KPL
ຍອດຈຳນວນ ຂົນສົ່ງດ່ວນຢູ່ ສປ ຈີນ ໃນປີ 2024 ມີເຖິງ 174,5 ຕື້ອັນ ເພີ່ມຂຶ້ນ 21% ເມື່ອທຽບໃສ່ປີ 2023, ລາຍຮັບ ດ້ານການຂົນສົ່ງດ່ວນ ເຖິງ 1.400 ຕື້ຢວນ, ເພີ່ມຂຶ້ນ 13% ເມື່ອທຽບໃສ່ປີ 2023.
ຂປລ.ວິທະຍຸ ສາກົນ ແຫ່ງ ສປ ຈີນ,ວັນທີ 8 ມັງກອນນີ້, ອົງການ ໄປສະນີ ແຫ່ງຊາດຈີນ ເປີດເຜີຍໃຫ້ຮູ້ວ່າ: ຍອດຈຳນວນ ຂົນສົ່ງດ່ວນຢູ່ ສປ ຈີນ ໃນປີ 2024 ມີເຖິງ 174,5 ຕື້ອັນ ເພີ່ມຂຶ້ນ 21% ເມື່ອທຽບໃສ່ປີ 2023, ລາຍຮັບ ດ້ານການຂົນສົ່ງດ່ວນ ເຖິງ 1.400 ຕື້ຢວນ, ເພີ່ມຂຶ້ນ 13% ເມື່ອທຽບໃສ່ປີ 2023. ຍອດຈຳນວນ ຂົນສົ່ງດ່ວນຢູ່ ສປ ຈີນ ເປັນອັນດັບໜຶ່ງໃນໂລກ 11 ປີລຽນຕິດ. ໃນປີ 2024 ທີ່ຜ່ານມາ, ຂະແໜງການໄປສະນີ ແລະ ການຂົນສົ່ງດ່ວນ ໄດ້ສຸມໃສ່ເປົ້າໝາຍ ທີ່ເຮັດໃຫ້ ການຈໍລະຈອນ ສິນຄ້າ ມີຄວາມສະດວກສະບາຍ ແລະ ຊຸກຍູ້ ການພັດທະນາ ຂອງເສດຖະກິດ ຮູບປະທຳ ເປັນຢ່າງດີກວ່າເກົ່າ. ປີ 2025 ນີ້, ຂະແໜງ ການໄປສະນີ ແລະ ການຂົນສົ່ງດ່ວນ ຈະສືບຕໍ່ມີທ່ວງທ່າ ເພີ່ມຂຶ້ນຢ່າງໝັ້ນທ່ຽງ, ຄາດວ່າ, ຍອດຈຳນວນຂົນສົ່ງດ່ວນ ຈະມີເຖິງ 190 ຕື້ອັນ ແລະ ລາຍຮັບ ດ້ານການຂົນສົ່ງດ່ວນ ຈະມີເຖິງ 1.500 ຕື້ຢວນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
