ນະຄອນຫລວງວຽງຈັນ ໄດ້ຮັບລາງວັນຕົວເມືອງສະອາດອາຊຽນ

01/02/2024 10:11
Email Print 1425
ຂປລ ນະຄອນຫລວງວຽງຈັນ ຖືວ່າເປັນເມືອງເອກຂອງ ສປປ ລາວ ທີ່ມີປະຊາກອນໜາແໜ້ນທີ່ສຸດ ເກືອບ 1 ລ້ານຄົນ ທີ່ດໍາລົງຊີວິດຢູ່ ຮ່ວມກັນຢ່າງສະຫງົບດ້ວຍຫລາຍເຊື້ອຊາດ, ສາສະໜາ; ມີວັດວາອາຮາມເກ່ົາແກ່, ມີອາຄານຕ່າງໆທ່ີປຸກສ້າງໂດຍຝຣັ່ງເຂົ້າມາມີອິດທິພົນກໍຍັງຫລົງເຫລືອຢູ່, ພະທາດຫລວງ ແລະ ປະຕູໄຊ ເຊິ່ງກາຍເປັນຈຸດສໍາຄັນດຶງດູດນັກທ່ອງທ່ຽວເຂົ້າຢ້ຽມຊົມ ແລະ ສໍາຜັດສິ່ງເຫລົ່ານັ້ນ.

      *ນະຄອນຫລວງວຽງຈັນ ຖືວ່າເປັນເມືອງເອກຂອງ ສປປ ລາວ ທີ່ມີປະຊາກອນໜາແໜ້ນທີ່ສຸດ ເກືອບ 1 ລ້ານຄົນ ທີ່ດໍາລົງຊີວິດຢູ່ຮ່ວມກັນຢ່າງສະຫງົບດ້ວຍຫລາຍເຊື້ອຊາດ, ສາສະໜາ; ມີວັດວາອາຮາມເກ່ົາແກ່, ມີອາຄານຕ່າງໆທ່ີປຸກສ້າງ ໂດຍຝຣັ່ງເຂົ້າມາມີອິດທິພົນກໍຍັງຫລົງເຫລືອຢູ່, ພະທາດຫລວງ ແລະ ປະຕູໄຊເຊິ່ງກາຍເປັນຈຸດສໍາຄັນດຶງດູດນັກທ່ອງທ່ຽວເຂົ້າຢ້ຽມຊົມ ແລະ ສໍາຜັດສິ່ງເຫລົ່າ ນັ້ນ.

      ດັ່ງທີ່ຮູ້ນໍາກັນ, ສປປ ລາວ ຫາກໍສໍາເລັດການເປັນເຈົ້າພາບຈັດກອງປະຊຸມທ່ອງທ່ຽວອາຊຽນ ໃນອາທິດຜ່ານມາໝາດໆ ເຊິ່ງເປັນຂ່າວດີເນື່ອງນະຄອນຫລວງວຽງຈັນ ຮັບລາງວັນຕົວເມືອງສະອາດອາຊຽນ ເປັນຄັ້ງທີ 2.ນະຄອນຫລວງວຽງຈັນ ໄດ້ຮັບລາງວັນຕົວເມືອງສະອາດອາຊຽນ ເປັນຄັ້ງທີ 2 ໃນພິທີມອບ-ຮັບ ລາງວັນຢ່າງເປັນທາງການຈັດຂຶ້ນໃນໂອກາດງານມະຫະກໍາທ່ອງທ່ຽວອາຊຽນ 2024 ທີ່ ສປປ ລາວ ໄດ້ ຮັບກຽດເປັນເຈົ້າພາບຈັດຂຶ້ນລະຫວ່າງ 22-27 ມັງກອນ 2024 ນີ້. ທ່ານ ນາງ ວິໄລວອນ ຈັນທະລາຕີ, ຫົວໜ້າພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວນະຄອນຫລວງວຽງຈັນ ໃຫ້ສໍາພາດວ່າ: ຄະນະກໍາມະການທີ່ກ່ຽວຂ້ອງ ໄດ້ປະເມີນ ແລະ ຄັດເລືອກຕາມຂ້ັນຕອນຕ່າງໆ ແລະ ເຫັນດີໃຫ້ນະຄອນຫລວງວຽງຈັນໄດ້ຮັບລາງວັນຕົວເມືອງສະອາດອາຊຽນເປັນຄັ້ງທີ 2 ເຊິ່ງຖືເປັນສິ່ງທີ່ດີ ແລະ ຈະປະກອບສ່ວນສໍາຄັນໃນການດຶງດູດນັກທ່ອງທ່ຽວສາກົນເຂົ້າມາທ່ອງທ່ຽວລາວກໍຄື ທ່ອງທ່ຽວນະຄອນຫລວງວຽງຈັນ ນັບມື້ເພີ່ມຂຶ້ນ,

     ພ້ອມນີ້ທ່ານໄດ້ຮຽກຮ້ອງມາຍັງຊາວນະ ຄອນຫລວງວຽງຈັນ ຈົ່ງພ້ອມກັນຮັກສານາມມະຍົດເມືອງທ່ອງທ່ຽວສະອາດອາຊຽນ ໄວ້ໃຫ້ມີຄວາມຍືນຍົງຕະຫລອດໄປ. ໃນໄລຍະຜ່ານມາ, ນະຄອນຫລວງວຽງຈັນ ເຄີຍໄດ້ຮັບລາງວັນຕົວເມືອງສະອາດອາຊຽນມາແລ້ວ 1 ຄັ້ງ ເຊິ່ງໝົດ ອາຍຸໃນປີ 2023 ຜ່ານມານີ້. ສໍາລັບຂອບເຂດເນື້ອທີ່ທີ່ກໍານົດເປັນຕົວເມືອງສະອາດອາຊຽນກວມເອົາຫລາຍບ້ານພາຍ ໃນ 4 ຕົວ ເມືອງ ໃນຂອງນະຄອນຫລວງວຽງຈັນຄື: ຈັນທະບູລີ, ສີສັດຕະນາກ, ໄຊເສດຖາ ແລະ ສີໂຄດຕະບອງ, ສ່ວນມາດຕະຖານການປະເມີນໂດຍລວມແມ່ນອິງໃສ່ 7 ຕົວຊີ້ວັດເປັນຕົ້ນ: ການຄຸ້ມຄອງສິ່ງແວດລ້ອມ, ຄວາມສະອາດ, ພື້ນຖານການທ່ອງທ່ຽວ, ຄວາມປອດໄພ ແລະ ອື່ນໆ. ເຖິງແນວໃດກໍດີພະແນກ ຖວທ ນະຄອນຫລວງວຽງຈັນ ໄດ້ເປີດເຜີຍວ່າ: ໃນປີ 2023 ຜ່ານມາ ມີນັກທ່ອງທ່ຽວເຂົ້າມາຢ້ຽມຢາມ ນະຄອນຫລວງວຽງຈັນ ເຖິງ 7 ແສນກວ່າຄົນ ແລະ ຄາດວ່າພາຍຫລັງສໍາເລັດກອງປະຊຸມທ່ອງທ່ຽວອາຊຽນທີ່ລາວເປັນເຈົ້າພາບນັ້ນ ຈະສາມາດດຶງດູດນັກທ່ອງທ່ຽວໄດ້ຢ່າງໜ້ອຍ 8 ແສນກວ່າຄົນ.

ໂດຍ: ເກີດຂວັນໃຈ ມາລີຈັນສີ

KPL

ຂ່າວອື່ນໆ

ads
ads

Top