KPL
ຂປລ. ໃນວັນທີ 15 ມັງກອນ 2025 ນີ້, ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ພ້ອມຄະນະໄດ້ເດີນທາງຢ້ຽມຢາມ ພື້ນຖານການຜະລິດ ຂອງປະຊາຊົນ ຢູ່ບ້ານຫລັກຂາວ ເມືອງທ່າແຕງ ແຂວງເຊກອງ ໂດຍມີ ທ່ານ ເຫລັກໄຫລ ສີວິໄລ ເຈົ້າແຂວງເຊກອງ ພ້ອມດ້ວຍການນໍາແຂວງ, ເມືອງ ເຂົ້າຮ່ວມຕິດຕາມ.
ຂປລ. ໃນວັນທີ 15 ມັງກອນ 2025 ນີ້, ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ພ້ອມຄະນະໄດ້ເດີນທາງຢ້ຽມຢາມ ພື້ນຖານການຜະລິດ ຂອງປະຊາຊົນ ຢູ່ບ້ານຫລັກຂາວ ເມືອງທ່າແຕງ ແຂວງເຊກອງ ໂດຍມີ ທ່ານ ເຫລັກໄຫລ ສີວິໄລ ເຈົ້າແຂວງເຊກອງ ພ້ອມດ້ວຍການນໍາແຂວງ, ເມືອງ ເຂົ້າຮ່ວມຕິດຕາມ.
ການລົງຢ້ຽມຢາມ ຄັ້ງນີ້, ທ່ານປະທານປະເທດ ໄດ້ລົງເຄື່ອນໄຫວຢ້ຽມຢາມ ເຂດການຜະລິດ ກະສິກຳ ໂດຍສະເພາະ ການປູກກະລໍ່າປີ, ໝາກເຂືອ, ໝາກເຜັດ, ພືດຜັກ ອື່ນໆ ທີ່ສ້າງເປັນກຸ່ມການຜະລິດ ຂອງປະຊາຊົນພາຍໃນເມືອງ ໂດຍນໍາໃຊ້ເຄື່ອງມືທີ່ທັນສະໄໝ. ເຂດການຜະລິດ ບ້ານຫລັກຂາວ ໃນປີ 2024 ຜະລິດ ກາເຟໄດ້ 2.000 ກວ່າໂຕນ, ໃນເນື້ອທີ່ 348 ເຮັກຕາ; ຜະລິດພືດຜັກໄດ້ 12.000 ກວ່າໂຕນ, ໃນເນື້ອທີ່ 124 ເຮັກຕາ ຜະລິດ 3 ຄັ້ງ/ປີ; ລວມຍອດມູນຄ່າຜະລິດທັງໝົດໃນປີ 2024 ບັນລຸໄດ້ 25 ຕື້ກວ່າກີບ, ສະເລ່ຍໃສ່ຫົວຄົນ ໄດ້ 26.000.000 ກີບ/ຄົນ ຫລື ເທົ່າກັບ 1.300 ໂດລາ/ຄົນ. ໃນນັ້ນ, ລາຍຮັບມູນຄ່າການຜະລິດກະສິກຳ ກວມເອົາ 90%, ມີກຸ່ມການຜະລິດກະສິກຳເປັນສິນຄ້າ ຄື: ສະຫະກອນ ແບບໃໝ່ໃສ່ໃຈກະສິກຳ, ສະຫະກອນກາເຟ ຫລັກຂາວ, ກຸ່ມປູກໄມ້ກິນໝາກ, ກຸ່ມປູກພືດຜັກສະອາດປອດສານພິດ ກຸ່ມປູກພືດຜັກເຮືອນຮົ່ມ, ກຸ່ມຜະລິດກາເຟ ຄຸນນະພາບ ແລະ ກຸ່ມລ້ຽງສັດ.
ໂອກາດນີ້, ທ່ານປະທານປະເທດ ໄດ້ສະແດງຄວາມຍ້ອງຍໍຊົມເຊີຍ ຕໍ່ການນໍາແຂວງ-ເມືອງ ທີ່ໄດ້ເອົາໃຈໃສ່ນໍາພາ-ຊີ້ນຳ ເຮັດໃຫ້ເມືອງທ່າແຕງ ມີການພັດທະນາດີຂຶ້ນ. ພ້ອມນີ້, ທ່ານຍັງ ເນັ້ນໃຫ້ເມືອງ ເອົາໃຈໃສ່ແກ້ໄຂບັນຫາຄວາມທຸກຍາກ ຂອງປະຊາຊົນ ໂດຍອີງໃສ່ທ່າແຮງບົ່ມ ຊ້ອນຂອງເມືອງ ເພື່ອສ້າງຄອບຄົວຕົວແບບດ້ານຕ່າງໆ ໃຫ້ນັບມື້ຫລາຍຂຶ້ນ, ເສີມຂະຫຍາຍ ຄອບຄົວຕົວແບບ, ກຸ່ມການຜະລິດ ເປັນບ່ອນຝຶກອົບຮົມໃຫ້ມີການ ຜະລິດຫລາຍຂຶ້ນ, ຮັບປະກັນທັງຄຸນະພາບ ແລະ ປະລິມານຕອບສະໜອງ ຄວາມຕ້ອງການຂອງຕະຫລາດ.
KPL
