນມີສ່ວນຮ່ວມ

      2/27/2025 5:10:19 PM

      ຂປລ. ສະຖານທ່ອງທ່ຽວອ່າງຫລວງ ເປັນອີກໜຶ່ງແຫລ່ງທ່ອງທ່ຽວທາງທຳມະຊາດ ຂອງເມືອງວັງວຽງ ແຂວງຈັນ ທີ່ໄດ້ຮັບລາງວັນ ການພັດທະນາທ່ອງທ່ຽວດີເດັ່ນ ແລະ ຍືນຍົງ ຂອງ ສປປ ລາວ ເຊິ່ງສະຖານທີ່ດັ່ງກ່າວອ້ອມຮອບ ໄປດ້ວຍປ່າໄມ້ທີ່ຂຽວສົດງົດງາມ, ອາກາດເຢັນ ແລະ ມີອ່າງນໍ້າໃສ ທີ່ສາມາດແນມເຫັນ ຮອດຝູງປານ້ອຍ-ໃຫຍ່ ຢູ່ໃນນໍ້າ ເຮັດໃຫ້ນັກທ່ອງທ່ຽວເພີດເພີນ ແລະ ຮູ້ສຶກຜ່ອນ ຄາຍເມື່ອໄດ້ເຂົ້າມາທ່ຽວຊົມ, ເໝາະແກ່ການມາພັກຜ່ອນ ແບບຄອບຄົວ, ຄູ່ຮັກ ຫລື ຈະມາກັບໝູ່ເພື່ອນ.

    • ສຳຜັດກັບຄວາມອັດສະຈັນທາງທຳມະຊາດທີ່ນໍ້າແອດ-ພູເລີຍທ່ອງທ່ຽວ

      ສຳຜັດກັບຄວາມອັດສະຈັນທາງທຳມະຊາດທີ່ນໍ້າແອດ-ພູເລີຍ

      2/26/2025 10:09:28 AM

      ປ່າສະຫງວນ ນ້ຳແອດ-ພູເລີຍແມ່ນສະຖານທີ່ທ່ອງທ່ຽວທາງທໍາມະຊາດ ທີ່ສວຍງາມອັນດັບໜຶ່ງຂອງລາວ ທີ່ນັກທ່ອງທ່ຽວທັງພາຍໃນ ແລະ ຕ່າງປະເທດຫລົງໄຫລມົນສະເໜ່ທີ່ເຊື່ອງຊ້ອນໄວ້ໃນປ່າດົງທີ່ຕຶບໜາໜ້າຄົ້ນຫາ.

    • ແຟມມີລີແລນ ລີສອດ ເປີດໃຫ້ບໍລິການຕິດພັນກັບທຳມະຊາດທ່ອງທ່ຽວ

      ແຟມມີລີແລນ ລີສອດ ເປີດໃຫ້ບໍລິການຕິດພັນກັບທຳມະຊາດ

      2/25/2025 3:38:44 PM

      ຂປລ. ປັດຈຸບັນ ນັກທ່ອງທ່ຽວທັງພາຍໃນ ແລະ ຕ່າງປະເທດ ກໍາລັງນິຍົມຊົມຊອບ ແລະ ໃຫ້ຄວາມສົນໃຈ ສະຖານທີ່ ທ່ອງທ່ຽວທາງທຳມະຊາດ, ຕິດພັນກັບວິຖີການດຳລົງຊີວິດຂອງປະຊາຊົນ, ລວມເຖິງສະຖານທີ່ພັກຜ່ອນ ຕິດແຄມນໍ້າ, ອ້ອມຮອບດ້ວຍສາຍພູ ແລະ ປ່າໄມ້ ໄດ້ກາຍເປັນຈຸດໝາຍຂອງບັນດານັກທ່ອງທ່ຽວ ເຊັ່ນດຽວກັນກັບ ແຟມມີລີແລນ ລີສອດ (Family Land Resort ) ເປັນສະຖານທີ່ພັກຜ່ອນແຫ່ງໜຶ່ງຢູ່ ເມືອງວັງວຽງ ແຂວງວຽງຈັນ

ads
ads

Top