KPL
ທ່ວງທ່າ ການພັດທະນາ ຂອງພາກພື້ນ ອາຊີ-ປາຊີຟິກ ມີຄວາມໝັ້ນທ່ຽງ, ແຕ່ຍ້ອນວ່າ ທ່ານ ໂດນັນ ທຣຳ,ວ່າທີ ປະທານາທິບໍດີ ອາເມລິກາ ຄົນໃໝ່ ຈະຂຶ້ນຮັບຕຳແໜ່ງ ໃນວັນທີ20 ມັງກອນ ປີ2025, ນະໂຍບາຍ ດ້ານການຄ້າ, ການເງິນ ແລະ ຊາວອົບພະຍົບ ຈະມີການປ່ຽນແປງ, ອາດຈະສະກັດກັ້ນ ການພັດທະນາ ຂອງພາກພື້ນ ອາຊີ-ປາຊີຟິກ
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 11 ທັນວານີ້, ທະນາຄານ ພັດທະນາ ອາຊີ ໄດ້ເຜີຍແຜ່ ບົດລາຍງານ ການຕິດຕາມ ຕໍ່ການພັດທະນາ ຂອງ ອາຊີປີ 2024 ໄດ້ລະບຸວ່າ: ທ່ວງທ່າ ການພັດທະນາ ຂອງພາກພື້ນ ອາຊີ-ປາຊີຟິກ ມີຄວາມໝັ້ນທ່ຽງ, ແຕ່ຍ້ອນວ່າ ທ່ານ ໂດນັນ ທຣຳ,ວ່າທີ ປະທານາທິບໍດີ ອາເມລິກາ ຄົນໃໝ່ ຈະຂຶ້ນຮັບຕຳແໜ່ງ ໃນວັນທີ20 ມັງກອນ ປີ2025, ນະໂຍບາຍ ດ້ານການຄ້າ, ການເງິນ ແລະ ຊາວອົບພະຍົບ ຈະມີການປ່ຽນແປງ, ອາດຈະສະກັດກັ້ນ ການພັດທະນາ ຂອງພາກພື້ນ ອາຊີ-ປາຊີຟິກ ແລະ ເຮັດໃຫ້ ໄພເງິນເຟີ້ ໜັກໜ່ວງ ຂຶ້ນຕື່ມອີກ. ດັ່ງນັ້ນ ທະນາຄານ ພັດທະນາ ອາຊີ ໄດ້ປັບການຄາດຄະເນ ຕໍ່ຈັງຫວະ ການເຕີບໂຕ ຂອງກຸ່ມເສດຖະກິດ ທີ່ພວມ ພັດທະນາ ຢູ່ອາຊີ-ປາຊີຟິກ ຈາກ 5% ຫລຸດລົງ ເປັນ 4,9%, ປັບການ ຄາດຄະເນ ຕໍ່ຈັງຫວະ ການເຕີບໂຕ ໃນປີ 2025 ຈາກ 4,9% ລົງເປັນ 4,8%. ແຕ່ຍັງຄາດຄະເນ ຈັງຫວະ ການເຕີບໂຕ ເສດຖະກິດ ຂອງ ສປ ຈີນ ໃນປີ 2024 ແມ່ນ 4,8% ແລະ ປີ 2025 ແມ່ນ 4,5%, ແມ່ນບໍ່ມີການປ່ຽນແປງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
