KPL
ໄນແຟຣງກບໍລິສັດທີ່ປຶກສາ ດ້ານອະສັງຫາລິມະຊັບລະດັບໂລກລາຍງານວ່າ: ມາເລເຊຍກາຍເປັນຜູ້ນໍາ ດ້ານການພັດທະນາສູນຂໍ້ມູນ ໃນອາຊີຕາເວັນ ອອກສຽງໃຕ້ (ອາຊຽນ)ໂດຍມີການລົງທຶນ ໃນພາກສ່ວນດັ່ງກ່າວ ສູງເຖິງ 23,3ຕື້ໂດລາ ສະຫະລັດ.
ຂປລ.ສຳນັກຂ່າວ ຊິນຮວາຂອງສປຈີນ ລາຍງານວ່າ: ໄນແຟຣງກບໍລິສັດທີ່ປຶກສາ ດ້ານອະສັງຫາລິມະຊັບລະດັບໂລກລາຍງານວ່າ: ມາເລເຊຍກາຍເປັນຜູ້ນໍາ ດ້ານການພັດທະນາສູນຂໍ້ມູນ ໃນອາຊີຕາເວັນ ອອກສຽງໃຕ້ (ອາຊຽນ)ໂດຍມີການລົງທຶນ ໃນພາກສ່ວນດັ່ງກ່າວ ສູງເຖິງ 23,3ຕື້ໂດລາ ສະຫະລັດ. ໂດຍມາເລເຊຍ ມີການປະມວນຜົນ ຂໍ້ມູນລາຍປີສູງເຖິງ 429 ເມກາວັດ ຊຶ່ງລື່ນກາຍ ຫລາຍປະເທດ ໃນພາກພື້ນ ໃນດ້ານການລົງທຶນ ສູນຂໍ້ມູນ. ການເຕີບໂຕດັ່ງກ່າວ ເປັນຜົນມາຈາກ ການລົງທຶນ ເຊິງກົນທະຍຸດ ຂອງບໍລິສັດ ເຕັກໂນໂລຊີ ຂະໜາດໃຫຍ່ເຊັ່ນ ໄມໂຄຣຊອບຟ, ອາເມຊອນ ເວັບ, ເຊີຣວິສ, ກູເກິລ ແລະ ອໍຣາເຄີລ.
ປັດຈຸບັນ ມາເລເຊຍ ມີສູນຂໍ້ມູນ ທີ່ດຳເນີນງານ ຢູ່ 54 ແຫ່ງ ພ້ອມທັງພວມ ປະມວນຜົນຂໍ້ມູນ 504,8 ເມກາວັດ , ໂດຍລັດຖະບານລັດ ຍະໂຮຣ ເປັນຜູ້ນຳດ້ານ ສົມລະນະ ເຕັກໂນໂລຊີສື່ສານ ແລະ ຍ່ານກລັງ ວັລເລຍ ໃນນະຄອນຫລວງ ກົວລາລຳເປີ ຍັງຄົງເປັນຕະຫລາດຫລັກ.
ຂະນະທີ່ ມາເລເຊຍ ດຳເນີນການລົງທຶນ ທາງດິຈິຕອນ ລະຫວ່າງເດືອນ ມັງກອນ-ເດືອນຕຸລາ ປີນີ້ ລວມຢ່າງໜ້ອຍ 141 ຕື້ຣິງກິດ ຊຶ່ງເພີ່ມຂຶ້ນ ສາມເທົ່າຈາກປີ 2023./.
KPL
