ຂປລ
* ມວຍລາຍລາວ (Mouay Lai Lao)ຖືວ່າເປັນສິລະປະການຕໍ່ສູ້ ທ່ີວິລະບູລຸດຊົນຊາດລາວແຕ່ສະໄໝບູຮານໄດ້ຄິດຄົ້ນຂຶ້ນມາ ຊຶ່ງເປັນທ່ວງທ່າລີລາການຊົກມວຍແບບລາວ ທີ່ເບິ່ງເຂັ້ມແຂັງໜ້າຢຳເກງແຕ່ກໍປະສົມປະສານໄວ້ດ້ວຍຄວາມສວຍ ງາມຜ່ານທ່າທາງຂອງຮ່າງກາຍ.
* ມວຍລາຍລາວ (Mouay Lai Lao)ຖືວ່າເປັນສິລະປະການຕໍ່ສູ້ ທ່ີວິລະບູລຸດຊົນຊາດລາວແຕ່ສະໄໝບູຮານໄດ້ຄິດຄົ້ນຂຶ້ນມາ ຊຶ່ງເປັນທ່ວງທ່າລີລາການຊົກມວຍແບບລາວ ທີ່ເບິ່ງເຂັ້ມແຂັງໜ້າຢຳເກງແຕ່ກໍປະສົມປະສານໄວ້ ດ້ວຍຄວາມສວຍງາມຜ່ານທ່າທາງຂອງຮ່າງກາຍ. ມວຍລາຍລາວມີຕົ້ນກຳເນີດມາຈາກ ທ່າທາງການຊົກມວຍຕັ້ງແຕ່ສະໄໝ ບູຮານທີ່ເອີ້ນກັນວ່າ: “ມວນລາກຫາງ” ແລະ ໄດ້ສືບທອດກັນມາໂດຍມັກຈະນຳມາສະແດງຢູ່ໃນເທສະການຕ່າງໆ ເຊັ່ນ: ງານບຸນບັ້ງໄຟ ຊຶ່ງຜູ້ທີ່ມາສະແດງຈະເປັນຄົນທີ່ມີຄວາມຊຳນານ ໃນທັກສະສິລະປະການຕໍ່ສູ້ຊະນິດນີ້ໂດຍກົງ. ສະໄໝບູຮານຄົນຈະເອີ້ນສິລະປະການຕໍ່ສູ້ນີ້ວ່າ “ມວຍເສືອລາກຫາງ” ຫລື “ມວຍລາຍລາວ” ສະ ແດງເຖິງການ ຕໍ່ສູ້ທີ່ ເຄື່ອນໄຫວຮ່າງກາຍດ້ວຍຄວາມອ່ອນຊ້ອຍ, ນຸ້ມນວນໂດຍໃນແຕ່ລະທ່າກໍເຕັມໄປດ້ວຍພາລະກຳລັງ ແລະ ຄວາມແຂງແຮງ ເພື່ອລົ້ມຄູ່ຕໍ່ສູ້ຝ່າຍກົງກັນຂ້າມໃຫ້ໄດ້ ໂດຍມີທີເດັດຢູ່ທີ່ທ່າໄມ້ຕາຍທີ່ເອີ້ນກັນວ່າ: “ຫາງເສືອສະບັດ”.ໃນປັດຈຸບັນ ບັນດານັກກິລາ ແລະ ຄູຝຶກສອນມວຍລາຍລາວກໍໄດ້ມີການສືບທອດ ແລະ ພັດທະນາ ປັບປຸງທ່າທາງ ໃຫ້ມີ ຄວາມສວຍງາມອ່ອນຊ້ອຍຫລາຍຂຶ້ນ, ແຕ່ສຳລັບຄູ່ຕໍ່ສູ້ແລ້ວມວຍລາຍລາວຍັງຄົງເປັນເຊີງມວຍທີ່ອັນຕະລາຍ ແລະ ບໍ່ອາດປະໝາດສີມືໄດ້.
ໂດຍ: ສາວບ້ານໂນນ
KPL
