KPL
ສສ ຫວຽດນາມ ມີການເຕີບໂຕ ສິນເຊື່ອ ປີ 2024 ລື່ນກາຍ 15%, ນີ້ແມ່ນ ຂໍ້ມູນຂ່າວ ທີ່ໄດ້ຍົກອອກມາ ທີ່ກອງປະຊຸມ ຖະແຫລງຂ່າວ ໝາກຜົນການເຄື່ອນໄຫວ ຂອງທະນາຄານປີ 2024 ແລະ ຜັນຂະຫຍາຍໜ້າທີ່ປີ 2025, ໂດຍທະນາ ຄານ ແຫ່ງລັດ ຈັດຂຶ້ນ ເມື່ອບໍ່ດົນມານີ້ ຢູ່ ຮ່າໂນ້ຍ.
ຂປລ.ວິທະຍຸ ກະຈາຍສຽງ ຫວຽດນາມ, ສສ ຫວຽດນາມ ມີການເຕີບໂຕ ສິນເຊື່ອ ປີ 2024 ລື່ນກາຍ 15%, ນີ້ແມ່ນ ຂໍ້ມູນຂ່າວ ທີ່ໄດ້ຍົກອອກມາ ທີ່ກອງປະຊຸມ ຖະແຫລງຂ່າວ ໝາກຜົນການເຄື່ອນໄຫວ ຂອງທະນາຄານປີ 2024 ແລະ ຜັນຂະຫຍາຍໜ້າທີ່ປີ 2025, ໂດຍທະນາຄານແຫ່ງລັດ ຈັດຂຶ້ນ ເມື່ອບໍ່ດົນມານີ້ ຢູ່ ຮ່າໂນ້ຍ.ໃນໂອກາດນີ້ ທ່ານ ດ່າວມິງຕູ, ຮອງວ່າການ ຜູ້ປະຈຳການ ທະນາຄານ ແຫ່ງລັດ ຫວຽດນາມ ແລ້ວ, ປີ 2024, ເສດຖະກິດຂອງ ສສ ຫວຽດນາມ ບັນລຸ ການເຕີບໂຕ ຢ່າງຕັ້ງໜ້າ, ໄພເງິນເຟີ້ ໄດ້ຮັບການຄວບຄຸ້ມ ສອດຄ່ອງກັບ ຄາດໝາຍ ທີ່ໄດ້ວາງອອກ. ທັງໃນ 2024 ສິນເຊື່ອ ໄດ້ເພີ່ມຂຶ້ນ 15,08%, ສະນັ້ນ, ເປົ້າໝາຍ ທີ່ໄດ້ວາງອອກ ນັບແຕ່ຕົ້ນປີ ແມ່ນ 15% ໄດ້ສຳເລັດ ໂດຍພື້ນຖານ. ໃນໄລຍະຈະມາເຖິງ, ທະນາຄານ ແຫ່ງລັດ ສືບຕໍ່ ຕິດຕາມ ການຜັນແປ ຂອງຕະຫລາດ, ສະພາບການ ເສດຖະກິດ ຢູ່ພາຍໃນ ແລະ ຕ່າງປະເທດ ເພື່ອບໍລິຫານ ຢ່າງມີໄຫວພິບ, ແນໃສ່ຄວບຄຸມ ໄພເງິນເຟີ້, ປະກອບສ່ວນ ຮັກສາ ເສດຖະກິດ ມະຫາພາກ ໃຫ້ເປັນປົກກະຕິ, ຮັກສາຕະຫລາດ ເງິນຕາ ແລະ ເງິນຕາ ຕ່າງປະເທດ ເປັນປົກກະຕິ, ຄວບຄຸມ ລະດັບ ເຕີບໂຕ ບ້ວງສິນເຊື່ອ ຕາມກຳນົດທິດ ທີ່ໄດ້ວາງອອກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
