KPL
ຍອດຜູ້ເສຍຊີວິດ ເພີ່ມຂຶ້ນ 126ຄົນ ແລະ ບາດເຈັບອີກ 200 ກວ່າຄົນ ຈາກເຫດການ ແຜນດິນໄຫວ ຂະໜາດ 6,8 ລິກເຕີ ຢູ່ ເມືອງທິງຣີນະຄອນຊີກັດເຊ ເຂດຊີ່ຈ້າງຈີນ(ເຂດປົກຄອງຕົນເອງ ທິເບດ) ເມື່ອບໍ່ດົນມານີ້.
ຂປລ.ຕາມຂ່າວຈາກ ປັກກິ່ງ,ວັນທີ9ມັງກອນນີ້, ຍອດຜູ້ເສຍຊີວິດ ເພີ່ມຂຶ້ນ 126ຄົນ ແລະ ບາດເຈັບອີກ 200ກວ່າຄົນ ຈາກເຫດການ ແຜນດິນໄຫວ ຂະໜາດ 6,8 ລິກເຕີ ຢູ່ ເມືອງທິງຣີນະຄອນຊີກັດເຊ ເຂດຊີ່ຈ້າງຈີນ(ເຂດປົກຄອງຕົນເອງ ທິເບດ)ເມື່ອບໍ່ດົນມານີ້. ປັດຈຸບັນ ໄດ້ລະດົມ ກຳລັງ ເຈົ້າໜ້າທີ່ກູ້ໄພ, ທະຫານ ແລະ ຕຳຫລວດ ຫລາຍກວ່າ 14.000ຄົນ ເລັ່ງໃຫ້ການຊ່ວຍເຫລືອ ປະຊາຊົນ ທີ່ໄດ້ຮັບຜົນກະທົບ ຈາກເຫດການ ແຜນດິນໄຫວ ແລະ ສາມາດ ຊ່ວຍເຫລືອ ປະຊາຊົນ ຈາກໃຕ້ຊາກອາຄານ ຫລາຍກວ່າ 400ຄົນ ຂະນະທີ່ ຜູ້ລອດຊີວິດ ຫລາຍກວ່າ 30.000ຄົນ ຕ້ອງຍົກຍ້າຍ ໄປຢູ່ເຂດປອດໄພ ຢ່າງຮີບດ່ວນ.ຂະນະນີ້ ທຸກໜ່ວຍງານ ທີ່ກ່ຽວຂ້ອງ ຍັງສືບຕໍ່ ໃຫ້ການຊ່ວຍເຫລືອ ຜູ້ປະສົບ ໄພພິບັດ ໃນຄັ້ງນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
