KPL
ຂປລ. ກອງປະຊຸມຄະນະປະຈໍາ ສະພາແຫ່ງຊາດ ປະຈໍາເດືອນທັນວາ 2024 ຈັດຂຶ້ນໃນວັນທີ 30-31 ທັນວາ 2024 ຜ່ານມາ ໂດຍການເປັນປະທານຂອງ ທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານຄະນະປະຈໍາສະພາແຫ່ງຊາດ, ມີຮອງປະທານ, ຄະນະປະຈໍາສະພາແຫ່ງຊາດ ແລະ ກຳມະການ ຄະນະປະຈໍາສະພາແຫ່ງຊາດ, ບັນດາລັດຖະມົນຕີ ແລະ ຮອງລັດຖະມົນຕີກະຊວງ, ອົງການທີ່ກ່ຽວຂ້ອງ ເຂົ້າຮ່ວມ.
ຂປລ. ກອງປະຊຸມຄະນະປະຈໍາ ສະພາແຫ່ງຊາດ ປະຈໍາເດືອນທັນວາ 2024 ຈັດຂຶ້ນໃນວັນທີ 30-31 ທັນວາ 2024 ຜ່ານມາ ໂດຍການເປັນປະທານຂອງ ທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານຄະນະປະຈໍາສະພາແຫ່ງຊາດ, ມີຮອງປະທານ, ຄະນະປະຈໍາສະພາແຫ່ງຊາດ ແລະ ກຳມະການ ຄະນະປະຈໍາສະພາແຫ່ງຊາດ, ບັນດາລັດຖະມົນຕີ ແລະ ຮອງລັດຖະມົນຕີກະຊວງ, ອົງການທີ່ກ່ຽວຂ້ອງ ເຂົ້າຮ່ວມ.
ກອງປະຊຸມ ໄດ້ພິຈາລະນາບັນຫາສໍາຄັນພື້ນຖານ ຂອງປະເທດຊາດ ຕາມຂອບເຂດສິດ ແລະ ໜ້າທີ່ຂອງຄະນະປະຈໍາສະພາແຫ່ງຊາດ ທີ່ໄດ້ກໍານົດໄວ້ໃນລັດຖະທໍາມະນູນ ແລະ ກົດໝາຍ ເປັນຕົ້ນ ໜັງສືສະເໜີຂອງລັດຖະບານ ກ່ຽວກັບຮ່າງລັດຖະບັນຍັດ ວ່າດ້ວຍພັນທະອາກອນ ແບບເດັດຖານສະເພາະທຸລະກິດກາຊີໂນ; ໜັງສືສະເໜີຂອງລັດຖະບານ ກ່ຽວກັບການສະເໜີຂໍຍົກເວັ້ນ ພາສີ-ອາກອນ ຂອງພາຫະນະຈຳນວນໜຶ່ງ; ໜັງສືສະເໜີຂອງລັດຖະບານ ກ່ຽວກັບການຂໍໃຫ້ ຄະນະປະຈໍາສະພາແຫ່ງຊາດ ຮັບຮູ້, ຮັບຮອງ ແລະ ຍົກເວັ້ນການປະຕິບັດ ບາງມາດຕາຂອງກົດໝາຍ ທີ່ພົວພັນກັບສັນຍາ ກໍ່ສ້າງ-ດໍາເນີນງານ-ມອບໂອນ (BOT) ສະບັບດັດແກ້ ຄັ້ງທີ 1 ໂຄງການເຂື່ອນໄຟຟ້າເຊຂະໝານ 3; ໜັງສືສະເໜີຂອງລັດຖະບານ ກ່ຽວກັບການຂໍຍົກເວັ້ນ ການປະຕິບັດບາງມາດຕາ ຂອງກົດໝາຍທີ່ພົວພັນກັບໂຄງການ ເຂື່ອນໄຟຟ້ານໍ້າຂອງປາກລາຍ ແລະ ໂຄງການເຂື່ອນໄຟຟ້ານໍ້າຂອງປາກແບງ; ໜັງສືສະເໜີຂອງລັດຖະບານ ກ່ຽວກັບການຂໍຍົກເວັ້ນການປະຕິບັດ ບາງມາດຂອງກົດໝາຍ ແລະ ຂໍຕໍ່ອາຍຸສັນຍາວ່າດ້ວຍ ການຊອກຄົ້ນ ແລະ ສຳຫລວດແຮ່ຄໍາ ຢູ່ເມືອງຊະນະຄາມ ແຂວງວຽງຈັນ; ບົດລາຍງານຜົນການຮຽບຮຽງເນື້ອໃນກົດໝາຍ ທີ່ຜ່ານການພິຈາລະນາຮັບຮອງ ໃນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX ຈໍານວນ 7 ສະບັບ ຄື: ກົດໝາຍວ່າດ້ວຍອົງການ ໄອຍະການປະຊາຊົນ, ກົດໝາຍວ່າດ້ວຍການ ດໍາເນີນຄະດີແພ່ງ, ກົດໝາຍວ່າດ້ວຍການກວດສອບອິດສະລະ, ກົດໝາຍວ່າດ້ວຍການສຶກສາ, ກົດໝາຍວ່າດ້ວຍການພັດ ທະນາສີມືແຮງງານ (ສ້າງໃໝ່), ກົດໝາຍວ່າດ້ວຍສະຫະ ພັນແມ່ຍິງ, ກົດໝາຍວ່າດ້ວຍການພັດທະນາ ແລະ ປົກປ້ອງແມ່ຍິງ; ບົດລາຍງານຜົນສໍາເລັດ ກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX; ບົດລາຍງານການຄົ້ນຄວ້າ ແລະ ປັບປຸງຮ່າງລັດຖະທໍາມະນູນ ຕາມການ ປະກອບຄໍາເຫັນ ຂອງສະມາຊິກສະພາແຫ່ງຊາດ ແລະ ລາຍງານແຜນການທາບທາມ ຄໍາເຫັນຮ່າງລັດຖະທໍາມະນູນປີ 2025; ລາຍງານການຄົ້ນຄວ້າ ການສະເໜີແຕ່ງຕັ້ງ ບຸກຄະລາກອນຂອງສານປະຊາຊົນ; ພິຈາລະນາຄໍາຮ້ອງຂໍຄວາມເປັນທໍາຈໍານວນໜຶ່ງ.
ຂ່າວ: ສພຊ
KPL
