KPL
ທ່ານ ຊະເຣຍ ພົມ ຜູ້ອຳນວຍການ ຝ່າຍກິດຈະການ ທາງດ້ານ ເຕັກນິກ ຂອງ ກະຊວງ ການພັດທະນາ ຊົນນະບົດ ກຳປູເຈຍ ໄດ້ກ່າວ ໃນກອງປະຊຸມ ການຈັດການ ນໍ້າສະອາດ ແລະ ສຸຂະພິບານ ໃນພື້ນທີ່ ຊົນນະບົດ ວ່າ: ປັດຈຸບັນ ປະຊາກອນ ກຳປູເຈຍ ຈຳນວນ 87%
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ທ່ານ ຊະເຣຍ ພົມ ຜູ້ອຳນວຍການ ຝ່າຍກິດຈະການ ທາງດ້ານ ເຕັກນິກ ຂອງ ກະຊວງ ການພັດທະນາ ຊົນນະບົດ ກຳປູເຈຍ ໄດ້ກ່າວ ໃນກອງປະຊຸມ ການຈັດການ ນໍ້າສະອາດ ແລະ ສຸຂະພິບານ ໃນພື້ນທີ່ ຊົນນະບົດ ວ່າ: ປັດຈຸບັນ ປະຊາກອນ ກຳປູເຈຍ ຈຳນວນ 87% ສາມາດ ເຂົ້າເຖິງ ນໍ້າດື່ມສະອາດ ຂັ້ນພື້ນຖານ ແລະ 21% ມີການ ຈັດການ ຢ່າງປອດໄພ. ປະຊາກອນ ປະມານ 92% ເຂົ້າເຖິງສຸຂະພິບານ ຂັ້ນພື້ນຖານ ແລະ 51% ເຂົ້າເຖິງ ສຸຂະພິບານ ທີ່ມີ ການຈັດການ ຢ່າງປອດໄພ ໃນປີ 2024 ໂດຍມີ 14 ແຂວງ ຈາກ 25 ແຂວງ ຂອງ ກຳປູເຈຍ ມີຄວາມປອດໄພ ໃນການຂັບຖ່າຍ ກາງແຈ້ງ (ODF).
ນອກນີ້ ທ່ານ ໄຊ ຣີທີເຊນ ລັດຖະມົນຕີ ກະຊວງ ການພັດທະນາ ຊົນນະບົດ ຍັງເປີດເຜີຍວ່າ ແຜນການ ປະກາດອີກ 7 ແຂວງ ເປັນພື້ນທີ່ປອດການຂັບຖ່າຍ ກາງແຈ້ງ ໃນທ້າຍປີ 2025. ຂະນະທີ່ ລັດຖະບານ ກຳປູເຈຍ ໄດ້ຕັ້ງເປົ້າວ່າ ປະຊາຊົນ ທຸກຄົນ ໃນປະເທດ ຈະເຂົ້າເຖິງ ນໍ້າສະອາດ ຢ່າງພຽງພໍ ແລະ ມີສຸຂະພິບານເຕັມ 100% ລວມເຖິງ ສະຖານທີ່ອາໄສຢູ່ ແບບຍືນຍົງ ໃນປີ 2030./
KPL
