KPL
ຊີຣີ ຈະໄດ້ຮັບ ກຳປັ່ນ ຜະລິດໄຟ້ຟາ 2 ລຳ ຈາກ ຕວັກກີ ແລະ ກາຕາ ເພື່ອເພີ່ມ ການຈັດຫາ ພະລັງງານ ທີ່ໄດ້ຮັບ ຜົນກະທົບ ຈາກ ຄວາມເສຍຫາຍ ຕໍ່ພື້ນຖານໂຄງລ່າງ .
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ດານັດ ປະເທດ ຊີຣີ ເມື່ອວັນທີ 8 ມັງກອນ 2025 , ຊີຣີ ຈະໄດ້ຮັບ ກຳປັ່ນ ຜະລິດໄຟ້ຟາ 2 ລຳ ຈາກ ຕວັກກີ ແລະ ກາຕາ ເພື່ອເພີ່ມ ການຈັດຫາ ພະລັງງານ ທີ່ໄດ້ຮັບ ຜົນກະທົບ ຈາກ ຄວາມເສຍຫາຍ ຕໍ່ພື້ນຖານໂຄງລ່າງ .
ໂດຍທ່ານ ຄາເລດ ອາບູ ດາອີ ຜູ້ອຳນວຍການ ສຳນັກງານ ສາທາລະນະ ເພື່ອການສົ່ງ ແລະ ແຈກຢາຍໄຟຟ້າ ກ່າວວ່າ: ກຳປັ່ນ ທັງສອງລຳ ຈະຜະລິດໄຟຟ້າ ລວມມີ 800 ເມກະວັດ ແຕ່ບໍ່ໄດ້ລະບຸວ່າ ຈະເລີ່ມຕົ້ນເມື່ອໃດ. ປັດຈຸບັນ, ຊີຣີ ປະສົບກັບບັນຫາ ຂາດແຄນພະລັງງານ ຢ່າງຮຸນແຮງ ໂດຍກະແສໄຟຟ້າ ທີ່ ລັດຈັດໃຫ້ໃຊ້ງານໄດ້ພຽງແຕ່ 2 ຫລື 3 ຊົ່ວໂມງຕໍ່ວັນ ໃນພື້ນທີ່ສ່ວນໃຫຍ່. ນອກນັ້ນ ລັດຖະບານ ຊຸດໃໝ່ ລະບຸວ່າ ຈະຈັດຫາ ໄຟຟ້າໃຫ້ໃຊ້ໄດ້ເຖິງ 8 ຊົ່ວໂມງ ຕໍ່ວັນ ພາຍໃນໄລຍະເວລາ 2 ເດືອນ./
KPL
