KPL
ຂປລ. ກົມຈັດຕັ້ງ ແລະ ພະນັກງານ ກະຊວງການເງິນ ເປີດຂະບວນການແຂ່ງຂັນ-ຍ້ອງຍໍຮັກຊາດ ແລະພັດທະນາປີ 2023-2025 ພາຍໃຕ້ຄໍາຂວັນ “ຄຸ້ມຄອງດີ, ນະໂຍ ບາຍຖືກຕ້ອງ-ວ່ອງໄວ, ຫັນການຄຸ້ມຄອງເປັນທັນສະໄໝ, ໃສ່ໃຈການປະຢັດ” ໃນວັນທີ 28 ມີນາ 2023
ຂປລ. ກົມຈັດຕັ້ງ ແລະ ພະນັກງານ ກະຊວງການເງິນ ເປີດຂະບວນການແຂ່ງຂັນ-ຍ້ອງຍໍຮັກຊາດ ແລະພັດທະນາປີ 2023-2025 ພາຍໃຕ້ຄໍາຂວັນ “ຄຸ້ມຄອງດີ, ນະໂຍ ບາຍຖືກຕ້ອງ-ວ່ອງໄວ, ຫັນການຄຸ້ມຄອງເປັນທັນສະໄໝ, ໃສ່ໃຈການປະຢັດ” ໃນວັນທີ 28 ມີນາ 2023 ໂດຍການເປັນປະທານຂອງ ທ່ານ ກົງຄໍາ ສິດທິວໍລະດາ ຫົວໜ້າກົມຈັດຕັ້ງ ແລະ ພະນັກງານ, ມີຄະນະກົມ, ຄະນະພະແນກ, ພ້ອມດ້ວຍວິຊາການພາຍໃນກົມເຂົ້າຮ່ວມ.
ໃນພິທີ, ທ່ານ ພູພັດ ໄຊທິບ ຮອງຫົວໜ້າກົມຈັດຕັ້ງ ແລະ ພະນັກງານ, ຄະນະຊີ້ນຳວຽກງານການແຂ່ງຂັນ-ຍ້ອງຍໍຮັກຊາດ ແລະ ພັດທະນາຂັ້ນກົມໄດ້ຜ່ານແຜນການແຂ່ງຂັນ-ຍ້ອງຍໍຮັກຊາດ ແລະ ພັດທະນາຂອງກົມຈັດຕັ້ງ ແລະ ພະນັກງານປີ 2023-2025; ຜ່ານຂໍ້ຕົກລົງຮັບຮອງແຜນການແຂ່ງຂັນ; ຜ່ານຂໍ້ຕົກລົງແບ່ງຄວາມຮັບຜິດຊອບໃຫ້ບັນດາພະແນກຈັດຕັ້ງປະຕິບັດ ແລະ ຂໍ້ຕົກລົງເປີດຂະບວນການແຂ່ງຂັນ-ຍ້ອງຍໍຮັກຊາດ ແລະ ພັດທະນາ ປີ 2023-2025. ໃນນັ້ນ, ເນື້ອໃນການແຂ່ງຂັນຂອງກົມຈັດຕັ້ງ ແລະ ພະນັກງານປະກອບມີ 5 ເນື້ອໃນຄື: ນໍາພາສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີວິໄນເຂັ້ມງວດ, ມີຈັນຍາບັນ, ຈັນຍາທຳຕໍ່ໜ້າທີ່ວຽກງານຂອງຕົນ ທີ່ໄດ້ຮັບມອບໝາຍຢ່າງມີຄວາມຮັບຜິດ ຊອບສູງ ຮັບປະກັນໃຫ້ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນດ້ວຍຄຸນນະພາບ, ຕ້ອງສ້າງສະມາຊິກພັກແຂງໃຫ້ໄດ້ 80% ຂຶ້ນໄປ ແລະ ຕິດຕໍ່ກັນ 3 ປີ; ປັບປຸງການຈັດຕັ້ງຂອງຂະແໜງການເງິນໃຫ້ເຂັ້ມແຂງ, ມີປະສິດທິຜົນ, ກະທັດຮັດຕາມທິດນຳຂອງພັກຮັບປະ ກັນດ້ານກົງຈັກການຈັດຕັ້ງໃຫ້ເປັນລະບົບຄົບຊຸດ ສາມາດນຳພາໃນການຈັດຕັ້ງປະຕິບັດວຽກງານໃຫ້ໂລ່ງລ່ຽນ, ຫລຸດຜ່ອນຂອດຂັ້ນ; ພັດທະນາລະບົບຖານຂໍ້ມູນການຄຸ້ມຄອງ ພະ ນັກງານ-ລັດຖະກອນ ຂະແໜງການເງິນຫັນເປັນທັນສະໄໝໃນປີ 2025 ໃຫ້ສຳເລັດບັນດາກົມອ້ອມຂ້າງກະຊວງການເງິນ ເພື່ອຮັບປະກັນການປະຕິບັດນະໂຍບາຍໃຫ້ຖືກຕ້ອງ, ສອດ ຄ່ອງ, ຊັດເຈນ ແລະ ວ່ອງໄວ; ກໍານົດຕໍາແໜ່ງງານໃຫ້ກະທັດຮັດ, ລະອຽດ ແລະ ຊັດເຈນ, ເພື່ອຮັບປະກັນໃຫ້ແກ່ການຄົ້ນຄ້ວາແຕ່ງຕັ້ງ, ສັບຊ້ອນຈັດວາງ, ການກໍ່ສ້າງ-ບຳລຸງໃຫ້ເປັນພະນັກງານສືບທອດປ່ຽນແທນທີ່ມີຄຸນະພາບ ໃຫ້ສຳເລັດ ໃນປີ 2025; ຊຸກຍູ້ວຽກງານປະເມີນຜົນຂອງຂະແໜງການເງິນ ໃຫ້ໄດ້ຮັບການຈັດຕັ້ງປະຕິບັດຢ່າງຖືກຕ້ອງ, ຊັດເຈນ ແລະສຳເລັດຕາມແຜນການ.
ໂອກາດນີ້, ທ່ານ ກົງຄໍາ ສິດທິວໍລະດາ ກໍໄດ້ເນັ້ນໃຫ້ບັນດາພະແນກຕະຫລອດຮອດພະນັກງານ ໃຫ້ຕັ້ງໜ້າຈັດຕັ້ງປະຕິບັດແຜນງານ ກໍຄື ຂໍ້ແຂ່ງຂັນຂອງພະແນກຕົນເອງໃຫ້ປະກົດຜົນເປັນຈິງ. ພ້ອມນັ້ນ, ກໍໃຫ້ມີການສັງລວມປະເມີນຜົນການຈັດຕັ້ງປະຕິບັດເປັນໄລຍະ ເຮັດໃຫ້ແຜນງານການແຂ່ງຂັນ ບັນລຸໄດ້ຕາມລະດັບຄາດໝາຍທີ່ວາງໄວ້.
ຂ່າວ-ພາບ: ກະຊວງການເງິນ
KPL
