KPL
ຂປລ. ສຳລັບການປະກວດນາງສາວງາມເຜົ່າມົ້ງ ນະຄອນຫລວງວຽງຈັນ ແລະ ການປະກວດນັກຮ້ອງສຽງດີ ປະຈຳປີ 2025 ໃນບຸນກິນຈຽງ ຫລື ບຸນນໍເປ່ເຈົ້າ ຢູ່ສວນພຶກສາ ໂດຍຈັດຂຶ້ນເປັນປີ ທີ 7 ໃນລະຫວ່າງ ວັນທີ 3-5 ມັງກອນ 2025 ທີ່ຜ່ານມາ ເຊິ່ງສ້າງບັນຍາກາດ ໃຫ້ງານສະເຫລີມສະ ຫລອງບຸນກິນຈຽງ ມີຄວາມຄຶກຄື້ນມ່ວນຊື່ນ, ຮັກສາໄດ້ຄວາມສາມັກຄີ, ຮັກແພງ, ຮີດຄອງປະເພນີ ຂອງຊົນເຜົ່າມົ້ງ ແລະ ອື່ນໆ.
ຂປລ. ສຳລັບການປະກວດນາງສາວງາມເຜົ່າມົ້ງ ນະຄອນຫລວງວຽງຈັນ ແລະ ການປະກວດນັກຮ້ອງສຽງດີ ປະຈຳປີ 2025 ໃນບຸນກິນຈຽງ ຫລື ບຸນນໍເປ່ເຈົ້າ ຢູ່ສວນພຶກສາ ໂດຍຈັດຂຶ້ນເປັນປີ ທີ 7 ໃນລະຫວ່າງ ວັນທີ 3-5 ມັງກອນ 2025 ທີ່ຜ່ານມາ ເຊິ່ງສ້າງບັນຍາກາດ ໃຫ້ງານສະເຫລີມສະ ຫລອງບຸນກິນຈຽງ ມີຄວາມຄຶກຄື້ນມ່ວນຊື່ນ, ຮັກສາໄດ້ຄວາມສາມັກຄີ, ຮັກແພງ, ຮີດຄອງປະເພນີ ຂອງຊົນເຜົ່າມົ້ງ ແລະ ອື່ນໆ.
ການຈັດງານໃນຄັ້ງນີ້, ເພື່ອສົ່ງເສີມ ແລະ ໃຫ້ໂອກາດແກ່ລູກຫລານຊົນເຜົ່າມົ້ງ ທັງຊາວໜຸ່ມ ຍິງ ແລະ ຊາຍ ໃຫ້ມີບ່ອນສະແດງຄວາມສາມາດຮອບດ້ານ ຂອງເຂົາເຈົ້າ ທາງດ້ານປັນຍາສຶກສາ, ສິລະປະສຶກສາ ແລະ ອື່ນໆ ຈາກລະດັບທ້ອງຖິ່ນສູ່ລະດັບຊາດ ແລະ ກ້າວສູ່ສາກົນ, ທັງເປັນການ ສົ່ງເສີມສິນຄ້າບັນດາເຜົ່າ. ໃນປີນີ້ ມີຄວາມພິເສດຄື ມີການປະກວດນາງສາວເຜົ່າມົ້ງ ນະຄອນຫລວງວຽງຈັນ ແລະ ການປະກວດນັກຮ້ອງສຽງດີ ປະຈຳປີ 2025 ເຊິ່ງໄດ້ຜ່ານການເກັບໂຕ ແລະ ປະກວດໃນຮອບຄັດເລືອກຕ່າງໆ ຂອງເວທີດັ່ງກ່າວ ຈົນສາມາດຄັດເລືອກໄດ້ ໃນຮອບຕັດສິນ ໃນຄ່ຳຄືນຂອງວັນທີ 4 ແລະ ທີ 5 ມັງກອນ 2025 ທີ່ຜ່ານມາ.
ການປະກວດນາງສາວເຜົ່າມົ້ງ ນະຄອນຫລວງວຽງຈັນ ປະຈຳປີ 2025 ແມ່ນ HM16 ນາງ ປີຍະດາ ຕົງນາມມະວົງ ຈາກນະຄອນຫລວງວຽງຈັນ ໄດ້ຮັບຕຳແໜ່ງ ນາງສາວເຜົ່າມົ້ງ ນະຄອນຫລວງວຽງຈັນ ປະຈຳປີ 2025, HM15 ນາງ ເກ້ຍ ຢ່າງ ຈາກແຂວງວຽງຈັນ ໄດ້ຮັບຕຳແໜ່ງຮອງອັນດັບ 1, HM07 ນາງ ມະລີ ຢ່າງແສນໄຊ ຈາກແຂວງຫລວງພະບາງ ໄດ້ຮັບຕຳແໜ່ງຮອງອັນດັບ 2. ສ່ວນຕຳແໜ່ງຮອງອັນດັບ3 ມີ 2 ຄົນ ຄື HM02 ນາງ ນາຮາລີ ຈາກແຂວງໄຊສົມບູນ ແລະ HM12 ນາງ ດໍຈີ ລາວຮົວ ຈາກນະຄອນຫລວງວຽງຈັນ. ສຳລັບ ຜົນຂອງການປະກວດນັກຮ້ອງສຽງດີ ປະຈຳປີ 2025 ແມ່ນ ໝາຍເລກ 06 ນາງ ຈັນພອນ ຊົງໃຈຍົ້ວ ໄດ້ຕຳແໜ່ງ ນັກຮ້ອງສຽງດີ ປະຈຳປີ 2025 ຂອງ ສວນພຶກສາ, ໝາຍເລກ 13 ທ້າວ ກ້ອງເມັ້ງ ທ່າວ ຍາດໄດ້ຮອງຊະນະເລີດ ອັນດັບ 1 ແລະ ໝາຍເລກ 19 ທ້າວ ຢົງລູເຮີ່ ລຽວເຊີ ຍາດໄດ້ຮອງຊະນະເລີດ ອັນດັບ 2.
ໃຫ້ກຽດເຂົ້າຮ່ວມກ່າວເປີດງານປະກວດນາງສາວງາມເຜົ່າມົ້ງ ນະຄອນຫລວງວຽງຈັນ ປະຈຳປີ 2025 ໃນບຸນກິນຈຽງ ຫລື ບຸນນໍເປ່ເຈົ້າ ຢູ່ສວນພຶກສາ ໂດຍ ທ່ານ ຈະເລີນ ເຍຍປາວເຮີ ຮອງປະທານສະພາແຫ່ງຊາດ, ມີ ທ່ານ ເຍ່ຍເກີຢ່າ ໜໍ່ຈໍ່ຈົງຕົວ ຮອງປະທານສູນກາງແນວລາວສ້າງຊາດ, ທ່ານ ພູວົງ ພະມີສິດ ປະທານຮ້ານຄຳພູວົງ ແລະ ເຈົ້າຂອງສວນພຶກສາ, ທ່ານເຈົ້າເມືອງນາຊາຍທອງ, ຄະນະກຳມະການ, ແຂກຖືກເຊີນ ແລະ ມ່ວນຊົນເຂົ້າຮ່ວມຢ່າງຄຶກຄືນມ່ວນຊື້ນ.
KPL
