KPL
ຂປລ. ວັນທີ່ 5 ມັງກອນ 2025 ຜ່ານມາ, ທ່ານ ນາງ ປານີ ຢາທໍ່ຕູ້ ຮອງປະທານປະເທດ, ຜູ້ຊີ້ນຳວຽກງານຮອບດ້ານແຂວງຈຳປາສັກ ພ້ອມຄະນະ ໄດ້ເຄື່ອນໄຫວຢ້ຽມຢາມຊຸກຍູ້ ກຸ່ມການຜະລິດສູນຫັດ ຖະກຳບ້ານສະຜ່າຍ ເມືອງຊະນະສົມບູນ ແຂວງຈຳປາສັກ ໂດຍໄດ້ຮັບການຕ້ອນຈາກ ທ່ານ ສົມບູນ ເຮືອງວົງສາ ຮອງເຈົ້າແຂວງຈຳປາສັກ, ທ່ານ ນາງ ພູໄພທອງ ພິມມະສາ ເຈົ້າເມືອງຊະນະສົມບູນ, ມີການນຳເມືອງ, ເລຂາຄະນະພັກຮາກຖານກຸ່ມ, ອົງການປົກຄອງບ້ານສະຜ່າຍ ບ້ານພັດທະນາ ປະຊາຊົນຢູ່ດີ-ກີນດີ ແລະ ຫົວໜ້າສູນລັດຖະກຳບ້ານສະຜ່າຍ ເຂົ້າຮ່ວມ.
ຂປລ. ວັນທີ່ 5 ມັງກອນ 2025 ຜ່ານມາ, ທ່ານ ນາງ ປານີ ຢາທໍ່ຕູ້ ຮອງປະທານປະເທດ, ຜູ້ຊີ້ນຳວຽກງານຮອບດ້ານແຂວງຈຳປາສັກ ພ້ອມຄະນະ ໄດ້ເຄື່ອນໄຫວຢ້ຽມຢາມຊຸກຍູ້ ກຸ່ມການຜະລິດສູນຫັດ ຖະກຳບ້ານສະຜ່າຍ ເມືອງຊະນະສົມບູນ ແຂວງຈຳປາສັກ ໂດຍໄດ້ຮັບການຕ້ອນຈາກ ທ່ານ ສົມບູນ ເຮືອງວົງສາ ຮອງເຈົ້າແຂວງຈຳປາສັກ, ທ່ານ ນາງ ພູໄພທອງ ພິມມະສາ ເຈົ້າເມືອງຊະນະສົມບູນ, ມີການນຳເມືອງ, ເລຂາຄະນະພັກຮາກຖານກຸ່ມ, ອົງການປົກຄອງບ້ານສະຜ່າຍ ບ້ານພັດທະນາ ປະຊາຊົນຢູ່ດີ-ກີນດີ ແລະ ຫົວໜ້າສູນລັດຖະກຳບ້ານສະຜ່າຍ ເຂົ້າຮ່ວມ.
ທ່ານ ນາງ ຂັນທອງ ວິໄລສອນ ປະທານກຸ່ມຫັດຖະກຳສະຜ່າຍ ໄດ້ລາຍງານຄວາມເປັນມາ ຂອງສູນຫັດຖະກຳ ໂດຍສັງເຂບວ່າ: ສູນຫັດຖະກໍາສະຜ່າຍ ເລີ່ມເປີດບໍລິການໃນປີ 2014 ໂດຍໄດ້ຮັບອະນຸຍາດ ຈາກອົງການປົກຄອງເມືອງ ແລະ ຂະແໜງການທີ່ກ່ຽວຂ້ອງ ເຊິ່ງອົງການປົກຄອງເມືອງ ໃຫ້ທົດລອງ 3 ປີ ໂດຍບໍ່ໄດ້ເສຍຄ່າເຊົ່າ, ປີທໍາອິດ ມີສິ້ນໄໝພຽງແຕ່ 20-30 ຜືນ ແລະ ອຸປະ ກອນຮັບໃຊ້ໃນການຕໍ່າສິ້ນໄໝ ເຊັ່ນ: ກີ່, ຟືມ, ກະສວຍ, ຫລາເຂັນຝ້າຍ ແລະ ອິ້ວເກົ່າໆ ຈໍານວນໜຶ່ງມາວາງສະແດງ ໂດຍນໍາໃຊ້ທຶນຕົນເອງ, ປີຕໍ່ມາ ຕົນເອງກໍໄດ້ພະຍາຍາມເກັບຊື້ ແລະ ສະສົມສິ້ນໄໝເພີ່ມເຂົ້າສູນເລື້ອຍໆ ໂດຍຖືເອົາຄວາມ ຕ້ອງການຂອງລູກຄ້າ ເປັນບ່ອນອີງໃນການປັບປຸງການບໍລິການ. ຮອດປີທີ 3 ຄືປີ 2016 ເຫັນວ່າກິດຈະການຂອງສູນມີການເຕີບໃຫຍ່ຂະຫຍາຍຕົວ, ຕົນເອງຈຶ່ງໄດ້ ພົບປະໂອ້ລົມກັບປະຊາຊົນ ຜູ້ທີ່ມີມູນເຊື້ອໃນການຕໍ່າສິ້ນໄໝ-ຕີນສິ້ນ ເຊິ່ງເຄີຍຮ່ວມວຽກງານນໍາກັນໃນໄລຍະທີ່ຜ່ານມາ ເພື່ອຊຸກຍູ້ສົ່ງເສີມໃຫ້ສືບຕໍ່ເຄື່ອນໄຫວ ຕໍ່າສິ້ນ-ຕີນສິ້ນ ໂດຍຕົນເອງເປັນຜູ້ອອກທຶນກ່ອນ ໃນການຊອກຫາວັດຖຸອຸປະກອນຮັບໃຊ້ຕ່າງໆ ເມື່ອຕໍ່າສິ້ນ ຫລື ຕີນສິ້ນໄດ້ແລ້ວກໍເອົາມາຂາຍໃຫ້ສູນ ແລະ ຫັກຄ່າຕົ້ນທຶນເທື່ອລະນ້ອຍ ຕາມຄວາມເໝາະສົມ ໂດຍປະຊາຊົນກໍໃຫ້ຄວາມຮ່ວມມືກັບ ສູນພວກເຮົາເປັນຢ່າງດີ ຈຶ່ງເຮັດໃຫ້ຈໍານວນສະມາຊິກຂອງສູນ ຈົນມາຮອດປັດຈຸບັນ ເພີ່ມຂຶ້ນຢ່າງຫລວງຫລາຍ.
ໃນໂອກາດນີ້, ທ່ານຮອງປະທານປະເທດ ກໍໄດ້ມີຄຳເຫັນໂອ້ລົມ ໂດຍເນັ້ນໃຫ້ທາງສູນຫັດຖະ ກຳຕໍ່າແຜນ ບ້ານສະຜ່າຍ ສືບຕໍ່ຮັກສາມູນເຊື້ອໃນການຕໍາຫູກ ໃຫ້ມີການຂະຫຍາຍຕົວຢ່າງແຂງແຮງ ແລະ ໃຫ້ມີຄວາມຍືນຍົງ ຄຽງຄູ່ຢູ່ກັບປະຊາຊົນລາວ ໂດຍສະເພາະ ຊາວບ້ານສະຜ່າຍ ຕະຫລອດໄປ.
ຂ່າວ-ພາບ: ສຸມາສອນ ຖວທ ເມືອງ
KPL
