KPL
ໃນປີ 2024, ກຳປູເຈຍ ສົ່ງອອກ ຜະລິດຕະພັນ ກະສິກຳ ຈຳນວນ 11,6 ລ້ານໂຕນ ໄປຍັງ ຕະຫລາດ ຕ່າງປະເທດ, ເພີ່ມຂຶ້ນ 3,2%, ສ້າງລາຍໄດ້ເຖິງ 4,79 ຕື້ໂດລາ ສະຫະລັດ, ເພີ່ມຂຶ້ນ 3% ເມື່ອທຽບປີຕໍ່ປີ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ທ່ານ ອີມ ຣາຊານາ ຫົວໜ້າກົມ ແລະ ໂຄສົກກະຊວງ ກະສິກຳ ປ່າໄມ້ ແລະ ການປະມົງຂອງ ກຳປູເຈຍ ເປີດເຜີຍວ່າ: ໃນປີ 2024, ກຳປູເຈຍ ສົ່ງອອກ ຜະລິດຕະພັນ ກະສິກຳ ຈຳນວນ 11,6 ລ້ານໂຕນ ໄປຍັງ ຕະຫລາດ ຕ່າງປະເທດ, ເພີ່ມຂຶ້ນ 3,2%, ສ້າງລາຍໄດ້ເຖິງ 4,79 ຕື້ໂດລາ ສະຫະລັດ, ເພີ່ມຂຶ້ນ 3% ເມື່ອທຽບປີຕໍ່ປີ.
ໂດຍ ຜະລິດຕະພັນ ທີ່ ສົ່ງອອກ ສຳຄັນລວມມີ: ເຂົ້າ, ຢາງພາລາ, ມັນຝຣັ່ງ, ໝາກມ່ວງ, ພິກໄທ, ກ້ວຍ, ເຂົ້າ, ສາລີ , ລຳໄຍ, ນໍ້າມັນປາມ ເປັນຕົ້ນ. ໂດຍສະເພາະ ຫວຽດນາມ, ໄທ, ສປຈີນ, ສ.ເກົາຫລີ ແລະ ປະເທດໃນເອີຣົບ ເປັນກຸ່ມຜູ້ນໍາເຂົ້າ ຜະລິດຕະພັນ ດັ່ງກ່າວ. ສປຈີນ ແລະ ປະເທດ ພັນທະມິດອື່ນໆ ໄດ້ຊື້ ຜະລິດຕະພັນ ທາງກະສິກຳ ຂອງກຳປູເຈຍ ມີສ່ວນຊ່ວຍສະໜັບສະໜູນ ຕໍ່ການພັດທະນາ ພາກກະສິກຳ ຂອງກຳປູເຈຍ, ພ້ອມທັງ ສ້າງປະໂຫຍດ ຢ່າງຫລວງຫລາຍ ໃຫ້ແກ່ປະຊາຊົນກຳປູເຈຍ ./.
KPL
