KPL
ສປຈີນ ປະກາດ ຄວາມສຳເລັດ ໃນການສົ່ງດາວທຽມ ທົດລອງ ສືຈຽນ-25 (Shijian-25) ຂຶ້ນໄປສູ່ ອາວະກາດ ໂດຍໃຊ້ ຈະຫລວດ ຂົນສົ່ງລອງມາຣ-3 ບີ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 7 ເດືອນມັງກອນ, ສປຈີນ ປະກາດ ຄວາມສຳເລັດ ໃນການສົ່ງດາວທຽມ ທົດລອງ ສືຈຽນ-25 (Shijian-25) ຂຶ້ນໄປສູ່ ອາວະກາດ ໂດຍໃຊ້ ຈະຫລວດ ຂົນສົ່ງລອງມາຣ-3 ບີ. ໂດຍ ຈະຫລວດ ລອງມາຣ ໄດ້ຖືກ ປ່ອຍຂຶ້ນ ຈາກ ສູນດາວທຽມ ຊີຊາງ ໃນແຂວງເສສວນ ທາງພາກຕາເວັນຕົກ ສຽງໃຕ້ ຂອງ ສປຈີນ ເພື່ອຂົນສົ່ງ ດາວທຽມ ຂຶ້ນໄປສູ່ວົງໂຄຈອນ ທີ່ກຳນົດໄວ້. ສະຖາບັນ ເຕັກໂນໂລຊີ ການບິນ ອາວະກາດ ແຫ່ງຊຽງໄຮ້ ເປັນຜູ້ພັດທະນາ ດາວທຽມ ສື່ຈຽນ-25 ລະບຸວ່າ ດາວທຽມດວງນີ້ ຈະຖືກໃຊ້ເຂົ້າ ໃນການເຄື່ອນໄຫວ ກວດກາ ເຕັກໂນໂລຊີ ການເຕີມເຊື້ອໄຟ ແລະ ການບໍລິການ ຢືດອາຍຸ ການໃຊ້ງານຂອງດາວທຽມ. ການສົ່ງດາວທຽມດວງນີ້ ຖືເປັນ ການປ່ອຍ ຈະຫລວດຄັ້ງທຳອິດ ຂອງ ສປຈີນ ໃນປີ 2025 ແລະ ພາລະກິດລຳດັບທີ 555 ຂອງຈະຫລວດ ຂົນສົ່ງຕະກູລ ລອງມາຣ./
KPL
