KPL
ຂປລ. ເມື່ອບໍ່ດົນມານີ້, ໄດ້ມີພິທີ ເຊັນບົດບັນທຶກຄວາມເຂົ້າໃຈ ລະຫວ່າງ ສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ (ສຕສ), ສູນສົ່ງເສີມ ແລະ ຖ່າຍທອດເຕັກໂນໂລຊີ (ສຖຕ)ກັບ ມະຫາວິ ທະຍາໄລຂອນແກ່ນ (KKU) ຣາຊະອານາຈັກໄທ ໂດຍການລົງນາມ ລະຫວ່າງ ທ່ານ ປະດັບໄຊ ໄຊຍະໂຄດ ຫົວໜ້າສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ ແລະ ທ່ານ ຊານໄຊ ພານທອງວິລະກຸນ ອະທິການບໍດີ ມະຫາວິທະຍາໄລຂອນແກ່ນ ໂດຍມີ ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ພ້ອມດ້ວຍພາກສ່ວນກ່ຽວຂ້ອງ ຂອງທັງສອງຝ່າຍ ເຂົ້າຮ່ວມ ເປັນສັກຂີພິຍານ.
ຂປລ. ເມື່ອບໍ່ດົນມານີ້, ໄດ້ມີພິທີ ເຊັນບົດບັນທຶກຄວາມເຂົ້າໃຈ ລະຫວ່າງ ສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ (ສຕສ), ສູນສົ່ງເສີມ ແລະ ຖ່າຍທອດເຕັກໂນໂລຊີ (ສຖຕ)ກັບ ມະຫາວິ ທະຍາໄລຂອນແກ່ນ (KKU) ຣາຊະອານາຈັກໄທ ໂດຍການລົງນາມ ລະຫວ່າງ ທ່ານ ປະດັບໄຊ ໄຊຍະໂຄດ ຫົວໜ້າສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ ແລະ ທ່ານ ຊານໄຊ ພານທອງວິລະກຸນ ອະທິການບໍດີ ມະຫາວິທະຍາໄລຂອນແກ່ນ ໂດຍມີ ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ພ້ອມດ້ວຍພາກສ່ວນກ່ຽວຂ້ອງ ຂອງທັງສອງຝ່າຍ ເຂົ້າຮ່ວມ ເປັນສັກຂີພິຍານ.
ພິທີເຊັນບົດບັນທຶກຄວາມເຂົ້າໃຈ ໃນຄັ້ງນີ້, ໄດ້ສຸມໃສ່ພັດທະນາ ທາງດ້ານວິຊາການ ແລະ ການສຶກສາ ໂດຍເນັ້ນໃສ່ການຍົກລະດັບ ແລະ ແລກປ່ຽນບົດຮຽນແບບແຜນ ວິທີການບໍລິຫານການສຶກສາ, ກິດຈະກໍາຂອງນັກສຶກສາ, ພະນັກງານຄູ-ອາຈານ ແລະ ພະນັກງານບໍລິຫານ, ການຄົ້ນຄວ້າວິທະຍາສາດ ທາງດ້ານ ICT, AI, ການຂັບເຄື່ອນດ້ານບຸກຄະລາກອນໃນຍຸກການຫັນເປັນດີຈິຕອນ ຕ້ອງມີຄວາມພ້ອມຮອບດ້ານ ໃນການປະກອບສ່ວນເຂົ້າໃນ ວຽກງານຕົວຈິງຮ່ວມກັນ ແລະ ເພື່ອເສີມສ້າງທັກສະທາງດ້ານ AI ລະຫວ່າງ ສຕສ, ສຖຕ ແລະ ມະຫາວິທະຍາໄລ ຂອນແກ່ນ ຣາຊະອານາຈັກໄທ. ນອກນັ້ນ, ຍັງເປັນການສ້າງຂະບວນການ ຂໍ່ານັບຮັບຕ້ອນກອງປະຊຸມໃຫຍ່ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ ສະໄໝທີ 3 ແລະ ສະເຫລີມສະຫລອງວັນດີຈິຕອນ ແຫ່ງຊາດ ປະຈໍາປີ 2025.
ໂອກາດນີ້, ທ່ານ ບໍ່ວຽງຄຳ ວົງດາລາ ໄດ້ມີຄໍາເຫັນວ່າ: ການເຊັນບົດບັນທຶກຮ່ວມມືກັນໃນຄັ້ງນີ້, ມີຄວາມໝາຍຄວາມສຳຄັນ ແລະ ເປັນນິມິດໝາຍທີ່ດີ ເພື່ອສືບຕໍ່ຮັດແໜ້ນສາຍພົວພັນ ຮ່ວມມືມິດຕະ ພາບ ຂອງທັງສອງປະເທດ ລາວ-ໄທ ໃຫ້ແໜ້ນແຟ້ນຂຶ້ນກວ່າເກົ່າ ເຊິ່ງການຮ່ວມມືໃນຄັ້ງນີ້ ແມ່ນສຸມໃສ່ໃນການພັດທະນາ ບຸກຄະກອນຮ່ວມກັນ ເຊິ່ງເຫັນວ່າສອດຄ່ອງ ກັບວິໄສທັດການພັດທະນາ ເສດຖະກິດດີຈິຕອນ ແຫ່ງຊາດ ໃນໄລຍະ 20 ປີ (2021-2040), ຍຸດທະສາດການພັດທະນາ ເສດຖະກິດດີຈິຕອນ ແຫ່ງຊາດ ໄລຍະ 10 ປີ (2021-2030) ແລະ ແຜນພັດທະນາ ເສດຖະກິດ ດີຈິຕອນ ແຫ່ງຊາດ ໄລຍະ 5 ປີ (2021-2025).
ຂ່າວ: ທະນູທອງ
ຂໍ້ມູນ-ພາບ: ສຕສ
KPL
