KPL
ຂປລ. ສູນສຸຂະພາບແມ່ ແລະ ເດັກ ກະຊວງສາທາລະນະສຸກ ສະຫລຸບການປະຕິບັດວຽກງານ ໃຫ້ວັກຊິນກັນພະຍາດ ປະຈໍາປີ 2024 ແລະ ວາງແຜນການປີ 2025 ໃນວັນທີ 14 ມັງກອນ 2025 ທີ່ເມືອງວັງວຽງ ແຂວງວຽງຈັນ ໂດຍການເປັນປະທານຂອງທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ຂປລ. ສູນສຸຂະພາບແມ່ ແລະ ເດັກ ກະຊວງສາທາລະນະສຸກ ສະຫລຸບການປະຕິບັດວຽກງານ ໃຫ້ວັກຊິນກັນພະຍາດ ປະຈໍາປີ 2024 ແລະ ວາງແຜນການປີ 2025 ໃນວັນທີ 14 ມັງກອນ 2025 ທີ່ເມືອງວັງວຽງ ແຂວງວຽງຈັນ ໂດຍການເປັນປະທານຂອງທ່ານ ບຸນແຝງ ພູມມະໄລສິດ ລັດຖະມົນຕີກະຊວງ ສາທາລະນະສຸກ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ກໍເພື່ອເປັນການຕີລາຄາຄືນຜົນສໍາເລັດ ໃນການຈັດຕັ້ງປະຕິບັດວຽກງານ ສົ່ງເສີມ ແລະ ຮັກສາສຸຂະພາບ ແມ່ ແລະ ເດັກ ໃນໄລຍະ 1 ປີຜ່ານມາ ຊຶ່ງສາມາດຍາດໄດ້ຜົນສຳເລັດຫລາຍດ້ານ ໂດຍສະເພາະ ວຽກງານໃຫ້ວັກຊິນ ກັນພະຍາດຮອບປົກກະຕິ, ການເຄື່ອນໄຫວຂະບວນການວັກຊິນແຫ່ງຊາດ, ໝາກແດງໃຫຍ່-ໝາກແດງນ້ອຍ ແລະ ຂະບວນການໃຫ້ວັກຊິນ ກັນມະເຮັງປາກມົດລູກ ທີ່ໄດ້ຈັດຕັ້ງປະຕິບັດໃນປີ 2024.
ພ້ອມນີ້, ບັນດາຜູ້ເຂົ້າຮ່ວມກອງປະຊຸມ ຍັງໄດ້ພ້ອມກັນຄົ້ນຄວ້າ ວິເຄາະບັນຫາເພື່ອວາງຍຸດທະສາດ, ວາງແຜນການ ແຜນກິດຈະກໍາຈຸດສຸມ ທີ່ເປັນບຸລິມະສິດ ໃນການໃຫ້ວັກຊິນປົກກະຕິ ແຕ່ຕົ້ນປີ 2025 ຄຽງຄູ່ກັບການໃຫ້ວັກຊິນປົກກະຕິ ຕ້ອງໄດ້ເຊື່ອມສານກັບ ການບໍລິການວັກຊິນ ກັນມະເຮັງປາກມົດລູກ, ການບໍລິການແມ່ ແລະ ເດັກ ແບບເຊື່ອມສານໄປພ້ອມໆກັນ ທັງນີ້ກໍເພື່ອສືບຕໍ່ການປັບປຸງວຽກງານ ປະສານງານກັບຫລາຍພາກສ່ວນ ເປັນຕົ້ນ ຄະນະກໍາມະການຮັກສາສຸຂະພາບໃນແຕ່ລະຂັ້ນ ເພື່ອໃຫ້ມີສ່ວນຮ່ວມ ແລະ ສະໜັບສະໜູນໃຫ້ພາກສ່ວນກ່ຽວຂ້ອງ ເຂົ້າມາມີສ່ວນຮ່ວມໃນວຽກງານສຸຂະພາບແມ່ ແລະ ເດັກ ໃຫ້ໄດ້ຫລາຍຂຶ້ນ.
ຂໍ້ມູນ: ສູນຂ່າວສານການແພດສຸຂະສຶກສາ
KPL
