KPL
ຂປລ. ໃນປີ 2024 ນີ້, ເຈົ້າໜ້າທີ່ ປກສ ໃນທົ່ວປະເທດ ສາມາດມ້າງຄະດີຢາເສບຕິດລາຍໃຫຍ່ຫລາຍຄະດີ ເຊິ່ງຈັດເປັນ 10 ເຫດການໃຫຍ່ ຄື: ອັນດັບ 1 ຄະດີຢາໄອສ໌ 1.449 ຖົງ ນໍ້າໜັກ 1.449 ກິໂລກຣາມ, ຊຸກເຊື່ອງມານຳລົດບັນທຸກ 22 ລໍ້ ເຊິ່ງເຈົ້າໜ້າທີ່ ປກສ ແຂວງບໍລິຄຳໄຊ ສາມາດຈັບຜູ້ຖືກຫາ ແລະ ແກ້ໄຂຄະດີໄດ້; ອັນດັບ 2 ຄະດີຢາໄອສ໌ ຫລາຍກວ່າ 1.000 ຖົງ ນໍ້າໜັກ 1.033 ກິໂລກຣາມ ເຊິ່ງເຈົ້າໜ້າທີ່ ປກສ ເມືອງຫົງສາ ແຂວງໄຊຍະບູລີ ສາມາດຈັບຜູ້ຖືກຫາ ແລະ ມ້າງຄະດີໄດ້; ອັນດັບ 3 ຄະດີເຮໂຣອິນ 600 ແທ່ງ, ນໍ້າໜັກ 225 ກິໂລກຣາມ ແລະ ຢາບ້າ 2.900 ມັດ ເທົ່າກັບ 5.800.000 ເມັດ, ນໍ້າໜັກເກືອບ 700 ກິໂລກຣາມ. ຄະດີ
ຂປລ. ໃນປີ 2024 ນີ້, ເຈົ້າໜ້າທີ່ ປກສ ໃນທົ່ວປະເທດ ສາມາດມ້າງຄະດີຢາເສບຕິດລາຍໃຫຍ່ຫລາຍຄະດີ ເຊິ່ງຈັດເປັນ 10 ເຫດການໃຫຍ່ ຄື: ອັນດັບ 1 ຄະດີຢາໄອສ໌ 1.449 ຖົງ ນໍ້າໜັກ 1.449 ກິໂລກຣາມ, ຊຸກເຊື່ອງມານຳລົດບັນທຸກ 22 ລໍ້ ເຊິ່ງເຈົ້າໜ້າທີ່ ປກສ ແຂວງບໍລິຄຳໄຊ ສາມາດຈັບຜູ້ຖືກຫາ ແລະ ແກ້ໄຂຄະດີໄດ້; ອັນດັບ 2 ຄະດີຢາໄອສ໌ ຫລາຍກວ່າ 1.000 ຖົງ ນໍ້າໜັກ 1.033 ກິໂລກຣາມ ເຊິ່ງເຈົ້າໜ້າທີ່ ປກສ ເມືອງຫົງສາ ແຂວງໄຊຍະບູລີ ສາມາດຈັບຜູ້ຖືກຫາ ແລະ ມ້າງຄະດີໄດ້; ອັນດັບ 3 ຄະດີເຮໂຣອິນ 600 ແທ່ງ, ນໍ້າໜັກ 225 ກິໂລກຣາມ ແລະ ຢາບ້າ 2.900 ມັດ ເທົ່າກັບ 5.800.000 ເມັດ, ນໍ້າໜັກເກືອບ 700 ກິໂລກຣາມ. ຄະດີດັ່ງກ່າວ, ເຈົ້າໜ້າທີ່ ປກສ ແຂວງບໍ່ແກ້ວ ສາມາດສະກັດຢຶດຂອງກາງໄດ້.
ອັນດັບ 4 ຄະດີຢາໄອສ໌ 960 ຖົງ, ນ້ຳໜັກ 960 ກິໂລກຣາມ ແລະ ຢາບ້າ 2.042.000 ເມັດ, ນ້ຳໜັກ 200 ກວ່າກິໂລກຣາມ ເຊິ່ງເຈົ້າໜ້າທີ່ ປກສ ແຂວງບໍ່ແກ້ວ ສາມາດມ້າງ ແລະ ສາມາດຈັບຜູ້ຖືກຫາໄດ້; ອັນອັບ 5 ຄະດີຢາບ້າ 14.106.000 ເມັດ, ນ້ຳໜັກ 1.410 ກິໂລກຣາມ ໂດຍເຈົ້າໜ້າທີ່ ປກສ ແຂວງບໍ່ແກ້ວ ມ້າງໄດ້ ແລະ ສາມາດຈັບຜູ້ຖືກຫາໄດ້; ອັນອັບ 6 ຄະດີຢາບ້າ 4.000 ມັດ, ເທົ່າກັບ 8.000.000 ເມັດ, ນ້ຳໜັກ 800 ກິໂລກຣາມ ໂດຍເຈົ້າໜ້າທີ່ ປກສ ເມືອງຕົ້ນເຜິ້ງ ແຂວງບໍ່ແກ້ວ ຢຶດຢາບ້າຈຳນວນດັ່ງກ່າວ; ອັນດັບ 7 ຄະດີນີ້, ເຈົ້າໜ້າທີ່ ປກສ ແຂວງບໍລິຄໍາໄຊ ສາມາດຈັບ ຢາໄອສ໌ 106 ຖົງ, ນໍ້າໜັກ 110 ກິໂລກຣາມ, ເຮໂຣອິນ 99 ແຫ່ງ, ນໍ້າໜັກ 37,5 ກິໂລກຣາມ ແລະ ຢາອີ 47 ຫໍ່, ນໍ້າໜັກ 61 ກິໂລກຣາມ; ອັນດັບ 8 ຄະດີໄອສ໌ 166 ຖົງ ນ້ຳໜັກ, 166 ກິໂລ ແລະ ຢາບ້າ 775 ມັດ ເທົ່າກັບ 1.550.000 ເມັດ ເຊິ່ງເຈົ້າໜ້າທີ່ ປກສ ແຂວງບໍ່ແກ້ວ ສາມາດມ້າງ ແລະ ຕິດຕາມຈັບຜູ້ຖືກຫາໄດ້; ອັນດັບ 9 ຄະດີຢາໄອສ໌ 165 ຖົງ ນ້ຳໜັກ, 165 ກິໂລກຣາມ ເຊິ່ງເຈົ້າໜ້າທີ່ພະແນກຕໍາຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ມ້າງໄດ້ ແລະ ຈັບຜູ້ຖືກຫາໄດ້ ແລະ ອັນດັບ 10 ຄະດີຢາບ້າ 1.222.400 ເມັດ ເຊິ່ງເຈົ້າໜ້າທີ່ ປກສ ເມືອງນາຊາຍທອງ ນະຄອນຫລວງວຽງຈັນ ມ້າງໄດ້ ແລະ ສາມາດຈັບຜູ້ຖືກຫາໄດ້ 2 ຄົນ.
ນັບແຕ່ເດືອນມັງກອນ-ພະຈິກ 2024 ເຈົ້າໜ້າທີ່ ປກສ ໃນທົ່ວປະເທດ ສາມາດມ້າງຄະດີຢາເສບຕິດໄດ້ 3.395 ເລື່ອງ, ຈັບຜູ້ຖືກຫາໄດ້ 5.168 ຄົນ, ຍິງ 505 ຄົນ. ໃນນີ້, ມີຄົນຕ່າງປະເທດ 199 ຄົນ, ຍິງ 19 ຄົນ ແລະ ຢຶດຂອງກາງຢາເສບຕິດປະເພດຕ່າງໆ ລວມມີ ເຮໂຣອິນ 380,96 ກິໂລກຣາມ, ຢາບ້າ 81.030.733 ເມັດ, ນໍ້າໜັກ 8.103,07 ກິໂລ, ຢາໄອສ໌ 4.816,17 ກິໂລ, ຝິ່ນ 84,86 ກິໂລ, ກັນຊາ 3.583,24 ກິໂລ, ເຄຕາມິນ 33,14 ກິໂລ, ຢາອີ 2.584 ເມັດ ກັບ 61,44 ກິໂລ, ແປ້ງຝຸ່ນປະສົມສານເສບຕິດ 10.092,84 ກິໂລ, ສານເຄມີ 101 ຖັງ, ລົດໃຫຍ່ 77 ຄັນ, ລົດຈັກ 480 ຄັນ, ປືນ 10 ກະບອກ ພ້ອມລູກປືນ ຈຳນວນ 1.677 ລູກ ແລະ ເຄື່ອງຂອງກາງອື່ນໆ ທີ່ພົວພັນກັບຄະດີອີກຫລາຍລາຍການ.
ຂໍ້ມູນ: ໜັງສືພິມຄວາມສະຫງົບ
KPL
