KPL
ຂປລ. ໃນວັນທີ 8 ມັງກອນ 2025 ນີ້, ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກ ລັດຖະມົນຕີ ພ້ອມຄະນະໄດ້ລົງເຄື່ອນໄຫວພົບປະ ຢ້ຽມຢາມ ປະຊາຊົນ ກຸ່ມບ້ານອາໂນ ເມືອງຫລາ ແຂວງອຸດົມໄຊ, ມີ ທ່ານ ອ່ອນແກ້ວ ອຸ່ນອາລົມ ຮອງເຈົ້້າແຂວງອຸດົມໄຊ, ການນຳຂັ້ນສູງກາງ, ຂັ້ນແຂວງ ແລະ ເມືອງ ເຂົ້າຮ່ວມ ໂດຍມີ ທ່ານ ສົມພາວັນ ສຸດຈະລິດ ວ່າການເຈົ້້າເມືອງໆຫລາ, ພ້ອມດ້ວຍການນຳເມືອງ, ຄະນະພັກກຸ່ມບ້ານອາໂນ ແລະ ປະຊາຊົນບັນດາເຜົ່າພາຍໃນກຸ່ມບ້ານ ໃຫ້ການຕ້ອນຮັບຢ່າງອົບອຸ່ນ.
ຂປລ. ໃນວັນທີ 8 ມັງກອນ 2025 ນີ້, ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກ ລັດຖະມົນຕີ ພ້ອມຄະນະໄດ້ລົງເຄື່ອນໄຫວພົບປະ ຢ້ຽມຢາມ ປະຊາຊົນ ກຸ່ມບ້ານອາໂນ ເມືອງຫລາ ແຂວງອຸດົມໄຊ, ມີ ທ່ານ ອ່ອນແກ້ວ ອຸ່ນອາລົມ ຮອງເຈົ້້າແຂວງອຸດົມໄຊ, ການນຳຂັ້ນສູງກາງ, ຂັ້ນແຂວງ ແລະ ເມືອງ ເຂົ້າຮ່ວມ ໂດຍມີ ທ່ານ ສົມພາວັນ ສຸດຈະລິດ ວ່າການເຈົ້້າເມືອງໆຫລາ, ພ້ອມດ້ວຍການນຳເມືອງ, ຄະນະພັກກຸ່ມບ້ານອາໂນ ແລະ ປະຊາຊົນບັນດາເຜົ່າພາຍໃນກຸ່ມບ້ານ ໃຫ້ການຕ້ອນຮັບຢ່າງອົບອຸ່ນ.
ໂອກາດນີ້, ທ່ານຮອງນາຍົກລັດຖະມົນຕີ ໄດ້ຮັບຟັງການລາຍງານສະພາບລວມຂອງກຸ່ມບ້ານອາໂນ ໂດຍຫຍໍ້ ເຊິ່ງກຸ່ມບ້ານອາໂນ ກວມເອົາ 11 ບ້ານ, ມີ 3 ຊົນເຜົ່າ ຄື: ຊົນເຜົ່າກຶມມຸ 5 ບ້ານ, ມົ້ງ 1 ບ້ານ ແລະ ຊົນເຜົ່າອາຄາ 5 ບ້ານ, ມີພົນລະເມືອງທັງໝົດ 7.871 ຄົນ, ຍິງ 4.052 ຄົນ, ກຶມມຸ 2.066 ຄົນ, ກວມ 26,25%, ມົ້ງ 776 ຄົນ, ກວມ 9,85% ແລະ ອາຄາ 5.029 ຄົນ, ກວມ 63,89%, ກຸ່ມບ້ານອາໂນ ເປັນເຂດພູດອຍກວມ 99% ອາຊີບຕົ້ນຕໍຂອງປະຊາຊົນ ແມ່ນເຮັດໄຮ່, ເຮັດສວນ, ລຽງສັດ ແລະ ຊອກເຄື່ອງປ່າຂອງດົງ, ທ່າແຮງບົ່ມຊ້ອນ ເໝາະແກ່ການປູກພືດພັນທັນຍາຫານ, ລຽງສັດໃຫຍ່, ເປັນແຫລ່ງທ່ອງທ່ຽວ ວິຖີຊີວິດຂອງຊົນເຜົ່າ ຕິດພັນກັບທຳມະຊາດ, ຊົມທະເລໝອກຍາມເຊົ້າຕາມລະດູການ.
ໂອກາດນີ້, ທ່ານ ພົນເອກ ຈັນສະໝອນ ຈັນຍາລາດ ໄດ້ມີຄຳເຫັນໂອ້ລົມຕໍ່ປະຊາຊົນ ໂດຍໄດ້ສະແດງຄວາມຍ້ອງຍໍຊົນເຊີຍຕໍ່ຜົນງານຂອງກຸ່ມບ້ານ ແລະ ປະຊາຊົນບັນດາເຜົ່າ ທີ່ມີມູນເຊື້ອດຸໝັ່ນຂະຫຍັນພຽນ ເຮັດໃຫ້ຫລາຍຄອບຄົວຫລຸດພົ້ນອອກຈາກຄວາທຸກຍາກ. ພ້ອມນີ້, ທ່ານຍັງໄດ້ຮຽກ ຮ້ອງໃຫ້ ການນໍາແຂວງ-ເມືອງ ສືບຕໍ່ເອົາໃຈໃສ່ ຊຸກຍູ້ການຜະລິດ, ການສ້າງເສດຖະກິດຂອງປະຊາຊົນ ໂດຍຊອກຫາແນວພັນໃໝ່ ແລະ ເຕັກນິກການຜະລິດແບບໃໝ່ທີ່ທັນສະໄໝ ເຂົ້າຊ່ວຍໃນການຜະລິດ, ສົ່ງເສີມໃຫ້ປະຊາຊົນລ້ຽງສັດໃຫຍ່ ຕິດພັນກັບການປູກຫຍ້າ ແລະ ປູກພືດເປັນສິນຄ້າ, ເອົາໃຈໃສ່ແກ້ໄຂບັນຫາ ປະກົດການຫຍໍ້ທໍ້ໃນສັງຄົມ ເປັນຕົ້ນ ບັນຫາຢາເສບຕິດໃຫ້ໝົດໄປ, ສືບຕໍ່ເຮັດວຽກງານສາມສ້າງໃຫ້ເຂົ້າສູ່ລວງເລິກ ແລະ ມີຄວາມໜັກແໜ້ນ.
ພ້ອມກັນນີ້, ທ່ານຮອງນາຍົກລັດຖະມົນຕີ ຍັງໄດ້ມອບເງິນສົດຈຳນວນໜຶ່ງ ໃຫ້ກຸ່ມບ້ານອາໂນ ເພື່ອເປັນກອງທຶນພັດທະນາບ້ານ ແລະ ຢ້ຽມຊົນ ວິຖີຊີວິດຂອງປະຊາຊົນພາຍໃນບ້ານ ຕື່ມອີກ.
ຂ່າວ: ຄໍາພັນ ແກ້ວມະນີ
KPL
