KPL
ກຳປູເຈຍ ຕັ້ງເປົ້າໝາຍ ນະໂຍບາຍ ການບິນ ຂົນສົ່ງ ຜູ້ໂດຍສານ 25 ລ້ານຄົນ ແລະ ສິນຄ້າ 205.000ໂຕນ ພາຍໃນ ປີ2035 ຫລັງຈາກ ຄະນະ ລັດຖະມົນຕີ ກຳປູເຈຍ ໄດ້ປຶກສາຫາລື ເຖິງນະໂຍບາຍ ການບິນແຫ່ງຊາດ 2025-2035.
ຂປລ.ສຳນັກຂ່າວ ເອເອຟພີ, ວັນທີ 7ເມສານີ້, ກຳປູເຈຍ ຕັ້ງເປົ້າໝາຍ ນະໂຍບາຍ ການບິນ ຂົນສົ່ງ ຜູ້ໂດຍສານ 25 ລ້ານຄົນ ແລະ ສິນຄ້າ 205.000ໂຕນ ພາຍໃນ ປີ2035 ຫລັງຈາກ ຄະນະ ລັດຖະມົນຕີ ກຳປູເຈຍ ໄດ້ປຶກສາຫາລື ເຖິງນະໂຍບາຍ ການບິນແຫ່ງຊາດ 2025-2035.ເປົ້າໝາຍ ດັ່ງກ່າວ ຮຽກຮ້ອງໃຫ້ມີ ນະໂຍບາຍ ລະດັບຊາດເຊັ່ນ: ການເປີດ ເສລີ ດ້ານສິດທິ ການສັນຈອນ ທາງອາກາດ. ເປົ້າໝາຍ ເສັ້ນທາງ ແລະ ຄວາມອາດສາມາດ ໃນການຂົນສົ່ງ ພ້ອມທັງ ຄວາມເປັນເຈົ້າຂອງ ແລະ ການຄວບຄຸມ ສາຍການບິນ.ນອກນີ້ ນັກລົງທຶນ ຕ່າງປະເທດ ໄດ້ຮັບອະນຸຍາດ ໃຫ້ຖືກຫຸ້ນ ແລະ ບໍລິຫານຈັດການ ສາຍການບິນ ໂດຍກົງ ໄດ້ເຖິງ 100%./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
