KPL
ຍານພາຫະນະໄຟຟ້າ ກວມເອົາ ອັດຕາສ່ວນ 89% ຂອງ ຍານພາຫະນະໃໝ່ ທີ່ຈຳໜ່າຍ ພາຍໃນ ປະເທດ ນອກແວ ເມື່ອປີກາຍ ຖືເປັນ ທ່າອ່ຽງ ໃກ້ເຂົ້າສູ່ ເປົ້າໝາຍ ການນຳໃຊ້ ຍານພາຫະນະໄຟຟ້າ (ອີວີ) ຢ່າງເຕັມຮູບແບບໃນປີ 2025 ຫລາຍຂຶ້ນ.
ຂປລ. ສຳນັກຂ່າວ ເອເອຟພີ ລາຍງານຈາກ ນະຄອນຫລວງ ອົດສະໂລ ປະເທດ ນອກແວ, ເມື່ອບໍ່ດົນມານີ້ວ່າ: ຍານພາຫະນະໄຟຟ້າ ກວມເອົາ ອັດຕາສ່ວນ 89% ຂອງ ຍານພາຫະນະໃໝ່ ທີ່ຈຳໜ່າຍ ພາຍໃນ ປະເທດ ນອກແວ ເມື່ອປີກາຍ ຖືເປັນ ທ່າອ່ຽງ ໃກ້ເຂົ້າສູ່ ເປົ້າໝາຍ ການນຳໃຊ້ ຍານພາຫະນະໄຟຟ້າ (ອີວີ) ຢ່າງເຕັມຮູບແບບໃນປີ 2025 ຫລາຍຂຶ້ນ.
ໂດຍສະຫະພັນ ຖະໜົນນອກແວ (ໂອເອຟວີ) ລະບຸໃນຖະແຫລງການວ່າ ເຫລືອອີກພຽງ 10% ເທົ່ານັ້ນ ທີ່ຈະເຮັດໃຫ້ ນອກແວ ບັນລຸເປົ້າໝາຍ “ຍານພາຫະນະ ປ່ອຍມົນລະພິດ ເປັນສູນ” ໃນປີ 2025. ນອກແວ ໄດ້ຕັ້ງເປົ້່່າໃຫ້ລົດໃໝ່ ດັ່ງກ່າວ ທີ່ ປ່ອຍມົນລະພິດ ເປັນສູນ ນັບແຕ່ ປີນີ້ ຊຶ່ງເປັນ ໄລຍະເວລາ ໄວກວ່າ ເປົ້າໝາຍ ທີ່ສະຫະພາບ ເອີຣົບ (ອີຢູ) ໄດ້ກຳນົດໄວ້ ເຖິງ 10 ປີ. ບັນດາ ຜູ້ໃຊ້ຍານພາຫະນະ ນອກແວ ໄດ້ຮັບການຍົກເວັ້ນ ພາສີ ຫລາຍປະເພດ ເຮັດໃຫ້ສາມາດ ແຂ່ງຂັນກັບ ຍານພາຫະນະ ທີ່ໃຊ້ ເຄື່ອງຈັກ ຕ້ອງເກັບພາສີສູງ. ນອກຈາກນີ້ ລົດອີວີ ຍັງໄດ້ປະໂຫຍດ ຈາກການຍົກເວັ້ນ ຄ່າຜ່ານທາງ ທີ່ ຈອດລົດຟຣີ ໃນບ່ອນຈອດລົດ ສາທາລະນະ ແລະ ການນຳໃຊ້ເລນ ຂອງ ລົດຂົນສົ່ງ ສາທາລະນະ ອີກດ້ວຍ. /
KPL
