KPL
ເມືອງທິງຣີ ນະຄອນ ຊີກັດເຊ ເຂດຊີ່ຈ້າງຈີນ ໄດ້ເກີດໄພແຜ່ນດິນໄຫວ 6,8 ລິກເຕີ ຊຶ່ງເຮັດໃຫ້ມີ ຜູ້ເສຍຊີວິດ ແລະ ໄດ້ຮັບບາດເຈັບ ຈຳນວນ ຫລວງຫລາຍ, ເຮືອນຊານເພພັງ ຫລາຍຫລັງ.
ຂປລ.ວິທະຍຸ ສາກົນ ແຫ່ງ ສປ ຈີນ, ເມືອງທິງຣີ ນະຄອນ ຊີກັດເຊ ເຂດຊີ່ຈ້າງຈີນ ໄດ້ເກີດໄພແຜ່ນດິນໄຫວ 6,8 ລິກເຕີ ຊຶ່ງເຮັດໃຫ້ມີ ຜູ້ເສຍຊີວິດ ແລະ ໄດ້ຮັບບາດເຈັບ ຈຳນວນ ຫລວງຫລາຍ, ເຮືອນຊານເພພັງ ຫລາຍຫລັງ.ຈາກນັ້ນ ທ່ານ ສີ ຈິ້ນຜິງ, ປະທານປະເທດຈີນ ໃຫ້ຄວາມເອົາໃຈໃສ່ສູງ ແລະ ໃຫ້ການຊີ້ນຳ ທີ່ສຳຄັນວ່າ: ຕ້ອງອອກແຮງ ສຸດຂີດ ຊ່ວຍກອບກູ້ ປະຊາຊົນ, ພະຍາຍາມ ສຸດຂີດ ປິ່ນປົວ ຜູ້ໄດ້ຮັບບາດເຈັບ, ຫລຸດຈຳນວນ ຜູ້ທີ່ເສຍຊີວິດ ແລະ ໄດ້ຮັບບາດເຈັບໃຫ້ໜ້ອຍທີ່ສຸດ, ຈັດວາງປະຊາຊົນ ຜູ້ປະສົບໄພ ໄປບ່ອນປອດໄພ ຢ່າງເໝາະສົມ, ເຮັດວຽກງານ ຫລັງແຜ່ນດິນໄຫວ ໃຫ້ດີ. ຕ້ອງສ້ອມແປງ ພື້ນຖານໂຄງລ່າງ ທີ່ຖືກທຳລາຍ ໂດຍດ່ວນ, ຈັດວາງຊີວິດພື້ນຖານ ຂອງປະຊາຊົນໃຫ້ດີ, ຮັບປະກັນໃຫ້ເຂົາເຈົ້າ ຜ່ານລະດູໜາວ ຢ່າງປອດໄພ ແລະ ອົບອຸ່ນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
