KPL
ຂປລ. ແຫລ່ງຂ່າວຈາກ ແຂວງ ອຸດົມໄຊ ໃຫ້ຮູ້ວ່າ: ພະແນກ ກະສິກຳ ແລະ ສິ່ງແວດລ້ອມ ແຂວງອຸດົມ ໄຊ ຈັດຝຶກອົບຮົມ ການກວດສອບ ສານພິດຕົກຄ້າງ ໃນພືດຜັກ ແລະ ໝາກໄມ້ ໃຫ້ວິຊາການສະເພາະ ດ້ານ ຂອງແຂວງເມື່ອມໍ່ໆມາ ນີ້ ໂດຍການເປັນປະທານຂອງ ທ່ານ ວິໄຊ ບຸລະສິນ ຮອງຫົວໜ້າ ພະແນກກະສິກຳ ແລະ ສ່ິງແວດ ລ້ອມ ແຂວງອຸດົມໄຊ ພ້ອມດ້ວຍຜ້ ຕາງໜ້າຈາກສູນປ້ອງກັນພືດ, ກົມ ປູກຝັງ, ກະຊວງກະສິກຳ ແລະ ສິ່ງແວດລ້ອມ, ຊ່ຽວຊານຈາກໂຄງການຟາມ ແລະ ຫ້ອງການກະສິກຳ ແລະ ສິ່ງແວດລ້ອມເມືອງໄຊ, ເມືອງ ແບງ, ເມືອງຮຸນ ແລະ ເມືອງນາໝໍ້ ທີ່ນອນຢູ່ໃນເປົ້າໝາຍເຂົ້າຮ່ວມ.
ການຈັດຝຶກອົບຮົມໃນຄັ້ງນີ້, ກໍ ເພື່ອເຮັດໃຫ້ພະນັກງານວິຊາການ ທີ່ຮັບຜິດຊອບວຽກງານດັ່ງກ່າວ ທັງຂັ້ນແຂວງ ແລະ ເມືອງ ໄດ້ຮັບຮູ້, ເຂົ້າໃຈ ຄວາມໝາຍ, ຄວາມສຳຄັນ ຂອງວຽກງານກວດສອບສານພິດ ຕົກຄ້າງໃນພືດຜັກ ແລະ ໝາກໄມ້ ແນໃສ່ໃນການສ້າງຄວາມເຂັ້ມແຂງ ທາງດ້ານວິຊາການ ພ້ອມທັງ ສາ ມາດເຄ່ືອນໄຫວຈັດຕ້ັງປະຕິບັດຕົວຈິງ ຢູ່ຂົງເຂດຄວາມຮັບຜິດຊອບ ຂອງຕົນໄດ້ຢ່າງມີປະສິດທິພາບ, ຖືກຕ້ອງຕາມຫລັກການ. ນອກນັ້ນ, ຍັງເປັນການສ້າງຄວາມເຊື່ອໝັ້ນ ໃຫ້ແກ່ຜູ້ບໍລິໂພກ ແລະ ຫລຸດຜ່ອນ ສານພິດຈາກພືດຜັກ, ໝາກໄມ້ ເຂົ້າ ສູ່ຮ່າງກາຍ ອັນຈະສົ່ງຜົນກະທົບຕ່ ສຸຂະພາບຂອງຄົນເຮົາ. ການຝຶກ ອົບຮົມໃນຄັ້ງນີ້, ບັນດາສຳມະນາ ກອນ ໄດ້ຮຽນຮູ້ທັງພາກທິດສະດີ ໂດຍສະເພາະ ຮູບແບບ, ວິທີການ, ຂະບວນການ, ຂັ້ນຕອນ ແລະ ຫລັກ ການວິໄຈຕ່າງໆ ພ້ອມທັງລົງເຄື່ອນ ໄຫວຈັດຕ້ັງປະຕິບັດຢູ່ພ້ືນທີ່ຕົວຈິງ ດ້ວຍການສຸ່ມຕົວຢ່າງວິໄຈ ຢູ່ກຸ່ມ ປູກພືດຜັກເຮືອນຮົມ ບ້ານວຽງສາ, ຕະຫລາດບ້ານຖິ່ນ ແລະ ຕະຫລາດ ໜອງແມງດາ.
ພາຍຫລັງສຳເລັດການຝຶກ ອົບຮົມດັ່ງກ່າວແລ້ວ ຈະໄດ້ມີການ ລົງເຄື່ອນໄຫວ ຈັດຕັ້ງປະຕິບັດການ ກວດສອບສານພິດຕົກຄ້າງ ໃນພືດ ຜັກ ແລະ ໝາກໄມ້ ຢ່າງເປັນທາງ ການ ຢູ່ຕະຫລາດໜອງແມງດາ ຕື່ມອີກ. ຂ່າວ-ພາບ: ຄານມະນີ ຮຽນດໍຈັນ
KPL
