KPL
ສຳນັກງານສະຖິຕິ ອິນໂດເນເຊຍ ລາຍງານຈຳນວນ ນັກທ່ອງທ່ຽວ ຕ່າງປະເທດ ທີ່ ເດີນທາງ ມາຢ້ຽມຢາມ ອິນໂດເນເຊຍ ຈຳນວນ 12,66 ລ້ານເທື່ອຄົນ ໃນໄລຍະ 11 ເດືອນ (ເດືອນມັງກອນ-ເດືອນພະຈິກ) ຂອງ ປີ 2024, ເພີ່ມຂຶ້ນ 20,17% ເມື່ອທຽບປີຕໍ່ປີ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້ ສຳນັກງານສະຖິຕິ ອິນໂດເນເຊຍ ລາຍງານຈຳນວນ ນັກທ່ອງທ່ຽວ ຕ່າງປະເທດ ທີ່ ເດີນທາງ ມາຢ້ຽມຢາມ ອິນໂດເນເຊຍ ຈຳນວນ 12,66 ລ້ານເທື່ອຄົນ ໃນໄລຍະ 11 ເດືອນ (ເດືອນມັງກອນ-ເດືອນພະຈິກ) ຂອງ ປີ 2024, ເພີ່ມຂຶ້ນ 20,17% ເມື່ອທຽບປີຕໍ່ປີ. ຕົວເລກດັ່ງກ່າວ ໄດ້ສະແດງ ໃຫ້ຮູ້ວ່າ ຂະແໜງການ ທ່ອງທ່ຽວ ຂອງ ອິນໂດເນເຊຍ ພວມຟື້ນຕົວ ຈາກ ພາວະທີ່ຢຸດຈຶ້ງ ຈາກການ ແພ່ລະບາດ ຂອງ ພະຍາດໂຄວິດ-19. ໂດຍສະເພາະ ເດືອນພະຈິກ ປີ2024, ອິນໂດເນເຊຍ ໄດ້ຮອງຮັບ ນັກທ່ອງທ່ຽວ ຈາກ ມາເລເຊຍ ຫລາຍທີ່ສຸດ, ຖັດມາແມ່ນ ອົດສະຕຣາລີ, ສິງກະໂປ ແລະ ສປຈີນ. /.
KPL
