ຂປລ. ແຫລ່ງຂ່າວຈາກສູນຂໍ້ມູນຂ່າວສານຄຸນໝິງໃຫ້ຮູ້ວ່າ:  ເພື່ອເຮັດໃຫ້ວັດທະນະທຳ ແລະ ການທ່ອງທ່ຽວ "ແຊນກຣີ-ລາ" ຂອງໂລກ ມີຊື່ສຽງຫລາຍຂຶ້ນ ແລະ ສົ່ງເສີມວັດທະນະທໍາຈີນ ໄປທົ່ວໂລກ,ວັນທີ 20 ທັນວາ ນີ້, ກິດຈະກຳສົ່ງເສີມການທ່ອງທ່ຽວ ແລະ ວັດທະນະທຳສາກົນ ແຊນກຣີ-ລາ ຂອງໂລສູ່ອາຊີໃຕ້ ແລະ ອາຊີຕາເວັນອອກສຽງໃຕ້ ໄດ້ຖືກຈັດຂຶ້ນໂດຍໂດຍກົມວັດທະນະທຳ ແລະ ທ່ອງທ່ຽວກິ່ງ ແຂວງປົກຄອງຕົນເອງເຜົ່າຕິເບດ ດີຊິງ ຢູ່ນະຄອນຄຸນໝິງ ສປ ຈີນ. ໂດຍມີສະຖານກົງສຸນໃຫຍ່ປະເທດຫວຽດນາມ, ໄທ, ມາເລເຊຍ, ມຽນມາ ,ບັງກະລາເທດ, ລາວ, ກຳປູເຈຍ ແລະ ບັນດາປະເທດອາຊີໃຕ້ ແລະ ອາຊີຕາເວັນອອກສຽງໃຕ້ ປະຈຳນະຄອນຄຸນໝິງ , ພ້ອມດ້ວຍບັນດາການນຳຂອງຫ້ອງການພົວພັນຕ່າງປະເທດ ແຂວງຢຸນນານ, ພະແນກວັດທະນະທໍາ ແລະ ທ່ອງທ່ຽວແຂວງຢຸນນນານ, ສູນຮ່ວມມືຄວາມປອດໄພການປະຕິບັດ ກົດຫມາຍສັງລວມແມ່ນໍ້າລ້ານຊ້າງ-ແມ່ນໍ້າຂອງ ແລະ ພາກສ່ວນຕ່າງໆຂອງລັດເຂົ້າຮ່ວມກິດຈະກໍາ.

ໃນໂອກາດນີ້, ຍັງໄດ້ເຊີນແຂກທັງພາຍໃນຈີນ ແລະ ຕ່າງປະເທດ 200 ກວ່າຄົນ ແລະ ຜູ້ຕາງໜ້າອົງການທ່ອງທ່ຽວເຂົ້າຮ່ວມເປັນສັກຂີພິຍານ ເຖິງສະເໜ່ຂອງການທ່ອງທ່ຽວ ແລະ ວັດທະນະທຳຂອງກິ່ງແຂວງ ດີຊິງ.  ໃນກອງປະຊຸມແນະນໍາ, ທ່ານ ນາງ ຮືຈືເສຍ ຜູ້ແນະນໍາຂອງກິ່ງແຂວງ ດີຊິງ ໄດ້ແນະນໍາເປັນພາສາອັງກິດ ກ່ຽວກັບສະຖານທີ່ທ່ອງທ່ຽວທີ່ມີຊື່ສຽງຂອງກິ່ງແຂວງ ດີຊິງ ເຊັ່ນ: ສວນສາທາລະນະແຫ່ງຊາດ ພູດາທອກ, ພູຫິມະເມລີ, ເຂດທັດສະນີຍະພາບປາລາກືຈອງ, ເຂດທັດສະ ນີຍະພາບສົງຈາກລີມ, ເມືອງບູຮານດູຄືຈອງ ແລະ ອື່ນໆ, ສະແດງໃຫ້ເຫັນແຫລ່ງຊັບພະຍາກອທໍາ ມະຊາດ-ນິເວດທໍາມະຊາດ, ປະຫວັດສາດ-ວັດທະນະທໍາ ທີ່ເປັນເອກະລັກສະເພາະ ແລະ ຄວາມອຸດົມ ສົມບູນ ຂອງກິ່ງແຂວງ ດີຊິ ໃຫ້ເພື່ອນມິດສາກົນທີ່ມາຈາກພາກພື້ນອາຊີໃຕ້, ອາຊີຕາເວັນ ອອກສ່ຽງໃຕ້ໄດ້ຮັບຮູ້.

ໃນອະນາຄົດ, ຄຽງຄູ່ກັບການແລກປ່ຽນ ແລະ ການຮ່ວມມືດ້ານວັດທະນະທຳ-ທ່ອງທ່ຽວ ລະຫວ່າງ ກິ່ງແຂວງດີຊິງ ກັບ ບັນດາປະເທດອາຊີໃຕ້ ແລະ ອາຊີຕາເວັນອອກສ່ຽງໃຕ້ນັບມື້ນັບເຂົ້າສູ່ລວງ ເລິກ, ຮູບພາບຍີ່ຫໍ້ການທ່ອງທ່ຽວວັດທະນະທໍາ"ແຊນກຣີ-ລາ"ຂອງໂລກຈະມີສີສັນສວຍງາມກວ່າເກົ່າຢູ່ອາຊີໃຕ້ ແລະ ອາຊີຕາເວັນອອກສຽງໃຕ້. ກິ່ງແຂວງ ດີຊິງ ຈະສືບຕໍ່ເພີ່ມທະວີການແລກປ່ຽນ ແລະ ການຮ່ວມມື ດ້ານການທ່ອງທ່ຽວວັດທະນະທຳກັບບັນດາປະເທດອາຊີໃຕ້ ແລະ ອາຊີຕາເວັນອອກສ່ຽງໃຕ້ ເພື່ອ ຮ່ວມກັນຊຸກຍູ້ຄວາມຈະເລີນຮຸ່ງເຮືອງ ແລະ ພັດທະນາການທ່ອງທ່ຽວວັດທະນະທຳ.

KPL