KPL
ກະຊວງນິເວດ ວິທະຍາ ແລະ ສິ່ງແວດລ້ອມຈີນ ໄດ້ເຜີຍແຜ່ຂ່າວ ເມື່ອບໍ່ດົນມານີ້ວ່າ: ເພື່ອຈັດຕັ້ງ ປະຕິບັດຕາມ ຄວາມຮຽກຮ້ອງ ຂອງການຕົກລົງ ທີ່ກ່ຽວຂ້ອງໃນ “ສົນທິສັນຍາ ຂອບອົງການ ສະຫະ ປະຊາຊາດ ກ່ຽວກັບ ການປ່ຽນແປງ ຂອງດິນຟ້າອາກາດ” ແລະ “ສັນຍາປາຣີ”, ໃນທ້າຍເດືອນທັນວາປີ 2024
ຂປລ.ວິທະຍຸ ສາກົນ ແຫ່ງ ສປ ຈີນ, ກະຊວງນິເວດ ວິທະຍາ ແລະ ສິ່ງແວດລ້ອມຈີນ ໄດ້ເຜີຍແຜ່ຂ່າວ ເມື່ອບໍ່ດົນມານີ້ວ່າ: ເພື່ອຈັດຕັ້ງ ປະຕິບັດຕາມ ຄວາມຮຽກຮ້ອງ ຂອງການຕົກລົງ ທີ່ກ່ຽວຂ້ອງໃນ “ສົນທິສັນຍາ ຂອບອົງການ ສະຫະ ປະຊາຊາດ ກ່ຽວກັບ ການປ່ຽນແປງ ຂອງດິນຟ້າອາກາດ” ແລະ “ສັນຍາປາຣີ”, ໃນທ້າຍເດືອນທັນວາປີ 2024, ສປ ຈີນ ໄດ້ຍື່ນ “ບົດລາຍງານຄວາມໂປ່ງໃສ ຮອບສອງ ປີຄັ້ງທຳອິດ ກ່ຽວກັບ ການປ່ຽນແປງ ຂອງດິນຟ້າ ອາກາດແຫ່ງ ສປ ຈີນ” ແລະ “ບົດລາຍງານ ອັບເດດ ຮອບສອງປີ ຄັ້ງທີ 4 ກ່ຽວກັບການປ່ຽນແປງ ຂອງດິນຟ້າ ອາກາດ ແຫ່ງ ສປ ຈີນ” ໃຫ້ແກ່ ກອງເລຂາ ຂອງສົນທິສັນຍາ ດັ່ງກ່າວ ຕາມເວລາກຳນົດ. ບົດລາຍງານ ສອງສະບັບດັ່ງກ່າວ ໄດ້ສ່ອງແສງ ໃຫ້ເຫັນເຖິງ ການເຄື່ອນໄຫວ ດ້ານນະໂຍບາຍ ທີ່ກ່ຽວຂ້ອງ ພ້ອມທັງ ຄວາມຄືບໜ້າ ແລະ ຜົນງານ ຂອງການເຄື່ອນໄຫວ, ໄດ້ສະແດງໃຫ້ເຫັນເຖິງ ການປະກອບສ່ວນ ຢ່າງຕັ້ງໜ້າ ໃນການຄຸ້ມຄອງ ບໍລິຫານທົ່ວໂລກ ດ້ານການຮັບມືກັບ ການປ່ຽນແປງ ຂອງດິນຟ້າ ອາກາດຂອງ ສປ ຈີນ ໃນຖານະທີ່ເປັນປະເທດໃຫຍ່ ທີ່ມີຄວາມຮັບຜິດຊອບສູງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
