ຂປລ
ຂປລ. ໃນໄລຍະ 6 ເດືອນຕົ້ນປີ 2023 ຜ່ານມານີ້, ນະຄອນຫລວງວຽງຈັນ(ນວ) ສາມາດສົ່ງອອກສິນຄ້າກະສິກໍາ ໄດ້ທັງໝົດ 26,36 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 4,41 ລ້ານໂດລາ, ເທົ່າກັບ 20,14%.
ຂປລ. ໃນໄລຍະ 6 ເດືອນຕົ້ນປີ 2023 ຜ່ານມານີ້, ນະຄອນຫລວງວຽງຈັນ(ນວ) ສາມາດສົ່ງອອກສິນຄ້າກະສິກໍາ ໄດ້ທັງໝົດ 26,36 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 4,41 ລ້ານໂດລາ, ເທົ່າກັບ 20,14%.
ຂໍ້ມູນດັ່ງກ່າວ ໄດ້ຮັບການລາຍງານຈາກ ທ່ານນາງ ບົວວອນ ສຸກລາແສງ ຫົວໜ້າພະແນກແຜນການ ແລະ ການລົງທຶນ ນະຄອນຫລວງວຽງຈັນ (ນວ) ໃນກອງປະຊຸມສະໄໝສາມັນ ເທື່ອທີ 5 ຂອງສະພາປະຊາຊົນ ນວ ຊຸດທີ II ໃນວັນທີ 31 ກໍລະກົດ ຜ່ານມາ ແລະ ທ່ານຍັງໃຫ້ຮູ້ອີກວ່າ: ພ້ອມນີ້, ຍັງໄດ້ອອກໃບຢັ້ງຢືນສຸຂະອານາໄມພືດ ເພື່ອສົ່ງອອກທັງໝົດ 348 ຄັ້ງ, ຈໍານວນ 48 ພັນກວ່າໂຕນ, ລວມມູນຄ່າທັງໝົດ 16 ລ້ານກວ່າໂດລາສະຫະລັດ, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 21%, ການສົ່ງອອກສັດ ແລະ ຜະລິດຕະພັນສັດ ໄປຕ່າງແຂວງ ລວມມູນຄ່າເກືອບ 6 ລ້ານໂດລາ. ໃນນັ້ນ, ຜູ້ປະກອບມີ ຄວາຍ 38 ໂຕ, ງົວ 249 ໂຕ, ໝູແມ່ພັນ 315 ໂຕ, ໝູນ້ອຍ 35.503 ໂຕ, ໝູຊີ້ນ 2.331 ໂຕ, ໄກ່ແມ່ສາວພັນໄຂ່ 15.860 ໂຕ, ໄກ່ນ້ອຍສາມສາຍເລືອດ 146.750 ໂຕ, ໄກ່ລາດນ້ອຍ 524.700 ໂຕ, ໄກ່ຊີ້ນ 19.800 ໂຕນ, ໄຂ່ໄກ່ 842 ໂຕນ, ປາ 1.440 ໂຕນ, ຜະລິດຕະພັນສັດ 50 ກວ່າໂຕນ. ນອກນັ້ນ, ຍັງໄດ້ ສົ່ງອອກໄມ້, ຜະລິດຕະພັນໄມ້ ແລະ ເຄື່ອງປ່າຂອງດົງອອກໄປຕ່າງປະເທດ ລວມມູນຄ່າທັງໝົດ 4,11 ລ້ານໂດລາສະຫະລັດ. ພ້ອມກັນນັ້ນ, ໄລຍະ 6 ເດືອນຕົ້ນປີ 2023, ນະຄອນຫລວງວຽງຈັນ ຍັງໄດ້ຊົດເຊີຍທີ່ດິນໃຫ້ປະຊາຊົນ ທີ່ຖືກຜົນກະທົບຈາກແລວທາງລົດໄຟ ລາວ-ຈີນ ໄດ້ຈຳນວນ 12 ຕອນ(ຕອນດິນຖືກກະທົບທັງໝົດ 1.738 ຕອນ). ມາຮອດປັດຈຸບັນ ຊົດເຊີຍແລ້ວ ຈໍານວນ 1.430 ຕອນ ເທົ່າກັບ 82,27%, ຍັງເຫລືອ 308 ຕອນ. ນອກຈາກນີ້, ຍັງໄດ້ສັງຮວມເອົາໃບຕາດິນທີ່ຍັງເຫລືອຈາກການຊົດເຊີຍ ໂດຍມອບໃຫ້ຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມ ນຳໄປດັດແກ້ໃຫ້ປະຊາຊົນ ຈໍານວນ 883 ໃບຕາດິນ.
ຂ່າວ: ທະນູທອງ
ຂໍ້ມູນ-ພາບ: ປະຊາຊົນ
KPL
