KPL
ຂປລ. ວັນທີ 7 ມັງກອນ 2025 ຜ່ານມາ, ວັດຮົວຢານ ນະຄອນຊົງຊິງ ສປ ຈີນ ໄດ້ເປີດໂຮງທານເຂົ້າປຽກເຂົ້າ ໃນວັນສະຫລອງພະທຳ ຢູ່ວັດອິນແປງ ແລະ ໂຮງຮຽນຄົນພິການທາງການເບິ່ງເຫັນ ນະ ຄອນຫລວງວຽງຈັນ ສປປ ລາວ.
ຂປລ. ວັນທີ 7 ມັງກອນ 2025 ຜ່ານມາ, ວັດຮົວຢານ ນະຄອນຊົງຊິງ ສປ ຈີນ ໄດ້ເປີດໂຮງທານເຂົ້າປຽກເຂົ້າ ໃນວັນສະຫລອງພະທຳ ຢູ່ວັດອິນແປງ ແລະ ໂຮງຮຽນຄົນພິການທາງການເບິ່ງເຫັນ ນະ ຄອນຫລວງວຽງຈັນ ສປປ ລາວ.
ການເປີດໂຮງທານເຂົ້າປຽກເຂົ້າໃນວັນສະຫລອງພະທຳ, ແມ່ນປະເພນີທີ່ໄດ້ປະຕິບັດກັນມາແຕ່ບູ ຮານ ເຊິ່ງມີຄວາມໝາຍຢ່າງຍິ່ງຕໍ່ວັດທະນະທຳ, ເຂົ້າປຽກພະທຳໜຶ່ງຖ້ວຍ ແມ່ນເຕັມໄປດ້ວຍຄວາມປາຖະໜາ ຂອງຄົນຕໍ່ຊີວິດອັນສົດໃສ ເຊິ່ງປະເພນີ້, ໄດ້ສືບທອດມາຈາກຄົນຮຸ່ນສູ່ຮຸ່ນ, ສ້າງຄວາມຊົງຈຳທາງວັດທະນະທຳ ໃຫ້ກາຍເປັນສາຍພົວພັນທາງວັດທະນະທຳທີ່ເຊື່ອມຈອດອະດີດ ແລະ ປັດຈຸບັນ, ເຕົ້າໂຮມສາຍສຳພັນພາຍໃນສັງຄົມ, ປະເພນີນີ້ ຍັງຊ່ວຍສ້າງຄວາມອົບອຸ່ນ ແລະ ເລິກເຊິ່ງທາງວັດທະນະທຳ ຂອງເທສະການແບບດັ້ງເດີມຜ່ານ ການທານເຂົ້າປຽກເຂົ້າ ອັນເປັນການສົ່ງຕໍ່ຄວາມເມດຕາ ແລະ ຄວາມອົບອຸ່ນໃນໃຈມະນຸດ.
ນອກຈາກການເປີດໂຮງທານເຂົ້າປຽກ ເຂົ້າຢູ່ວັດອິນແປງແລ້ວ, ຍັງນຳເອົາເຂົ້າປຽກເຂົ້າ ແລະ ຂອງ ຂວັນ ໄປມອບໃຫ້ໂຮງຮຽນຄົນພິການ ທາງການເບິ່ງເຫັນ ນະຄອນຫລວງວຽງຈັນ, ສົ່ງຕໍ່ຄວາມຄວາມປາຖະນາດີ ແລະ ຄຳອວຍພອນໃຫ້ເດັນນ້ອຍຢູ່ທີ່ນັ້ນ.ກິດຈະກຳຄັ້ງນີ້, ບໍ່ພຽງແຕ່ສົ່ງເສີມຈິດວິນຍານແຫ່ງຄວາມເມດຕາ ແລະ ການຊ່ວຍເຫລືອຂອງພຸດທະສາສະໜາ, ຍັງເປັນການສົ່ງເສີມ ການແລກປ່ຽນທາງວັດທະນະທຳ ລະຫວ່າງ ປະເທດລາວ ແລະ ຈີນ, ເປັນການວາງຮາກຖານທີ່ໝັ້ນຄົງດ້ານຄວາມຄິດຂອງປະຊາຊົນ ເພື່ອສຳພັນມິດທີ່ດີລະຫວ່າງສອງປະເທດ.
KPL
