KPL
ຂປລ. ລົດໄຟ ລາວ-ຈີນ ໄດ້ບັນລຸປີແຫ່ງຄວາມປອດໄພເປັນປີທີ 3 ຢ່າງຈົບງາມ ນັບແຕ່ເປີດດຳເນີນງານເປັນຕົ້ນມາ ເຊິ່ງເປັນການວາງພື້ນຖານອັນໜັກແໜ້ນ ແລະ ເປັນແມ່ແບບໃຫ້ແກ່ການເລີ່ມຕົ້ນທີ່ດີໃນປີ 2025 ໂດຍພາຍໃຕ້ຄວາມພະຍາຍາມ, ຄວາມເສຍສະລະຂອງພະນັກງານທາງ ລົດໄຟ ລາວ-ຈີນ ໝົດທຸກຄົນ ໂດຍຖືເອົາ ຄວາມປອດໄພຂອງຜູ້ໂດຍສານ ມາເປັນລຳດັບທີໜຶ່ງ ໃນການຈັດຕັ້ງປະຕິບັດວຽກງານ.
ຂປລ. ລົດໄຟ ລາວ-ຈີນ ໄດ້ບັນລຸປີແຫ່ງຄວາມປອດໄພເປັນປີທີ 3 ຢ່າງຈົບງາມ ນັບແຕ່ເປີດດຳເນີນງານເປັນຕົ້ນມາ ເຊິ່ງເປັນການວາງພື້ນຖານອັນໜັກແໜ້ນ ແລະ ເປັນແມ່ແບບໃຫ້ແກ່ການເລີ່ມຕົ້ນທີ່ດີໃນປີ 2025 ໂດຍພາຍໃຕ້ຄວາມພະຍາຍາມ, ຄວາມເສຍສະລະຂອງພະນັກງານທາງ ລົດໄຟ ລາວ-ຈີນ ໝົດທຸກຄົນ ໂດຍຖືເອົາ ຄວາມປອດໄພຂອງຜູ້ໂດຍສານ ມາເປັນລຳດັບທີໜຶ່ງ ໃນການຈັດຕັ້ງປະຕິບັດວຽກງານ.
ໃນໄລຍະຜ່ານມາ, ທາງລົດໄຟ ລາວ-ຈີນ ໄດ້ເພີ່ມທະວີການຄຸ້ມຄອງບຳລຸງຮັກສາ ເພື່ອຮັບປະ ກັນຄວາມປອດໄພໃນການແລ່ນລົດ, ເພີ່ມທະວີການກວດກາ, ບຳລຸງຮັກສາ ແລະ ຄຸ້ມຄອງພື້ນຖານໂຄງລ່າງ, ລົງເລິກວຽກງານປ້ອງກັນໄພພິບັດ ທາງທໍາມະຊາດ ເຊັ່ນ: ໄພນໍ້າຖ້ວມ, ດິນເຈື່ອນ, ແຜ່ນດິນໄຫວ, ໄຟປ່າ ແລະ ອື່ນໆ, ຮັບປະກັນຄຸນນະພາບຂອງອຸປະກອນ ແລະ ສິ່ງອໍານວຍຄວາມສະດວກ ໃຫ້ຢູ່ໃນສະພາບທີ່ດີຢູ່ສະເໝີ, ນຳໃຊ້ເຕັກນິກວິທະຍາສາດ ແລະ ອຸປະກອນທີ່ທັນສະໄໝເຂົ້າໃນ ການປົກປັກຮັກສາຄວາມປອດໄພ ຂອງທາງລົດໄຟຢ່າງຮອບດ້ານ. ນອກນີ້, ຍັງໄດ້ສົມທົບກັບພາກສ່ວນກ່ຽວຂ້ອງຂອງລັດຖະບານ ສ້າງກົນໄກຮ່ວມມືປ້ອງກັນ ຄວາມສະຫງົບທາງລົດໄຟ, ເຜີຍແຜ່ຄວາມຮູ້ ແລະ ຄວາມສໍາຄັນທາງດ້ານຄວາມປອດໄພທາງລົດໄຟ ໃຫ້ແກ່ປະຊາຊົນລຽບຕາມແລວທາງລົດໄຟ. ທັງໝົດເຫລົ່ານີ້, ລ້ວນເປັນຫົວໃຈສຳຄັນ ທີ່ເຮັດໃຫ້ການດຳເນີນງານ ຂອງທາງລົດໄຟມີຄວາມປອດໄພ ຕະຫລອດໄລຍະຜ່ານມາ.
ຜົນສໍາເລັດໃນການດໍາເນີນງານຂອງທາງລົດໄຟ ໃນໄລຍະທີ່ຜ່ານມາ, ປາສະຈາກບໍ່ໄດ້ການສະໜັບສະໜູນ ຈາກປະຊາຊົນລາວທຸກຄົນ ແລະ ຜູ້ໂດຍສານທັງພາຍໃນ-ຕ່າງປະເທດ ທີ່ເຊື່ອໝັ້ນທາງລົດໄຟ ລາວ-ຈີນ ຕະຫລອດມາ.
ໃນປີ 2025 ບໍລິສັດທາງລົດໄຟ ລາວ-ຈີນ ຈໍາກັດ ຈະສືບຕໍ່ຄຸ້ມຄອງບໍາລຸງຮັກສາ ແລະ ດໍາເນີນງານທາງລົດໄຟ ລາວ-ຈີນ ໃຫ້ມີປະສິດທິພາບສູງຂຶ້ນກວ່າເກົ່າ, ສືບຕໍ່ກໍ່ສ້າງທາງລົດໄຟ ລາວ-ຈີນ ໃຫ້ເປັ ນເສັ້ນທາງແຫ່ງການພັດທະນາ, ເສັ້ນທາງແຫ່ງຄວາມຜາສຸກ ແລະ ເສັ້ນທາງແຫ່ງມິດຕະພາບຂອງປະຊາ ຊົນສອງຊາດ ລາວ-ຈີນ, ຍົກສູງຄຸນນະພາບການບໍລິການຂົນສົ່ງຜູ້ໂດຍສານ-ຂົນສົ່ງສິນຄ້າ ໃຫ້ພົ້ນເດັ່ນ, ສືບຕໍ່ອຳນວຍຄວາມສະດວກໃຫ້ການເດີນທາງຂອງປະຊາຊົນ, ຊຸກຍູ້ການທ່ອງທ່ຽວ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງ ສປປ ລາວ.
ຂໍ້ມູນ-ພາບ: ລົດໄຟ ລາວ-ຈີນ
KPL
