KPL
ຈຳນວນ ຜູ້ເສຍຊີວິດ ຈາກ ວິກິດການ ໄຟໄໝ້ປ່າ ຄັ້ງຮຸນແຮງ ໃນເຂດລອດແອນເຈລີສ ຂອງ ສ.ອາເມລິກາ ເພີ່ມຂຶ້ນ ຢ່າງໜ້ອຍ 24 ຄົນ.
ຂປລ. ສຳນັກຂ່າວ ຕ່າງປະເທດ ລາຍງານ ຈາກນະຄອນ ລອດແອນເຈລິສ ຂອງ ສ.ອາເມລິກາ ເມື່ອວັນທີ 13 ມັງກອນ 2025, ຈຳນວນ ຜູ້ເສຍຊີວິດ ຈາກ ວິກິດການ ໄຟໄໝ້ປ່າ ຄັ້ງຮຸນແຮງ ໃນເຂດລອດແອນເຈລີສ ຂອງ ສ.ອາເມລິກາ ເພີ່ມຂຶ້ນ ຢ່າງໜ້ອຍ 24 ຄົນ. ໃນຂະນະທີ່ ເຈົ້າແຂວງລັດແຄລິຟໍເນຍ ກຽມນໍາ ສະເໜີ ແຜນການສ້າງເມືອງ ແອລເອ 2,0. ໂດຍ ສຳນັກງານ ຊັນສູດັຣ ເຂດລອດແອນເຈລີສ ຖະແຫລງວ່າ ໄຟໄໝ້ປ່າ ລັດແຄລິຟໍເນຍ ໄດ້ສ້າງຄວາມ ເສຍຫາຍຢ່າງໜັກ ໃຫ້ແກ່ ລອດແອນເຈລີສ ແລະ ພື້ນທີ່ໃກ້ຄຽງ ຕັ້ງແຕ່ວັນທີ 7 ມັງກອນ ທີ່ຜ່ານມາ.
ສ່ວນສຳນັກງານ ດັບເພິງ ລັດແຄລິຟໍເນຍ (ແຄລໄຟຣ) ລາຍງານ ກະແສລົມແຮງ ໃນລະຫວ່າງ 110-130 ກິໂລແມັດ ຕໍ່ຊົ່ວໂມງ ແລະ ສະພາບ ອາກາດ ທີ່ແຫ້ງແລງ ຍັງຄົງເປັນອຸປະສັກ ໃຫ້ແກ່ ພາລະກິດ ໃນການມອດໄຟ ໄໝ້ປ່າ ໂດຍສະເພາະ ໄຟໄໝ້ປ່າ ຂະໜາດໃຫຍ່ທີ່ສຸດ 2 ຈຸດຄື ປາລິເຊດສ ທີ່ຄວບຄຸມໄດ້ພຽງ 11% , ສ່ວນໄຟໄໝ້ປ່າ ອີຕັນ ເຈົ້າໜ້າທີ່ຄວບຄຸມໄດ້ 27%. /
KPL
