KPL
ຂປລ. ກອງປະຊຸມຮຽບຮຽງເນື້ອໃນ ສອງຮ່າງກົດໝາຍ ຄື: ກົດໝາຍວ່າດ້ວຍທີ່ຢູ່ອາໄສ (ສ້າງໃໝ່) ແລະ ກົດໝາຍວ່າດ້ວຍ ທະນາຄານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ (ປັບປຸງ) ຈັດຂຶ້ນໃນວັນທີ 6-7 ມັງກອນ 2025 ທີ່ສະພາແຫ່ງຊາດ (ສພຊ) ໂດຍການເປັນປະທານຂອງ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ, ມີປະທານ ແລະ ຮອງປະທານກໍາມາທິການທີ່ກ່ຽວ ຂ້ອງຂອງ ສພຊ, ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ຮອງລັດຖະມົນຕີກະຊວງຍຸຕິທໍາ, ຮອງຫົວໜ້າຫ້ອງວ່າການ ສໍານັກງານປະທານປະເທດ, ຮອງຫົວໜ້າຫ້ອງວ່າການສຳນັກງານນາຍົກ ລັດຖະມົນຕີ, ຮອງຜູ້ວ່າການ ທະນາຄານແຫ່ງ ສປປ ລາວ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ຂປລ. ກອງປະຊຸມຮຽບຮຽງເນື້ອໃນ ສອງຮ່າງກົດໝາຍ ຄື: ກົດໝາຍວ່າດ້ວຍທີ່ຢູ່ອາໄສ (ສ້າງໃໝ່) ແລະ ກົດໝາຍວ່າດ້ວຍ ທະນາຄານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ (ປັບປຸງ) ຈັດຂຶ້ນໃນວັນທີ 6-7 ມັງກອນ 2025 ທີ່ສະພາແຫ່ງຊາດ (ສພຊ) ໂດຍການເປັນປະທານຂອງ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ, ມີປະທານ ແລະ ຮອງປະທານກໍາມາທິການທີ່ກ່ຽວ ຂ້ອງຂອງ ສພຊ, ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ຮອງລັດຖະມົນຕີກະຊວງຍຸຕິທໍາ, ຮອງຫົວໜ້າຫ້ອງວ່າການ ສໍານັກງານປະທານປະເທດ, ຮອງຫົວໜ້າຫ້ອງວ່າການສຳນັກງານນາຍົກ ລັດຖະມົນຕີ, ຮອງຜູ້ວ່າການ ທະນາຄານແຫ່ງ ສປປ ລາວ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ທັງນີ້, ກໍເພື່ອນຳເອົາຄຳເຫັນ ຂອງສະມາຊິກສະພາແຫ່ງຊາດ (ສສຊ) ທີ່ໄດ້ປະກອບໃສ່ຮ່າງກົດໝາຍ ສອງສະບັບນີ້, ມາພິຈາລະນາ, ປັບປຸງໃສ່ເນື້ອໃນສອງຮ່າງກົດໝາຍ ໃຫ້ມີຄວາມຈະແຈ້ງ, ຄົບຖ້ວນ ແລະ ຮັດກຸມ.
ທ່ານ ສົມມາດ ພົນເສນາ ໄດ້ໃຫ້ຮູ້ວ່າ: ກອງປະຊຸມຄັ້ງນີ້, ແມ່ນການຄົ້ນຄວ້າບັນດາ ຄຳເຫັນຂອງສະມາຊິກສະພາແຫ່ງຊາດ ທີ່ເຫັນວ່າມີເຫດມີຜົນເພື່ອປັບປຸງໃສ່ກົດໝາຍ 2 ສະບັບດັ່ງກ່າວ ແນໃສ່ເຮັດໃຫ້ເນື້ອໃນຂອງ 2 ກົດໝາຍ ມີຄວາມຄົບຖ້ວນ, ສົມບູນ ແລະ ສາມາດຈັດຕັ້ງປະຕິບັດໄດ້; ເພື່ອຮັບປະກັນໃຫ້ບັນດາ ຄໍາເຫັນທີ່ສະມາຊິກສະພາແຫ່ງຊາດ ໄດ້ປະກອບໃສ່ໄດ້ຮັບ ການຄົ້ນຄວ້າພິຈາລະນາຢ່າງເລິກເຊິ່ງ ໃຫ້ພ້ອມກັນຄົ້ນຄວ້າຕື່ມ ຕໍ່ຄໍາເຫັນທີ່ບໍ່ສາມາດປັບປຸງໄດ້ນັ້ນ ຄະນະຮັບຜິດຊອບໄດ້ໃຫ້ ເຫດຜົນພຽງພໍແລ້ວບໍ່ ຫລື ຄວນປັບປຸງຄືແນວໃດ.
ຂ່າວ: ສພຊ
KPL
